掃呢頁CODE去手機

2016年2月25日 星期四

嫩男友陪天倫樂 鍾麗緹主動做「老細」 [壹週刊 - 1355] __,鍾麗緹,鍾麗,M1,

情人節翌日,Christy同男友Shawn加埋兩個女,「一家人」現身中環shopping。娛樂偵訊嫩男友陪天倫樂 鍾麗緹主動做「老細」經歷兩次婚姻失敗的鍾麗緹,雖然要孭住養育三個女的責任,但她並未因此而放下鬥心,反而積極留住索樣同身材,為第三春做好準備;去年參加內地真人騷《如果愛》,更成功搭上足足細自己十二年的型男張倫碩(Shawn)。上週一(二月十五日),鍾麗緹拖住男友仔同兩個囡囡現身中環,買嘢 ...


情人節翌日, Christy同男友 Shawn加埋兩個女,「一家人」現身中環 shopping。

娛樂偵訊

嫩男友陪天倫樂 鍾麗緹主動做「老細」

經歷兩次婚姻失敗的鍾麗緹,雖然要孭住養育三個女的責任,但她並未因此而放下鬥心,反而積極留住索樣同身材,為第三春做好準備;去年參加內地真人騷《如果愛》,更成功搭上足足細自己十二年的型男張倫碩( Shawn)。

上週一(二月十五日),鍾麗緹拖住男友仔同兩個囡囡現身中環,買嘢食飯,鍾麗緹自動波俾錢, Shawn就幫手湊女,各司其職!

香港過情人節

單親媽咪有市場!四十五歲鍾麗緹( Christy)同內地型男張倫碩打得火熱,寧願留守北京瘟仔而放棄接拍荷李活電影,拍拖大過天!

情人節翌日(十五日)傍晚, Christy帶住兩個細女 Jaden及 Cayla現身中環的 Zara時裝店,三母女直上三樓童裝部,原來男友 Shawn(張倫碩)同其親友早已在店內行住等,行多半個鐘後,一行人再轉戰附近的平價化妝店,繼續掃。

女友在化妝店內血拼成粒鐘, Shawn等到放蚊,買到一手戰利品的 Christy離開時即拿着贈品向男友撒嬌。

再戰運動鋪, Shawn就幫女友拎嘢,好有風度。

三催四請

買化妝品扮靚, Christy買到唔願走,男友於是企在門口,照顧兩個老人家同小朋友,中途等得唔耐煩, Shawn幾次走入鋪頭催促,終於捨得俾錢走的 Christy,使錢後心情特別靚,離開店鋪時主動繑實男友氹番,邊行邊開籠雀般。

之後一行人去埋運動鋪,直到兩個女嗌肚餓,一行人去了威靈頓街一間越南餐廳坐低醫肚,其間 Shawn主動夾餸俾 Christy同兩個女,「一家人」相處融洽。

食足一小時,離開餐廳時,二人繼續雞啄唔斷, Christy含春望住男友甜笑,最後一同坐保母車離開。

在越南餐廳醫肚, Shawn主動為大家夾餸, Christy望住男友甜笑。

食飽走,二人雞啄唔斷, Christy成個春樣。

當日無論買嘢定食飯, Christy都主動爭埋單,男友就慣晒雙手插袋。

見男友行得唔耐煩, Christy主動上前繑實呵番。

同居生活

被指年齡、成就、賺錢能力有差距,但卻無損這段姊弟戀關係,早前二人更雙雙在微博宣布,將名字改為鍾麗雅和張浩銘,寫下「我們會長長久久幸幸福福的喔」,兩人戀情升溫,已同居生活多月。

「 Christy雖然離咗兩次婚,但對愛情依然好有憧憬,佢同 Shawn都鍾意做運動,大家有共同興趣,溝通絕對冇問題,更何況 Shawn都卅幾歲,並唔係所謂嘅『小鮮肉』,不過佢哋都冇將啲閒言閒語放喺心上面, Shawn好短時間已經融入女友家人關係,同三個囡囡相處得好好,呢一點, Christy特別珍惜!」知情者說。



45歲依然充滿戰意的 Christy,去年被拍到素顏買蛋糕,其間春光乍洩,露出大半個「八月十五」。

去年參加內地真人騷《如果愛》, Christy同細十二年的張倫碩撻着。

唔將別人放在眼內的 Christy,經常大方分享拍拖生活照。

上週六(二十日),鍾麗緹偕同男友到澳門欣賞麥當娜巡唱,舊愛城城亦有同場, Christy大方表示想介紹男友給對方認識。

Shawn同 Christy的囡囡相處融洽,更經常一齊去旅行,十足「一家人」。

水到渠成

要和有仔女的另一半維持好關係,必須做得到愛屋及烏,令對方的小朋友願意接受,搭通天地線,才可水到渠成。

謝霆鋒

03年初與王菲拍拖時,霆鋒已看清關係,不時幫忙照顧當時年僅 9歲的童童,培養「父女」感情。

李心潔

與彭順從拍拖到結婚,李心潔一直盡心盡力照顧男方和前妻所生的女兒,甚至有幾年沒拍戲,直到繼女開始長大,她才復工。

林青霞

邢李㷧與前妻張天愛的女兒邢嘉倩,初時並不太接受繼母林青霞,但青霞主動修好,又細心的照顧,兩人終變成「好朋友」。

莫文蔚

與德籍初戀男友 Johannes結婚後,照單全收老公與前妻的三個子女,莫文蔚更自稱是賺了;她亦與快要讀大學的大女感情特別好,「兩母女」經常交換衫著。

撰文、攝影、攝錄:娛樂組


鍾意就快D Share啦!