網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月18日 星期四

女友招搖撞騙 辣㷫富爸富友 莊家彬攬張名雅取替 [壹週刊 - 1354] 莊家彬,張名雅,M1,

莊家彬陪程新惠到淺水灣與友人聚會,兩人前後腳去洗手間。探熱針女友招搖撞騙 辣㷫富爸富友 莊家彬攬張名雅取替由小三坐正做正印的莊家彬女友程新惠,過去年半,不時借「莊家彬女友」之名,對外訛騙自己和男友的富二代朋友圈稔熟,藉此撈油水!終於惹來男友父親莊紹綏,以及霍啟剛等友人不滿。女友失格,莊家彬近日進行「改組」,搭12年港姐冠軍張名雅陪出席晚宴活動。對未來新抱有意見的莊紹綏,原來一早睇中岑麗香,甚至開口 ...


莊家彬陪程新惠到淺水灣與友人聚會,兩人前後腳去洗手間。

探熱針

女友招搖撞騙 辣㷫富爸富友 莊家彬攬張名雅取替

由小三坐正做正印的莊家彬女友程新惠,過去年半,不時借「莊家彬女友」之名,對外訛騙自己和男友的富二代朋友圈稔熟,藉此撈油水!終於惹來男友父親莊紹綏,以及霍啟剛等友人不滿。女友失格,莊家彬近日進行「改組」,搭 12年港姐冠軍張名雅陪出席晚宴活動。

對未來新抱有意見的莊紹綏,原來一早睇中岑麗香,甚至開口託人介紹她給莊家彬,程新惠的女友身份,凍過水!

攞莊家牌頭撈油水

莊家彬作為八十億莊士集團接班人,父親莊紹綏對於兒子的另一半甚有要求!同程新惠拍拖一年半,莊紹綏一直嫌棄女方來自強國又冇學歷,毫不匹配,加上兩人拍拖後,莊家彬每月使費倒水一般,讓莊紹綏更不滿。

「每個月使成六萬蚊租陽明山莊,又有一大堆買名牌嘅數要找,莊生覺得個女仔㩒住個仔嚟搶!」一名知情人士透露。

但最令莊紹綏震怒的,是程新惠不時以「莊家彬女友」之名,在外面招搖撞騙撈油水,影響莊家的名聲。「拍拖無耐,個女仔已經係咁做,外面都有人同 Albert(莊家彬)講過,叫佢話吓個女朋友,但反而變本加厲,後來仲傳到去莊生耳中,因為影響到莊家聲譽,莊生唔嬲就假!」

本刊向莊紹綏求證時,問到他對兒子女友的看法,他搞笑說:「邊個係我個仔?」提起程新惠時,他更黑晒面:「你問番佢自己,問我做咩?」

莊紹綏嫌傅明憲結過婚又大過莊家彬,即使拍拖九年,一樣出手拆散。

近日力追港姐張名雅的莊家彬,和對方頭貼頭影合照。

離開時程新惠面燶燶,一馬當先上車。

莊紹綏一聽到程新惠三個字,即黑面撥開記者。

落閘唔使出席婚禮

想入門做莊家新抱的程新惠,拍拖一年半以來,始終未有機會見家長,無時無刻搵位融入莊家的她,不時向男友施壓,受不住煩音轟炸,去年十月,莊家彬終於肯帶同程新惠飛意大利,出席胞妹莊家蕙的婚禮,為女友製造見家長機會。

豈料莊紹綏夫婦得悉兒子的「精心」安排,異口同聲不歡迎對方,父母企硬,莊家彬惟有丟低程新惠一個人留在米蘭,自己單拖去科莫湖參加婚禮。

「 Grace(程新惠)無諗過 Albert父母咁絕,個人都喺意大利,都唔俾佢去(婚禮),所以發晒癲,係咁㩒男友買名牌,勁發洩。」莊家彬身邊人說。

獲邀陪去 ball的張名雅,在 fb開心些牙和莊家彬及友人合照。

莊家彬意圖帶女友出席胞妹婚禮,點知老豆莊紹綏和老媽子賀碧諭一口拒絕,程新惠就算人在意大利,都唔准去!

去年 10月,莊紹綏嫁女,莊家彬的胞妹莊家蕙在意大利舉行婚禮。

朋友圈無人 like

除了借莊家名義撈油水,程新惠連莊家彬的富二代好友都唔放過,更對外聲稱同郭晶晶係閨密,招搖撞騙,惹來霍家大新抱不滿外,口不擇言的程新惠亦辣㷫菁英會的成員好友,所以過去半年,莊家彬已甚少帶女友出席朋友圈聚會。

「 Grace出親嚟都搭唔到嘴,陪坐但又唔好脾氣,坐得耐就黑面要 Albert氹,再唔係一開口就句句窒住晒,大家都怕咗佢。」

有局唔再預埋女友的莊家彬,早前同霍啟剛及一眾友人到灣仔鷹君中心晚飯聚會,食到十二點幾,才返回陽明山莊。

飯後莊家彬急急腳走,趕返陽明山莊交人。

程新惠訛稱與莊家彬友好的郭晶晶稔熟,令對方大為不滿。

女友不受歡迎,莊家彬單拖與霍啟剛及友人飯聚。

勁食檸檬的程新惠,屈男友喪買名牌洩憤,還將戰利品上載 ig。

莊家彬出席完胞妹婚禮後即飛返米蘭會合女友,在當地因酒店問題鬧得不愉快,在微博鬧爆。

程新惠刻意上載與莊家彬的合照,明示自己去了意大利,令人以為她有份出席莊家的喜事。

換張名雅去 ball

父母、朋友一致劣評,莊家彬亦四出「覓食」,先後同集郵芒王秀琳( Mango),以及退選港姐沈子妤( Judy)有過一腿,最新目標是一二年港姐冠軍張名雅,莊家彬甚至公然帶她出席晚宴活動。

「個女朋友上唔到大枱,但 Albert成日要去 ball應酬多,要個 partner唔失禮,近期佢帶個港姐出嚟,大家都冇多問!」莊家彬身邊人透露。

短玩定長揸都好,張名雅同樣要過到莊父一關。

據了解,莊紹綏有晚睇電視見到無綫劇《無雙譜》中的岑麗香,立即讚好靚好純,更聲言:「呢啲女仔先襯得起我個仔!」

絕對唔係講笑!事後莊紹綏更認真到說要搵人介紹香香給莊家彬認識,可惜香香早已名花有主,做唔成莊紹綏的心水新抱。

莊紹綏睇中《無雙譜》中的香香,認為對方樣靚純品,夠條件襯得起自己個仔。

戴假髮的集郵芒 Mango與莊家彬相識一場,早前兩人暗撻玩埋過。

棒打鴛鴦

仔大女大都好,仔女揀另一半過人世,為人父母一定意見多多,尤其強勢爸媽,更難過關!

許晉亨 劉嘉玲

89年,「藍血人」許晉亨與鄉音未改的劉嘉玲愛得痴纏,拍拖三年二人公布婚訊,豈料遭男友雙親許世勳夫婦反對,劉嘉玲豪門新抱夢碎。

黎諾懿 楊怡

10年,與同一期訓練班出身的黎諾懿撻着,但楊母嫌男方冇錢冇事業,一度出手拆散,結果二人拍拖半年就散。

鄭嘉穎 王馨平

94年,鄭嘉穎搭上當時憑《別問我是誰》爆紅的王馨平,愛女心切的王羽,認為鄭嘉穎冇出息,出手棒打鴛鴦,六年感情告終。

張名雅

年齡: 28歲

三圍: 32、 23、 34

身高: 164cm

學歷:加拿大英屬哥倫比亞大學畢業(經濟系學士)

選美獎項:溫哥華華裔小姐亞軍( 2009)、香港小姐冠軍及國際親善小姐( 2012)、國際中華小姐季軍( 2013)

演出經驗:曾主持《姊妹淘》、《東張西望》等節目, 14年開始,亦有參與少量電視劇演出,包括《再戰明天》、《以和為貴》等,但大多都演閒角。

岑麗香

年齡: 31歲

三圍: 33、 23、 34

身高: 166cm

學歷:加拿大昆特侖里大學畢業(時裝設計學士、市場管理學士及人力資源學士文憑)

選美獎項:溫哥華華裔小姐冠軍( 2009)、國際中華小姐冠軍( 2010)

演出經驗:擁有清純形象及一副好身材,被封為 TVB「四大處女」之一, 12年憑電視劇《巴不得媽媽》成為宅男女神,其後劇接劇,《樓奴》、《實習天使》等套套擔正,近年更成為廣告界新寵兒,吸金能力極高。

撰文、攝影、攝錄:娛樂組


鍾意就快D Share啦!


Related Posts Plugin for WordPress, Blogger...