鍾嘉欣呢幾日係咁被傳結婚兼大肚，對象係前無綫集團主席梁乃鵬嘅姪仔醫生Jeremy，仲話會月尾(27號)擺酒。今日嘉欣BB就向傳媒證實，女神真的結婚了!佢透露係去年初認識Jeremy，大家同樣係教徒有共同價值觀，仲提到長輩想佢哋「開枝散葉」，到去年秋天Jeremy向嘉欣BB求婚，仲喺去年底搞咗個簡單婚禮。講到雙喜臨門，嘉欣BB話唔會一一回應，但喺適當時候會公佈，咦，又「開枝散葉」，又「適當時候會公佈」，睇嚟真係要留定句「恭喜」同佢講啦!仲有一個喜訊講得嘅係，嘉欣BB喺2月27號，即係3日後會補擺喜酒!不過地點喺邊，佢就冇講到!曾合作拍劇嘅馬國明得知嘉欣結婚馬上送上祝福，馬國明今日接受《蘋果》電話訪時說：「啱啱有人同我講，我祝佢白頭到老，快啲生個得意BB，私下我會短訊恭喜佢。」可會請鍾嘉欣食飯補祝，馬國明話：「等佢返嚟得閒先，我會排隊等吓。」會買定BB仔禮物送鍾嘉欣嗎？馬國明話：「未諗住。」
來源 source: http://hk.apple.nextmedia.com
|
鍾意就快D Share啦！
|
|
|