網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月25日 星期四

處男做評審司儀 劉青雲全面停工 [壹週刊 - 1355] __,劉青雲,青雲,M1,

為做好處男金像獎司儀及亞洲電影大獎評審呢份工,決定停工匿屋企煲戲做功課的劉青雲,日前中午,孖老婆到西貢市中心搵飯食,二人拍拖方式好特別,郭藹明手插老公褲袋當拖手,一樣sweet。探熱針處男做評審司儀 劉青雲全面停工劉青雲入行33年,前年第二度獲封金像獎影帝,演技再被肯定,但要進一步自我挑戰,近日他竟然答應處男下海擔任金像獎司儀,更加做埋亞洲電影大獎評審,離開安全區,為了有好表現,青雲停工兩個月,做 ...


為做好處男金像獎司儀及亞洲電影大獎評審呢份工,決定停工匿屋企煲戲做功課的劉青雲,日前中午,孖老婆到西貢市中心搵飯食,二人拍拖方式好特別,郭藹明手插老公褲袋當拖手,一樣 sweet。

探熱針

處男做評審司儀 劉青雲全面停工

劉青雲入行 33年,前年第二度獲封金像獎影帝,演技再被肯定,但要進一步自我挑戰,近日他竟然答應處男下海擔任金像獎司儀,更加做埋亞洲電影大獎評審,離開安全區,為了有好表現,青雲停工兩個月,做住家男匿埋屋企煲戲做功課。

爾冬陞出手

屬於圈中極罕的劉青雲,跟郭藹明結婚十八年,無論公事私事,都極之倚賴老婆。早前二人拍拖到西貢市中心行街,屬於老街坊的劉青雲夫婦,路經花店時,先跟老闆打招呼,之後行到附近的餐廳搵位醫肚,但人多爆滿,就算熟客都冇位,二人仍跟老闆傾了一陣才

離開。

「青雲近排停咗工唔接 job,事關佢嚟緊會幫香港電影金像獎做司儀,其實青雲唔多鍾意講嘢,一班朋友當中,佢係最少出聲嗰個,做司儀對佢嚟講係新挑戰,佢都諗咗一段時間先應承大會。除咗想試吓新嘢,佢覺得自己喺呢個圈咁多年,應該為電影圈做番啲嘢,加上爾冬陞親自出到聲叫佢幫手,佢咪應承囉!」知情者說。

住了西貢多年,劉郭二人經過相熟花店,專登入去打牙骹,離開時被街坊捉住集郵。影帝好 nice,來者不拒。

二人本欲吃意大利菜,但熟客都冇位,惟有冇癮離開去另一間。

近日劉青雲樂做煮飯公。本月 7日(年廿九),他幫老婆到九龍城街市攞雞做節,又做布景板。

有爆肚天分

唔算合群,亦自稱唔叻講嘢的劉青雲,原來亦有潛在天分!早前,住家男單拖到街市買雞,就被發現是個爆肚高手。

「郭藹明喺街市訂咗隻雞,青雲第二日幫手去攞,記者撞到問佢點解唔即場買新鮮雞,佢就笑笑口話要即買即劏即食,就要將雞檔搬返屋企。」

處男下海做司儀,不過亦擔心自己臨場會出現怯場,劉青雲惟有惡補,睇好多不同現場直播的節目做參考,加上他答應做「亞洲電影大獎」評審,要在三月前睇晒十幾部候選電影,絕對忙過開工拍戲。

「做得評審,就一定要睇晒所有戲先可以俾分,近排佢成日匿喺屋企煲戲。不過農曆年嗰段時間佢班 friend吳鎮宇、黃子華搞飯局,青雲都有蒲頭,順便交換心得攞吓料。」知情者說。

兩屆金像獎影帝的青雲,今年被好友爾冬陞成功游說,出任金像獎司儀。他雖不擅辭令,但卻有幽默天分,應該應付到。

劉青雲停工前最後一個 job,是去年 12月與兄弟古仔拍陳木勝執導的《神行太保 2016》。

俾杜 sir杜琪峯氹掂,青雲做埋亞洲電影大獎評審,據知大部分被提名入圍的電影他都未睇過,故要下月中前惡補,連續煲十幾二十部戲。

青雲甚少與太太郭藹明夫妻檔工作,去年第二度攞影帝後,心情好才跟老婆合作接廣告。

貼錢買難受

一年一度的香港電影金像獎頒獎禮,由於製作費有限,司儀純屬義工甚至要倒貼,加上大會度稿水準一般,就算肯捱義氣幫手做司儀,亦隨時要面對被網民圍插的壓力,絕對係貼錢買難受。

陳小春發台瘟

去年與楊千嬅和林家棟一齊做金像獎司儀的陳小春,被網民狂鬧口窒窒接唔到嘴,不過小春就話「口窒窒」是個人風格,如果要搵個口齒伶俐的司儀,絕對唔會搵佢。

林家棟欠尊重

林家棟宣布最佳新演員提名名單時,將電影《點對點》的張雪芹讀成「張咩咩」,不單被網民大罵,更被電影導演投訴不尊重,要求他道歉。

撰文、攝影、攝錄:娛樂組


鍾意就快D Share啦!


Related Posts Plugin for WordPress, Blogger...