掃呢頁CODE去手機

2016年2月17日 星期三

「巧•岸居」定「好戇居」? 設計師寸爆惡搞樓盤 689 [FACE - 456] __,689,梁振英,MF,

Judy同阿山話呢個「是彈單位」構思連製作花咗兩個月時間,成本3千幾蚊,全部由幾個女仔一手一腳完成,難度超高。爆Like王「巧•岸居」定「好戇居」? 設計師寸爆惡搞樓盤689全新樓盤叫「巧•岸居」,真定假?睇埋製作認真的宣傳片、宣傳單張,相信有人會信以為真!近日網上流傳的「巧•岸居」廣告,其實是PaperScissorsStone的3位廿幾歲女設計師的惡搞作品,是為火炭一個展覽而創作的popup紙 ...


Judy同阿山話呢個「是彈單位」構思連製作花咗兩個月時間,成本 3千幾蚊,全部由幾個女仔一手一腳完成,難度超高。

爆 Like王

「巧•岸居」定「好戇居」? 設計師寸爆惡搞樓盤 689

全新樓盤叫「巧•岸居」,真定假?睇埋製作認真的宣傳片、宣傳單張,相信有人會信以為真!近日網上流傳的「巧•岸居」廣告,其實是 Paper Scissors Stone的 3位廿幾歲女設計師的惡搞作品,是為火炭一個展覽而創作的 pop up紙皮屋。

阿山同 Judy接受訪問當日示範打開巨型紙皮單位,一打開是客廳,有梳化、電視等,再打開另一頁是飯廳,有枱有椅。她們製作紙皮單位目的是諷刺 689成日掛在口邊的土地問題,同時提醒港人,為了住屋而犧牲一生的時間真係「好戇居」!

F:你哋有冇做過樓盤廣告?

「巧•岸居」製作認真,連宣傳單張都真嘅一樣。

P:我哋同埋 Eva(另一位設計師)都係 DI讀設計畢業,當時已想一齊搞間公司,畢業後各自做設計工作,但都冇做過電視或樓盤廣告,可能讀過廣告,模仿能力高啦。我哋上年至合作開呢間公司,想做啲可以 connect到人、有共鳴嘅嘢,但呢啲嘢唔係咁商業,未必賺到錢,今次都只係一個為期 4日嘅展覽,展期都已經完咗。

F:創作「巧•岸居」嘅 idea何來?

P:係回應政府成日講嘅土地問題,想以一個有趣嘅方法去解決。之前見到啲 pop up書,就諗如果做到 1:1大小,咪可以住囉,又可以收埋,畀啲 homeless住都幾好喎!事前做咗好多 research,喺 YouTube搵過啲教學,但過程不斷失敗,最嚴重係飯枱,本來有 8張椅,但承托嘅紙皮唔夠力,一打開就爛咗,做咗好多修補改成 4張。

連電拖板、遙控器等都有,幾咁齊備。

F:有冇親身經歷因土地問題上唔到樓?

揭開另一頁係飯枱,不過因為承托力問題, 8人枱只好變成 4人枱。

P:我(阿山)住公屋, 5姊妹瞓埋一間房,如果要搬,要有份好高人工都仲只係可以租公屋,唔知幾多歲至可以排到,仲係獨居冇人照顧嗰啲呀!我覺得唔應該太着重有冇擁有一個竇。香港人生活咁忙碌,啲錢搵得咁困難,又點會用一生嘅時間去供層樓?所以「巧•岸居」至會有咁大迴響,政府將啲地皮或者地方,畀豪宅發展先,佢呢個做法係咪好戇居呢?

F:你地認為住屋係俾內地人搶晒?定係因為起晒豪宅?

P: Why not both?我哋小市民,講真可以知道幾多嘢呢?認識到社會有幾多?大部份都係從媒體或其他渠道聽番嚟,但我會覺得政府係有責任,係責無旁貸,呢個係佢需要去應付,但佢做得唔係咁好囉!

Judy示範打開巨型 pop up家居,喺冇人幫手之下都幾吃力。

初期以紙皮小模型作試驗,但製作巨大版時才發現有好多支撐同平衡問題要解決。

Paper Scissors Stone雖然是新公司,但已接過一些餐廳、個人品牌、 cake shop和保險公司等設計工作,希望今次「巧•岸居」嘅創意可以令更多人認識佢哋。

F:《 FACE》

P:阿山、 Judy

攝影:楊學


鍾意就快D Share啦!