掃呢頁CODE去手機

2016年2月25日 星期四

余思敏唔得閒 鄭東漢開心做替工 [壹週刊 - 1355] __,M1,

同你吟一吟余思敏唔得閒 鄭東漢開心做替工鄭中基做咗老豆之後,呢幾年一條心搵奶粉錢,等老婆余思敏可以專心照顧一對仔女,做少奶奶。最開心嘅,應該係鄭東漢!見到個仔成家立室成個人生性晒,仲要生埋兩個孫俾佢玩,安樂!有日《壹》仔又見到鄭中基對仔女喺淺水灣放電,不過今日媽咪余思敏唔得閒,要爺爺鄭東漢同姑姐(鄭中基胞妹)幫手做替工。四歲Emma十足甩繩馬騮,周圍走,要姑姐同外傭姐姐一左一右跟住𥄫實,至於得一歲 ...


同你吟一吟

余思敏唔得閒 鄭東漢開心做替工

鄭中基做咗老豆之後,呢幾年一條心搵奶粉錢,等老婆余思敏可以專心照顧一對仔女,做少奶奶。

最開心嘅,應該係鄭東漢!見到個仔成家立室成個人生性晒,仲要生埋兩個孫俾佢玩,安樂!有日《壹》仔又見到鄭中基對仔女喺淺水灣放電,不過今日媽咪余思敏唔得閒,要爺爺鄭東漢同姑姐(鄭中基胞妹)幫手做替工。

四歲 Emma十足甩繩馬騮,周圍走,要姑姐同外傭姐姐一左一右跟住𥄫實,至於得一歲人仔,坐住 BB車嘅 Evan,全程由阿爺推住;望住個孫仔,愈望愈忍唔住,𠌥埋去錫一啖!滿足到呢!

今日阿爺同姑姐(鄭中基胞妹)揸庄,帶鄭中基一對仔女出去放電,鄭東漢全程負責揸( BB)車,開心到呢!

同外傭姐姐夾手夾腳抬起 BB車撐上樓梯,行完一把年紀嘅鄭東漢要坐低休息。

夠鐘返屋企,阿爺幫手收 BB車。

Emma周圍扎扎跳,要姑姐同外傭姐姐四隻眼𥄫實。

鄭中基同余思敏閃婚閃生,三扒兩撥,已湊成好字。

撰文:八珍


鍾意就快D Share啦!