| 阮兆祥其實都好好戲架。 | next 1/1 pre |
 | |
| 喊住講街市行情。 | next 1/1 pre |
 | |
| 開始谷緊眼淚呀。 | next 1/1 pre |
 | |
| 牛扒太貴，頂唔順喊喇！ | next 1/1 pre |
 | |
| 嗌CUT都停唔到呀！ | next 1/1 pre |
 | |
| 陳敏之送抱抱。 | next 1/1 pre |
 | |
| 集集都太咁嘅設定，網民開始覺得悶呀。 | next 1/1 pre |
無綫繼月中播出第一集《Sunday好戲王》之後，「認真谷戲」呢個環節得到觀眾熱烈追捧，姚子羚當時拎住份內容爆笑嘅天氣報告，以19秒嘅時間咇出眼淚，演技大獲好評，而呢個節目今晚就會播出第三集，無綫雖然只係放咗短短52秒嘅trailer出嚟，已經吸引近10萬hit rate，就連女神吳若希都like埋一份！
阮兆祥演技冇得彈
有「扮嘢王」之稱嘅另一位好戲之人阮兆祥就會參加今晚播出嘅第三集，未開喇叭睇預告片嗰時，見佢拎住份稿乸口乸面喊晒口哭喪咁款，以為佢讀緊啲咩絕世冤案啦？點知一開喇叭就聽到「今日街市行情」，阮兆祥用哭腔讀出「無骨豬排要30元一斤」、「急凍雞中翼要23元一磅」、「新鮮牛柳要60元一斤」呢啲無尼頭對白，當講到「牛排要40元一斤」嘅時候佢悲從中來，終於忍唔住流下男兒淚喇！「男人哭吧哭吧不是罪～～～～～」唔知阮兆祥係咪太鍾意食牛排，對要付出天價先食到而為荷包肉痛，定係見到依家啲肉類價位咁高企，替一班日日晨早流流開始行足廿個街市計嚟計去，仲要強忍肩頸膊痛膝頭痛，為咗慳得一蚊得一蚊嘅師奶們感到憐憫而觸動淚線呢？點都好啦，都要讚吓佢嘅演技真係冇得彈呀！
網友開始嫌悶
最終佢只係用咗25秒就「成功」淚流滿面，贏得全場拍爛手掌，主持之一兼其好友陳敏之仲興奮到衝埋去攬住佢，並高呼：「我都話架我對我honey好有信心架！」大批網民留言讚阮兆祥好好戲，仲叫無綫開套喜劇畀佢擔正做男一，但亦有人話呢個環節雖然好考演技，睇到藝人嘅實力，但集集都同一模式進行，睇咗兩集已經覺得有啲悶喎！
網民有話兒
JaneYxx：祥仔做得好，但每集都係睇不同演員流眼淚，跟動物昆蟲對話，實在有點悶。可否有些新意，每集有不同的主題，就好
PoShanxxxxx：第一集笑到流眼水，呢集好似麻麻，同埋搵方力申做評判真係夠說服力咩？
LillyXX：祥仔演得好好，最佳男配角唔係浪得虛名！
Amyxxx：好鍾意睇你搞笑，聽到你把聲就諗起扮嘢，希望遲啲睇到你拍嘅喜劇！
崔x：讀這個內容，都能讀到飆淚，厲害！
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|