掃呢頁CODE去手機

2016年1月18日 星期一

【毛記Like后】被爆曾割雙眼皮 盤菜瑩子直認:整得靚唔靚呀? __,

毛記Like后盤菜瑩子,之前做訪問點都唔肯講真名同芳齡。點知佢個真名都未起到,就有人大爆佢曾經割雙皮同隆鼻整容。日前《蘋果》讀者爆相爆片兩張盤菜兩年前嘅相,分別係餐廳同港鐵入面同朋友影嘅合照。相中笑容燦爛嘅盤菜,招牌酒凹冇走樣,不過雙眼屬單眼皮矇豬眼,比宜家明顯細一半。《蘋果》今日就問番盤菜本人,出乎意料佢竟然爽快直認雙眼曾經做過吊線手術:「我兩年前做嘅,整得靚唔靚呀?以前靚啲定依家靚啲?其實我覺 ...


毛記Like后盤菜瑩子,之前做訪問點都唔肯講真名同芳齡。點知佢個真名都未起到,就有人大爆佢曾經割雙皮同隆鼻整容。日前《蘋果》讀者爆相爆片兩張盤菜兩年前嘅相,分別係餐廳同港鐵入面同朋友影嘅合照。相中笑容燦爛嘅盤菜,招牌酒凹冇走樣,不過雙眼屬單眼皮矇豬眼,比宜家明顯細一半。《蘋果》今日就問番盤菜本人,出乎意料佢竟然爽快直認雙眼曾經做過吊線手術:「我兩年前做嘅,整得靚唔靚呀?以前靚啲定依家靚啲?其實我覺得依家都仲係好細(眼)。」盤菜話做手術時,雖然醫生有落麻醉藥,但做嗰陣都feel到痛:「做手術嗰陣醫生先喺你眼側面打麻醉藥,然後翻起眼皮,鏠幾針就搞掂,唔係嚇你,成個過程唔使5分鐘就做完,但就有啲痛。吊線只可以keep幾年,總之唔靚就再整。不過我絕對唔會整個鼻,因為以前睇電視,話整過鼻嘅人,大力扭個鼻會歪。」做完手術,盤菜話最方便係化妝嗰陣慳咗唔少時間:「以前化妝要化個幾鐘,依家15分鐘就可以出門口,講真,冇得驚人講乜,自己整得,預咗啦,不過我都係為咗靚之嘛,又冇打家劫舍!」其實盤菜亦被網民起底係樂隊Autumn Cicada嘅成員,唱動漫歌又有玩cosplay,有人搵到佢演唱嘅舊照,當年個look仲好薯嘜,不過肯大方承認自己整容嘅女仔真係冇乜幾個,盤菜其實除咗個樣,佢敢言夠真先係最大賣點!

以前嘅盤菜係矇豬眼 (讀者提供圖片) (讀者提供圖片) (讀者提供圖片)
而家盤菜隻眼大咗2倍,不過佢就話仲係好細 (盤菜瑩子fb圖片) 盤菜同坤哥都係好熟o架(盤菜瑩子fb圖片)

鍾意就快D Share啦!