網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年1月13日 星期三

HKUSPACE妹留港愛回家 [FACE - 451 - 大專校園] __,愛回家,愛.回家,MF,

咪以為Cynthia咁靚女一定好貪靚,其實佢連洗頭都懶,「因為我唔想洗頭,我可以兩、三日唔洗頭,然後喺屋企hea、彈琴、煲吓劇,咁就一日!」U花U草HKUSPACE妹留港愛回家18歲嘅Cynthia由細到大都係爸爸心目中嘅御用model,只要爸爸講一句「擰轉頭」,Cynthia就知要影相,「幼稚園返學開始,爸爸已經會拎部攝錄機錄住我,就連佢罰我扭耳仔,自己出咗街,都要開部攝錄機錄住睇吓我有冇做!𠵱 ...


咪以為 Cynthia咁靚女一定好貪靚,其實佢連洗頭都懶,「因為我唔想洗頭,我可以兩、三日唔洗頭,然後喺屋企 hea、彈琴、煲吓劇,咁就一日!」

U花 U草

HKUSPACE妹留港愛回家

18歲嘅 Cynthia由細到大都係爸爸心目中嘅御用 model,只要爸爸講一句「擰轉頭」, Cynthia就知要影相,「幼稚園返學開始,爸爸已經會拎部攝錄機錄住我,就連佢罰我扭耳仔,自己出咗街,都要開部攝錄機錄住睇吓我有冇做!𠵱家爸爸都會趁 family day帶我哋去啲特別嘅地方影相,好似上水大水管、馬灣、城門水塘咁,好多 ig啲靚相都係出自爸爸手!」

除咗影相, Cynthia仲會同屋企人寫信講心事,將難開口嘅說話改用文字去表達,成家人感情好到不得了。 Cynthia18歲生日,媽咪仲送咗隻鑽戒俾佢做生日禮物。有個咁溫馨嘅屋企,難怪 Cynthia父母話送佢去澳洲讀書佢都一口拒絕,平時放假都寧願留喺屋企,「我住上水,行去火車站都要半個鐘,交通唔方便。有次凌晨三點先喺鑽石山走,爸爸突登揸車出嚟接我返屋企,但佢第朝仲要返工。嗰次之後,我都盡量避免出夜街,放假宅喺屋企,或者叫朋友嚟 BBQ都開心!」

Cynthia食極唔肥,一百磅都唔夠,佢仲話自己每次燒嘢食或者打邊爐都食到最後,「可能細個做過腸道手術,𠵱家食極都唔吸收!」

仙氣十足嘅 Cynthia靚女又有氣質,原來仲識彈鋼琴,「之前八級 fail咗,嚟緊會重考。」

之前 Cynthia(左一)父母結婚 20周年仲去咗影樓影全家福,真係好 sweet!

陳訢曈  Cynthia

HKUSPACE酒店管理系高級文憑 Yr.1

fb: Cynthia Gan

ig: gannncyt

撰文:葉浩婷

攝影:范仲良

化妝及形象: Kika Wong


鍾意就快D Share啦!