網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年1月21日 星期四

SMAP神話不滅 [壹週刊 - 1350] __,SMAP,木村拓哉,M1,

日韓到會SMAP神話不滅每逢年頭總會有人預言今年會有人結婚、離婚、分手、復合等等,不過相信點都無人批到,日本天團SMAP會傳出解散!消息震驚整個日本,連日來大篇幅頭版報導,重視程度仲緊張過日本股市下瀉!SMAP出道已屆25年,五位成員經歷過唔少風雨,雖然之前都曾經傳過解散,不過今次言之鑿鑿,唔通真係無彎轉?公司高層內鬥作為一個留意日本藝能界嘅迷妹,SMAP今次傳出解散,唔係空穴來風。早喺幾年前,S ...


日韓到會

SMAP神話不滅

每逢年頭總會有人預言今年會有人結婚、離婚、分手、復合等等,不過相信點都無人批到,日本天團 SMAP會傳出解散!消息震驚整個日本,連日來大篇幅頭版報導,重視程度仲緊張過日本股市下瀉!

SMAP出道已屆 25年,五位成員經歷過唔少風雨,雖然之前都曾經傳過解散,不過今次言之鑿鑿,唔通真係無彎轉?

公司高層內鬥

作為一個留意日本藝能界嘅迷妹, SMAP今次傳出解散,唔係空穴來風。早喺幾年前, SMAP所屬嘅尊尼事務所,已經分成兩派,一邊由社長喜多川 Johnny嘅姪女 Julie帶領,另一邊係手握公司一哥嘅經理人飯島三智。有指飯島一向野心重,上年就有雜誌訪問 Julie嘅媽媽 Mary,佢大發雷霆話唔容許有人僭越,仲當住記者面大鬧飯島,叫佢如果唔滿意就帶埋 SMAP離開,因此埋下伏線,飯島將會喺今年 2月辭職。

SMAP當年出道成績唔好,仲話過三年內做唔出成績就解約,當時飯島對佢哋不離不棄,知道靠唱歌行偶像路線唔 work,就改變策略主攻綜藝節目,要佢哋扮鬼扮馬,從而建立而家嘅入屋形象。五個成員都非常尊重佢,所有工作上嘅決定都要經過佢批准,所以今次佢辭職,外界都推測 SMAP會跟佢離巢。不過隊中王牌木村拓哉認為 Johnny社長對佢哋恩重如山,唔應該做反骨仔,於是偏向留低,形成 4對 1嘅局面。如果傾唔掂,最後 4位成員離開嘅話,佢哋以後就唔可以以 SMAP嘅姿態出現,甚至唔可以唱 SMAP嘅歌,形同解散。 Johnny事務所亦罕有發聲明,指事件喺協議當中,暫時唔會發表意見。有指 SMAP嘅合約於今年 9月到期,仲有時間拉鋸,且看最後天團如何拆解。

2014年 SMAP擔任慈善節目主持,拍咗一套電視劇,內容正正係用解散主題,電視劇最後梗係大團圓結局,唔知今次又係唔係呢?

《 SMAP X SMAP》係日本最長壽嘅綜藝節目之一,由 1996年開播至今,足足 20年,演出過嘅大牌嘉賓多不勝數,包括美國天后 Lady Gaga。

經濟損失天文數字

SMAP五位成員涉獵歌影視,打開電視每一日都有 SMAP嘅節目及廣告。木村拓哉主攻拍劇,組合未成名之前佢已經係日劇天王。其他四位成員亦各自搵定位,隊長中居正廣係金牌司儀,手執五個綜藝節目,又多次為紅白擔任司儀;稻垣吾郎同草剛分別因為危險駕駛同醉酒鬧事,令事業陷入低潮,最近積極向舞台劇界發展,成績不俗;年紀最細嘅香取慎吾形象親民,係各大廣告商嘅寵兒,最近為纖體公司擔任代言人,曝光率極高!有日本經濟學家分析,如果 SMAP真係解散,經濟損失高達 280億日圓(約 18.2億港元),難怪解散消息未經證實,已經驚動全日本!

SMAP五位成員各自有唔同嘅廣告在手,以 SMAP名義擔任代言人嘅廣告就有 7-11。

SMAP開創偶像先河,放下偶像包袱,喺綜藝節目入面扮鬼扮馬,呢個扮少女時代嘅造型夠晒破格。

日本天團 SMAP於 2016年一開始就傳出解散消息,驚動全日本,不過事情似乎有轉機, SMAP舉行記者會交代,還 fans一個安心。

SMAP

SMAP於 1991年出道,起初有 6位成員, 1996年森且行退出,以 5人姿態維持至今。近年佢哋主要作個人活動,以 SMAP名義一齊演出就有每星期綜藝節目《 SMAP X SMAP》,以及每兩年一次嘅巡迴演唱會。

中居正廣

出生日期: 1972年 8月 18日( 43歲)

近況:於日本五個綜藝節目擔任主持,上年收入估計高達 7億日圓(約 4千 5百萬港元)。

木村拓哉

出生日期: 1972年 11月 13日( 43歲)

近況:上年於日劇《 I'm Home》轉型受好評,最近忙於拍攝新戲《無限之住人》。

稻垣吾郎

出生日期: 1973年 12月 8日( 42歲)

近況:主攻電影配角及舞台劇, 2月開始演出音樂劇《戀與音樂 Final》。

草_剛

出生日期: 1974年 7月 9日( 41歲)

近況:多套日劇中表現出色,密密拍,今季有新劇《 Specialist》上檔。

香取慎吾

出生日期: 1977年 1月 31日( 38歲)

近況:綜藝拍劇兩邊走,於師奶圈中人氣極高,今季有新劇《家族的形式》上檔。

撰文:關錦雯


鍾意就快D Share啦!


Related Posts Plugin for WordPress, Blogger...