網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月25日 星期四

大肚 5個月 香香做伴娘亞男做姊妹 老公大十年 鍾嘉欣趕嫁脊醫 Jeremy [壹週刊 - 1355] __,香香,鍾嘉欣,嘉欣,李嘉欣,岑麗香,M1,

娛頭大肚5個月 香香做伴娘亞男做姊妹 老公大十年 鍾嘉欣趕嫁脊醫Jeremy鍾嘉欣14年結束跟伍允龍的八年情後,一度與舊拍檔陳展鵬再傳緋聞,但原來一向鍾意將感情事收埋的鍾嘉欣,去年在胞姐撮合下,跟前無綫主席梁乃鵬姪兒JeremyLeung拍拖,發展接近一年,至數月前發現有餡,大住肚的鍾嘉欣情人節在拉斯維加斯唱完騷後,已戴上婚戒的她立即飛返溫哥華,着手籌備月底舉行的婚禮,伴娘岑麗香亦早已飛往加拿大幫 ...


娛頭

大肚 5個月 香香做伴娘亞男做姊妹 老公大十年 鍾嘉欣趕嫁脊醫 Jeremy

鍾嘉欣 14年結束跟伍允龍的八年情後,一度與舊拍檔陳展鵬再傳緋聞,但原來一向鍾意將感情事收埋的鍾嘉欣,去年在胞姐撮合下,跟前無綫主席梁乃鵬姪兒 Jeremy Leung拍拖,發展接近一年,至數月前發現有餡,大住肚的鍾嘉欣情人節在拉斯維加斯唱完騷後,已戴上婚戒的她立即飛返溫哥華,着手籌備月底舉行的婚禮,伴娘岑麗香亦早已飛往加拿大幫手,而人妻李亞男屆時亦會飛到當地,出席婚禮做姊妹。

年薪百萬加幣

今年四月便三十二歲的鍾嘉欣,一四年十一月跟伍允龍分手後,一直未有確認新戀情。以為她已收拾心情,集中火力重拾一姐地位,但事業原來已不重要,因為她已經極速搵到另一半。

據了解,去年返溫哥華探屋企人的鍾嘉欣,在家姐 Annie安排下,跟早已認識的前無綫集團主席梁乃鵬姪仔 Jeremy約會,男方在溫哥華本那比區( Burnay)開設脊醫診所,每年收入達百萬加幣(港幣約五百七十萬),是鑽石王老五。

「 Annie(鍾嘉欣胞姊)覺得 Jeremy性格好,做脊醫又係老闆,所以特登安排佢哋再見面,兩個人見番無幾耐就拍拖, Jeremy四十幾歲,大過嘉欣十幾年,所以好識遷就佢,加上有家底,嘉欣屋企人對佢印象好好,覺得個女今次揀啱人。」知情者說。

梁乃鵬姪仔

Jeremy是前無綫主席梁乃鵬的姪仔,鍾嘉欣應該估不到二人會拉上關係,成為他的姪新抱。

婚戒曝光

登台其中一晚,月底做梁太的鍾嘉欣戴着結婚鑽戒唱《明天我要嫁給你》。

12月未見肚

去年 12月出席完香港的倒數活動,鍾嘉欣就未有再接新工作。

水桶腰

二月中到拉斯維加斯登台,鍾嘉欣在另一件闊身娃娃裙下亦難遮四個月肚。

去年尾發現有餡

入行十二年,鍾嘉欣不單在香港將軍澳新都城買了兩個單位,數年前更在溫哥華買了大屋給屋企人;眼見自己年紀有番咁上下,對於發展新戀,更加投入。據了解,除了缺陣孭正新劇《警犬巴打》宣傳外,去年底發現有餡的她已向無綫請假三個月,兩年冇出過碟的她更要求將本來四月出唱片的日子向後延。

「嘉欣發現自己有咗之後,都冇通知公司,只係將出唱片嘅時間不斷延後,由今年四月改去十一月,跟住又話十一月都唔出住,搞到公司好㷫,之後更加發展到唔可以成日搵到佢。不過之前接落嘅 job就冇得唔做,好似佢同煎 Pang(陳展鵬)去三藩巿同拉斯維加斯做騷,大住肚都要唱,雖然著鬆身裙遮肚,但喺台上行得好慢,仲要水桶腰成個腫晒。

「做騷嗰晚,嘉欣唱《明天我要嫁給你》時特別有 feel,話做呢行要秘密嫁,就算嫁咗都唔可以俾人知;又話做人唔好咁多 planning……全晚不停同現場觀眾交流愛情心得,乜嘢愛情唔代表數字,唔在乎歲數……好似講緊自己同 Jeremy嘅關係咁。」知情者說。

好友岑麗香 16號已飛溫哥華準備做伴娘。

今年 1月中跟好友李亞男在香港食完晏,鍾嘉欣即飛加拿大,自此未有再返香港。

Jeremy在 Burnay開的脊醫診所,僱有七個員工,由於有按摩服務提供,在當地有不少華人幫襯。

收埋男友一星期

過去大半年,跟 Jemery打得火熱的鍾嘉欣經常請假返加拿大,今年初回港時,她忍唔住露口風,聲稱在加拿大開始學煮嘢食,同時又留定後路,說就算有拖拍都不會公開,將戀情冚實。

「過去嗰半年佢 keep住香港同加拿大兩邊飛,舊年十月放咗一個半月假,十一月初返香港開工, Jeremy都飛咗嚟香港陪佢,喺嘉欣屋企住咗成個星期,十二月嘉欣又特登飛返加拿大,同男友度過拍拖後第一個聖誕,但只係留咗幾日,又要撲返香港做倒數騷。到一月中,嘉欣又突然飛返加拿大,之後就冇返過香港。

「雖然有咗餡,但嘉欣冇特登收埋自己,因為佢住嗰區好多華人,大家都見到佢肚凸凸,仲要戴咗隻好大粒嘅鑽石戒指;即將做媽咪,嘉欣心情都好好,見到人都係笑容滿面。」知情者說。

為了在加國養胎,鍾嘉欣跟黃宗澤合作的新劇《警犬巴打》宣傳活動,她一次也未有現身。

去年 11月底,趁來港與她小聚一星期的 Jeremy離開後,鍾嘉欣翌日即飛內地做商演,當日有粉絲到機場送機,未見肚的她身形仍十分纖瘦。

一直未有出現宣傳活動,原來鍾嘉欣早已經向公司請假三個月。

自從跟 Jeremy拍拖後,鍾嘉欣經常戴住二人的定情心形頸鏈。

跟伍允龍甩拖後,解凍鍾嘉欣再被安排錄歌出唱片,不過她卻將推出日子改完再改,至今未有出碟時間。

搵定大肚婚紗

見肚冇得等!計劃月底舉行婚禮的鍾嘉欣,預先在「大佬」胡杏兒開的婚紗店問價「大肚婚紗」外,亦會上網睇婚紗晚裝,為婚禮做準備。

「嘉欣圈中朋友唔多,佢淨係搵咗香香同亞男兩個好姊妹出席婚禮。香香十六號已經飛咗過去,佢男友喺嗰邊,可以順便探埋男友,至於亞男就啱啱喺澳洲旅行返香港,佢同老公慶祝完情人節,先飛溫哥華幫手搞婚禮。」知情者說。

發現有餡後,有指鍾嘉欣曾找老死胡杏兒幫忙,在她去年開的婚紗店搵大肚婚紗。

向來孝順的鍾嘉欣,因為鍾母嫌伍允龍賺錢及知名度不及女兒,一直唔主張二人拍拖,而鍾嘉欣亦因而大受困擾。

在加國安胎期間,鍾嘉欣經常上網睇婚紗,落手落腳籌備婚禮。

蒸餾水

出道 12年,鍾嘉欣一直保住純過蒸餾水形象,加上有要求,唔會亂搞男女關係,唯一正式承認的只得前度伍允龍,至於曾對她有 feel林峯,亦因形象花心冇行。

伍允龍

07年拍電影《十分愛》撻着,由於嘉欣事業剛起飛,故一直否認戀情,至 13年才半公開,但 14年底堅分手。

陳展鵬

13年 10月,鍾嘉欣背伍允龍與陳展鵬拍《巨輪》暗撻,清晨同車纏綿斷正,發現記者時,女方先跳車,之後煎 Pang慌張炒車,戀情見光死。

林峯

06年拍大台劇《溏心風暴》時,被林峯力追,雖然林公子有樣有錢,偏偏不是鍾嘉欣杯茶。

何哲圖

有傳「星夢唱片」揸 fit人何哲圖對鍾嘉欣極迷戀,跟出跟入做觀音兵,更一手捧她成為唱片公司一姐,其後嘉欣正式公開跟伍允龍戀人關係,何哲圖便移情吳若希。

匿埋生

香港地方細,做乜都好易俾人知!藝人鍾意收收埋埋,所以亦傾向出國安胎生 B,貪外地醫療設備好可以放心,私隱度高方便封鎖消息, BB亦可成為當地公民,一舉幾得。

章子怡

去年 5月,章子怡與內地歌手汪峰秘密在港註冊,同年 12月底在美國誕下女兒「醒醒」,直至上月尾女兒滿月,章子怡才「發相」公告天下。

趙薇

09年趙薇成功撬走葉翠翠內地富商男友黃有龍,更速佗「龍種」兼閃婚,翌年 3月被本刊拍得匿新加坡待產,女兒「小四月」今已五歲多。

林嘉欣

10年林嘉欣忽然玩失蹤,原來未婚懷孕藏身加拿大安胎,同年 6月在當地與廣告導演袁劍偉結婚, 9月誕下女兒 Kayla,現已為兩女之母。

楊思琦

11年 6月被爆背住拍拖九年男友李泳豪劈腿,偷食空心吳帥並珠胎暗結, 12月被拍得在洛杉磯投靠兄嫂生 B,吳帥出現過一次後再冇影。女兒卓穎現跟思琦姓楊。

撰文、攝影、攝錄:娛樂組


鍾意就快D Share啦!


Related Posts Plugin for WordPress, Blogger...