娛樂偵訊
被崔建邦狠飛 陳嘉莉寄情麥子樂
上月被崔建邦狠飛的𡃁模陳嘉莉（ Kelly），猴年剛開始，已經搵到新目標： 36歲、去年轉投英皇的佘詩曼緋聞男友麥子樂（ Bryant）！ 23歲來自廣州的 Kelly，約食睇戲，做晒主動！
即場抄牌
上週三（二月十七日）晚上八時多，本刊發現和崔建邦甩拖不久的陳嘉莉，與曾跟佘詩曼傳緋聞的麥子樂，在圓方的 Mango Tree等位食泰菜，二人有傾有講，女方更不時主動拍打及挨近對方，在公眾地方亦毫不避嫌，感情看來不錯。
食完飯，二人行去戲院方向，買飛睇《冰天血地 8惡人》，繼續下場。
據知，二人早前在友人的飯局上認識，並即場互相抄牌，交換電話號碼。
「之前有個朋友生日搞飯局，大家都見到 Kelly好主動，係咁搵話題同 Bryant傾偈，佢同 Amigo（崔建邦）分手冇耐，初時都擔心佢會好唔開心，不過似乎又冇乜嘢，佢仲話自己冇拍拖好悶，要快啲搵個伴。」知情者說。
受阿佘影響
陳嘉莉追擊主動，不過麥子樂比較慢熱，就算對方開晒綠燈，他都淡定歎慢板。
「 Bryant鍾意有自己思想嘅女仔，佢同阿佘好細個就識，呢個契姐對佢影響亦好大， Bryant鍾情有腦有主張嘅獨立型女性， Kelly對佢嚟講似妹多啲，但佢甩拖嗌晒悶，咪陪吓佢囉！」知情者說。
阿爺剩落
36歲的麥子樂是胡定欣、黎諾懿同期藝員訓練班同學， 04年簽約成為無綫藝員，一直要做不起眼的閒角，直至在《雷霆掃毒》中飾演徐子珊的智障細佬才受到網民激讚。 12年離開無綫轉投王維基的香港電視，與黃日華合作新劇《開腦儆探》及返內地接拍微電影，去年簽約英皇。
麥子樂的祖父早年在筲箕灣開船廠，過世後留下一大筆遺產分給子女及後人，麥母多年前已投資香港房地產，長期持有六至八個單位，現時他與媽咪同住市值千六萬的大坑道一號，亦是早年買入的物業，屋企都有米。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
