網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月22日 星期一

麥當娜3級過蕉 笠Eason$620 __,Eason,麥當娜,陳奕迅,

Eason雖然老貓燒鬚撻低,但麥當娜仍捉實Eason的手並大讚他厲害與勇敢。
麥當娜3級過蕉笠Eason$620澳門新濠影滙前晚匯集兩大巨星,國際樂壇天后麥當娜(Madonna)開騷抽中香港樂壇天王陳奕迅(Eason)上台上演世紀舞鬥,Eason樂極忘形失手跌倒,令麥當娜笑到跪低。雖然Eason老貓燒鬚,但都獲娜姐送上香蕉「安慰」,兩人之後又妙語連珠,大玩不文笑話!Eason雖然老貓燒鬚撻低,但麥當娜仍捉實Eason的手並大讚他厲害與勇敢。麥當娜前晚於新濠影滙舉行《Rebe ...


麥當娜3級過蕉 笠Eason$620

澳門新濠影滙前晚匯集兩大巨星,國際樂壇天后麥當娜(Madonna)開騷抽中香港樂壇天王陳奕迅(Eason)上台上演世紀舞鬥,Eason樂極忘形失手跌倒,令麥當娜笑到跪低。雖然Eason老貓燒鬚,但都獲娜姐送上香蕉「安慰」,兩人之後又妙語連珠,大玩不文笑話!

麥當娜前晚於新濠影滙舉行《Rebel Heart Tour》首場澳門騷,大批歌迷包括Eason一家三口到場朝拜。麥當娜尾聲獻唱《Unapologetic BXXch》時循例邀請一名歌迷上台共舞,Eason因在台下出位勁舞,獲挑選為幸運兒,實在是意外驚喜!Eason上台後興奮大跳特跳,期間又被舞蹈員夾住,讓麥當娜先後用手與腳打屁股,不過在舉中指環節Eason擔心教壞女兒,只舉無名指。Eason愈跳愈激,突然跳起其招牌動作break dance跨腿舞,卻老貓燒鬚做了滾地葫蘆,令麥當娜笑到跪低!不過Eason再做蜈蚣彈起身攞番彩。其後麥當娜熱情地捉住Eason的手高舉,大讚他厲害與勇敢。

麥當娜:「你叫乜嘢名,年輕人?」

Eason:「Sorry?(乜話)」

麥當娜:「Sorry就係你個名?」

Eason:「我個名叫Eason。Season冇咗個S。」

麥當娜:「你係咪嚟自澳門?」

Eason:「我嚟自香港!」(舉手做出搖滾手勢)

麥當娜:「頭先你係咪跳香港嘅經典舞步?」

Eason:「我諗唔係啦,只係一啲癲喪舞步,我係唔想重複番Evelyn之前跳隻舞。」

麥當娜:「你唔想跳佢隻funky chicken(狂野雞舞)咩?」(一邊跳香港騷第二晚嘉賓Evelyn的舞一邊問)Eason立即跟着跳起來,冷不防被麥當娜搶去眼鏡戴上。

麥當娜:「天啊,你咁樣睇落靚仔好多。」引得全場大笑,Eason亦笑得彎下腰。

「天啊,你咁樣睇落靚仔好多。」
  • 「天啊,你咁樣睇落靚仔好多。」
「畀埋我!係咁多啦?真係可惜,MotherfXXker!」
  • 「畀埋我!係咁多啦?真係可惜,MotherfXXker!」
兩位模仿麥當娜的索模現身,吸引目光。
  • 兩位模仿麥當娜的索模現身,吸引目光。
凌空彈跳 <br>Eason在台上跳其招牌break dance跨腿舞,卻慘變滾地葫蘆,令麥當娜笑到跪低!
  • 凌空彈跳

    Eason在台上跳其招牌break dance跨腿舞,卻慘變滾地葫蘆,令麥當娜笑到跪低!
失手仆低
  • 失手仆低
跌倒起腳
  • 跌倒起腳

銀紙塞入胸前

麥當娜之後將手搭在Eason肩上,並大讚Eason的表現。

麥當娜:「做得好呀Eason,我未見過咁嘅舞步!我哋每晚都會向Unapologetic bxxch送禮物,你亦唔例外。你練咗幾耐?」

Eason:「冇!」

麥當娜:「咁你飲咗幾多?」

Eason:「其實我今日冇飲,我唔使飲都可以natural high(自然興奮)。」

麥當娜脫下眼鏡歸還Eason後,與他玩high five(擊掌),但她又整蠱Eason故意拍空。

玩得意猶未盡的麥當娜繼續問Eason今日收了幾多錢?

Eason:「我冇收錢,你要我做乜我都會做!」(說罷單膝跪地,高舉雙手)

麥當娜:「身上有幾多錢?我唔理幾多,總之畀少少錢我。」

Eason站起來摸褲袋,摸出一張銀紙,被麥當娜一手奪去。當麥當娜再問「仲有冇?」後,Eason搖搖頭,但將銀紙拿多兩次出來,共620元全被麥當娜搶走。

麥當娜:「畀埋我!係咁多啦?真係可惜,MotherfXXker!」

麥當娜將銀紙塞進胸前衣服,拍拍心口袋袋平安,但她還是未夠喉,親自摸進Eason屁股褲袋,令Eason笑得見牙唔見眼。

掛住傾偈被鬧

麥當娜突然爆粗表示自己太興奮,而忘記未派「禮物」,即轉身從舞蹈員手上拿過香蕉,回頭看見Eason與另一舞蹈員聊天,將香蕉藏到身後,更「教訓」Eason!

麥當娜:「喂Eason唔准傾偈!(Eason交足戲扁嘴低頭道歉。)呢個係特別嘅時刻,就好似頒獎禮咁,只不過你唔係攞奧斯卡,係攞條蕉。」說完從身後拿出香蕉送給Eason。

麥當娜:「你值得攞呢條蕉,你嘅表演無可置疑。你知唔知要點用條蕉?係PG級(家長指引)、R級(成人觀眾)定X級(打真軍)先?」

Eason:「乜級都得,你想我點做?」

麥當娜:「X級,不過又唔使依家做嘅。」

Eason:「我個女在場呀。」麥當娜瞪大眼睛,側頭嘻嘻笑。

麥當娜:「我係話你會用屋企部Xbox同隻蕉玩呀。」

最終Eason被請下台時,向麥當娜送上飛吻。而麥當娜亦向Eason示愛,但就抵死地向他說:「你攞唔番啲錢」

文:外娛組


鍾意就快D Share啦!


Related Posts Plugin for WordPress, Blogger...