網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年1月13日 星期三

坤哥 VS猷亨港女揀邊個? [FACE - 451] 坤哥,猷亨,MF,吳業坤

全知言坤哥VS猷亨港女揀邊個?早前大劉仔劉鳴煒完勝游學修成為男神,不過2016係坤哥年,由大台頒獎禮霧鏡事件,到商台動L,坤哥由做棋變男神,一直話自己單身嘅坤哥,有名有利,下一步就係揾女朋友啦,今時今日坤哥變咗筍盤,就算攞陳瀅男友何猷亨同佢揀,成班女星都話要揀坤哥做男友,屋邨仔終於贏到富二代喇,毒L有希望㗎!Anjaylia:唔可以揀猷亨「無論點我都揀我自己個男朋友,但如果你一定要我揀呢?咁就揀坤 ...


全知言

坤哥 VS猷亨港女揀邊個?

早前大劉仔劉鳴煒完勝游學修成為男神,不過 2016係坤哥年,由大台頒獎禮霧鏡事件,到商台動 L,坤哥由做棋變男神,一直話自己單身嘅坤哥,有名有利,下一步就係揾女朋友啦,今時今日坤哥變咗筍盤,就算攞陳瀅男友何猷亨同佢揀,成班女星都話要揀坤哥做男友,屋邨仔終於贏到富二代喇,毒 L有希望㗎!

Anjaylia:唔可以揀猷亨

「無論點我都揀我自己個男朋友,但如果你一定要我揀呢?咁就揀坤哥啦,因為猷亨係我好姊妹 Jeannie男友,我點可以對佢有非份之想呢?而且坤哥同我都係公屋出身,話題投契啲,唱歌好聽都係一個原因,因為我自己五音不全,佢可以補我不足。」

倪晨曦:唱情歌我聽

「我諗我會揀坤哥,因為佢好有毅力啦,我好欣賞佢付出咁多努力,識作歌又作詞,應該好多女仔都冧,等佢唱多啲情歌我聽;猷亨太細個喇( 23歲),會覺得同佢一齊,自己似大家姐,我諗女仔會想被照顧多啲。」

莊思敏:我都 ok有錢!

「猷亨對我嚟講好似年紀細得滯,咁就揀坤哥啦,佢都唔係大㗎喇( 25歲),但年紀應該同我近啲,同埋猷亨外表太 young,(猷亨有錢喎!)咁我都 ok有錢,我自己夠食咪得囉,哈哈哈,咁坤哥又識唱歌亦係娛樂圈人,有共同話題嘛。其實坤哥唔係咁戇直㗎,你哋遲啲就知(又想爆料喎!)。」

連詩雅:音樂人多話題

「我覺得坤哥係可愛嘅,佢成個 presentation都吸引同好得意,所以我諗我會揀坤哥,因為我認識佢個人,但猷亨我係完全不認識,同埋坤哥係音樂人應該會多啲話題。」

陳詩欣:坤哥太紅

「我兩個都唔揀,首先坤哥呢期太紅喇,大把女仔好想親近佢,佢應該眼尾都唔望我,何生我就從來都冇接觸過佢,大家都唔認識,應該就唔會囉。」

姜麗文:愛情唔講錢

「其實兩個都好靚仔,不過我會揀坤哥,因為我自己係唱作人,所以特別欣賞坤哥對音樂嘅熱誠,之前我喺頒獎禮見到佢,我當時都好感動,覺得佢好可愛,好純呀,有冇錢?愛情係講 feel嘅。唔係講錢。」

而街坊不知猷亨是誰?

呢期坤哥橫掃,基本上冇可能會輸喇,一如所料,後生女清一色揀坤哥;至於何家公子, sorry!對於未受社會洗禮嘅後生女,你是多麼的遙遠,就算話明俾佢哋聽有錢仔,佢哋都冇揀,絲打要 keep住呢種 pure呀!

嘉儀( 23歲):

「都係坤哥,起碼我識佢多啲,另外個位都唔識,點揀?」

甘荀( 19歲):

「揀坤哥,兩個比較,坤哥個樣後生啲,個樣毒男啲,但有才華。」

嘉儀( 19歲):

「坤哥囉,好似後生啲,有錢?遲啲先諗囉。」

梁小姐:

「坤哥,因為我都唔知猷亨邊位?對我嚟講坤哥可愛啲,雖然唔靚仔,但唔係睇樣嘛。」

即時報料 facepop

熱線: 9222 0828

電郵:facenews@nextmedia.com

facebook: Face Magazine inbox

line、 we chat id: facemagazine


鍾意就快D Share啦!