| 據知，之前郭奕芯與盛品儒當街攬啜辣㷫蔡一鳳同唔少人，有人更睇唔過眼周圍唱，叫人唔好搵佢拍電影。 | next 1/1 pre |
 | |
| 郭奕芯行街時，佢只會去減價中嘅舖頭行。 | next 1/1 pre |
 | |
| 郭奕芯成日都係齋睇唔買，一於應使則使呀！ | next 1/1 pre |
 | |
| 冇Job搵上門零收入嘅郭奕芯行到肚餓時，只好買麵包醫肚。 | next 1/1 pre |
 | |
| 郭奕芯行超市時都係只敢掃公仔麵、杯麵，認真慳到盡！ | next 1/1 pre |
 | |
| Ashina曾與盛品儒當街攬攬。 資料圖片 | next 1/1 pre |
 | |
| 仲有錫錫。資料圖片 | next 1/1 pre |
 | |
| 蔡一鳳、盛品儒 資料圖片 | next 1/1 pre |
藝人郭奕芯（Ashina）去年全裸拍電影《同班同學》與「男神」王宗堯肉搏，並首次到東京參加《第28屆東京國際電影節》，贏盡話題，卻「裸」完冇晒影，最近幾乎絕迹娛樂圈，幕前演出甚至公開活動全不見其蹤影。據知，Ashina經常向身邊友人大呻冇收入，令她大感失望，知情人士透露：「Ashina原本以為拍完部戲就可以一脫成名，名就係有嘅，不過冇人搵佢做嘢，收入都唔係咁理想，成日都約我哋出嚟傾，話冇嘢做勁慘！但佢都知手緊期間都唔可以咁大使，所以平時出街唔會亂買嘢，就算連買日用品都要格價先！」曾與亞視前靚仔高層盛品儒當街攬啜的Ashina，據知令當時仍是盛品儒女友的蔡一鳳不快，而且辣㷫不少人，有人睇唔過眼周圍唱，叫人唔好搵Ashina拍電影。
行街齋睇唔買
零工作的Ashina日前獨自現身旺角行街，自知搵食艱難的她變身「慳妹」，各項花費都算到盡，實行發揮「慳家三部曲」，慳得一蚊得一蚊！她先到大型連鎖服務店逛街，面對店內進行瘋狂大減價，衣服低至百零蚊至三百蚊左右，一班港女已瘋狂搶購，但她卻顯得甚為冷靜及理性，不時將衫左拼右拼。鍾情白色冷衫的她雖然望咗勁耐，但依然睇唔啱，嘴扁扁放番低件衫。其後轉戰二樓，她依然努力揀衫，但似乎不為所動，結果兩手空空離開，實行拼過上身就當買咗！
及後Ashina行到肚仔餓，慳家的她未有在餐廳坐低歎下午茶，反而急急腳去買麵包，雖然麵包價格已比下午茶平一大截，但她仍猶豫不決，只鍾情廿蚊以下的麵包。Ashina先選擇長條法國麵包， 但當發現豬仔包後，突然將手上的法國麵包放低，思前想後，始終「情歸」價值18蚊的長條法國麵包，貪其夠平又可以分幾餐食，認真精打細算！
超市掃平貨
Ashina醫完肚又到超級市場購物，似乎為家中糧倉「上子彈」，惟慳家至上的她只專攻公仔麵、杯麵及烏冬類麵食，更堅守冇特價就唔買的原則， 專睇優惠特價貨，最後買埋汽水就走人。意猶未盡的Ashina，Window Shopping 似乎未夠喉，即使拎住公仔麵，但仍最後衝刺睇袋、睇鞋，雖然各大品牌推出減價優惠，睇袋時更有店員猛烈推銷，但Ashina未有心動，摸吓就當買咗，婉拒店員好意。最後Ashina睇短靴時，非常沉醉一個人濕平，拿起低至半價的特價款式研究，但仍堅守慳家防線，睇咗又當買咗，然後搭巴士回家，全日使費不足一百蚊！深明積穀防饑的道理，Ashina 今次使出「慳家三部曲」可謂相當成功！
|
鍾意就快D Share啦！
|
|
|