網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月25日 星期四

林建岳查數 陳冠希限期還 1500萬 [壹週刊 - 1355] __,林建岳,陳冠希,M1,

探熱針林建岳查數 陳冠希限期還1500萬08年爆發淫照事件後,事業由高峰直插谷底的陳冠希,仍得到老闆林建岳不離不棄,當時更墊支1500萬,為Edison解決多個廣告賠償及律師費,不過,事隔多年,Edison富貴生活依舊,但欠下老闆的巨債,一直拖得就拖。直至去年,林建岳見Edison時裝生意做得有聲有色,加上頻密接內地酒吧騷賺錢,仍不斷扮窮拖數,於是下令要Edison將CMD(岳少科水Edison合 ...


探熱針

林建岳查數 陳冠希限期還 1500萬

08年爆發淫照事件後,事業由高峰直插谷底的陳冠希,仍得到老闆林建岳不離不棄,當時更墊支 1500萬,為 Edison解決多個廣告賠償及律師費,不過,事隔多年, Edison富貴生活依舊,但欠下老闆的巨債,一直拖得就拖。直至去年,林建岳見 Edison時裝生意做得有聲有色,加上頻密接內地酒吧騷賺錢,仍不斷扮窮拖數,於是下令要 Edison將 CMD(岳少科水 Edison合資開設的公司)收入上報,限期要他清還 1500萬欠債。老細做嘢, Edison係咁意,先還 200萬!  

岳少墊支

○四年簽約林建岳紅館經理人公司旗下的陳冠希,○七年更冧掂老闆科水,合作開設 CMD多媒體公司,事業如日方中,電影、廣告、時裝瓣瓣掂,不過,○八年因為維修電腦,自己與女藝人的秘密艷照流出,引爆一場淫照風暴後, Edison事業重挫,要潛居美國避風頭;當時,林建岳更代他墊支了 1500萬,作為廣告客戶損失賠償,和到加拿大出庭的律師費。

「爆發淫照, Edison形象衰晒,班廣告客要求賠償係理所當然,寰亞幫手執拾呢個爛攤子,啲賠償金全部都係岳少墊支出嚟,公司又要幫佢請保鑣,之後佢搬去四季酒店住,去加拿大出庭,啲錢都係公司俾住先!」知情者說。

09年 2月以證人身份到加拿大出庭應訊,其母陪伴在旁,岳少亦請埋保鑣護送。

淫照搞出大頭佛,當時女友楊永晴仍對 Edison不離不棄,可惜最後分手收場。

未因淫照事件汲取教訓的 Edison, 11年與 16歲嫩模謝芷蕙拍嘴相放上網。

拖足八年

一轉眼,八年前的淫照風暴已平息,雖然 Edison人氣不再,內地亦未全面解封,但他生財有道,電影、電視劇攞唔到批文,就轉唱夜場搵錢,創辦的潮牌 Clot愈做愈有, Juice時裝店更由上海進駐埋北京,加埋台灣等其他地方,已經有六間店。

「頭兩年 Edison的確近乎零收入,岳少好體諒佢,有乜需要都會幫手,當時合資 CMD公司無乜大動作,好多嘢都可以側側膊,但近呢幾年 Edison成日返內地唱酒吧騷,個個月走七、八個場,每個月收入平均都有幾百萬,好和味!加上時裝生意又穩定番,但佢就好似冇事發生咁,幾年來咪講話還錢,連賺嘅錢亦唔分清分楚。」

被 Edison牽連的張栢芝、鍾欣桐、陳文媛,事業同樣插水,更先後離婚或跟男友分手。

會計師查數

雖然身兼旅發局主席、經民聯監事會主席的林建岳,亦忙到根本冇時間理會 Edison,但寰亞是上市公司,要向其他股東交代。

「岳少周身唔得閒,但身邊好多人會同佢報告,呢幾年 Edison收入真係多咗,佢唔交數,寰亞就叫會計師查數, Edison無得再拖,舊年開始被迫向總公司上報收入,終於還咗二百幾萬。」知情者說。

陳冠希有錢拖住唔還,老豆陳澤民同樣有鋪拖數癮,○九年陳澤民因為欠債二千萬而申請破產,但破產後生活仍然富貴,住豪宅揸靚車,出入半島過上等人生活,情況同 Edison一樣,欠人錢,照樣住月租十萬的南灣豪宅。錢,都係自己袋住好!

無電影拍, Edison近年主力唱內地酒吧騷賺錢,一樣好好執。

Edison與台灣女友 Ann(左圖)多次傳出婚訊, 14年底卻偷食分手,去年又被揭與人妻內地名模秦舒培(右圖),坐大髀遊東京。

經常表現寸到爆的 Edison,和家人感情要好,擔起全家人的生活費,連兩個家姐亦生活無憂。

欠債過千萬,但 Edison生活富貴,經常出入名店。《蘋果日報》圖片

大後台

淫照流出, Edison被邀返警署協助調查。

有自稱奇拿的人於 08年 1月上載一張陳冠希與鍾欣桐的艷照上網,令「淫照風波」一觸即發,往後被牽連女星愈來愈多,包括張栢芝、陳文媛、顏穎思、楊永晴、陳思慧等,短短兩星期,奇拿一共上載 433張淫照。事件爆出後, Edison形象破產,廣告包括 EPS、 Manhattan信用卡、 Jacob& Co手錶全部被抽,令起用他的廣告商損失慘重,當年 Edison惟有付上千三萬作賠償,平息事件,其後回港交代,為安全理由, Edison出入都有保鑣跟身,加加埋埋使咗近千五萬,全靠有老闆林建岳條大水喉射住, Edison先有本事撐咁耐。

有錢唔還

欠債還錢天公地道,但有人有錢唔還之餘,生活依然富貴,無賴!

吳卓羲

初入行的吳卓羲,月入只有八千蚊,長期入不敷支,有指他不時向引薦他入大台的古天樂呻窮,更於兩年內向對方借近五十萬,即使後來一度被大台力捧,吳卓羲可以換車又換女,但完全冇還錢意欲。

劉浩龍

有個天后女友的劉浩龍住豪宅揸靚車做老闆,但去年卻傳出他向富貴好友何超儀借一百萬應急,對於傳聞,債主何超儀以笑帶過。

鍾鎮濤 章小蕙

96年,鍾鎮濤跟前妻章小蕙向裕泰興財務借錢炒樓,結果欠下 2.5億巨債,裕泰興入稟法庭, 02年,阿 B以無力償還為由申請破產,其間一樣住豪宅,出入有工人司機服侍,至於章小蕙於第一次敗訴被追還款期間,仍豪買七十多萬寶馬,生活冇變。

撰文、攝影、攝錄:娛樂組


鍾意就快D Share啦!