2月 4日晚，戴漁夫帽遮樣的李逸朗同新女出現將軍澳廣場 market place買糖，戀情曝光。
探熱針
李逸朗租屋 收埋國產女
追女仔唔一定要有樣有錢！有手段又識氹人的李逸朗便是最佳人辦！去年被發現在將軍澳寶林邨速食朱晨麗後，最近更升呢租住將軍澳豪庭，收埋國產新女；買外賣、玩煮飯仔，日日禁室。
俾人笑唔再慳
憑「哭腔」《傻女》反彈的李逸朗，有機會由大陸回歸香港搵食，不過飲咗幾年強國水，口味亦變得國產。今個月初，記者在將軍澳發現李逸朗同一個操半鹹淡廣東話的新女著黑色情侶裝行孖咇，兩人去完超市再到 food court拎外賣，然後一齊返回月租萬五的新竇將軍澳豪庭，慢慢歎！
「上次阿 Don（李逸朗）帶 Rebecca（朱晨麗）返老家寶林邨，事後俾人笑到佢面黄！○九年開始返大陸，咁多年都搵咗唔少人仔，好多年前阿 Don已經喺土瓜灣傲雲峰租過一個單位，方便返嚟有個竇，後來佢見自己真係好少時間喺香港，先退租慳番啲錢，寧願返嚟就住番老家寶林邨，點知俾人影到帶朱晨麗返屋邨，瘀爆！佢唔想再俾人唱，所以租咗個新竇，不過都係離唔開住慣嘅將軍澳。」知情人說。
識煮扮唔識
有新女收埋玩！翌日晚，記者又見到李逸朗單拖落樓去超市買餸、即食麵及日用品等。其間他一直玩住微信，和女友聯繫仲要買啲乜！
早前，氹女有一手的李逸朗出席煮食活動時表示：「我完全唔識煮飯㗎！最叻係打邊爐，將啲食物淥熟。」講呢啲！當晚卻見李逸朗買了些劏好的魚及醃好的雞，返歸同女友下廚玩煮飯仔。
男女皆宜
03年入行的李逸朗，每次出手幾乎都中！女友葉翠翠、朱晨麗全部是港姐級數，更加同合和集團太子爺胡文新傳過緋聞，男女皆宜。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|