掃呢頁CODE去手機

2016年2月28日 星期日

龔嘉欣電擊張振朗 陳芷尤扁嘴 坤坤冇眼睇 __,嘉欣,李嘉欣,陳芷尤,張振朗,龔嘉欣,鍾嘉欣,

龔嘉欣電擊張振朗陳芷尤扁嘴坤坤冇眼睇處境劇《愛.回家》接近尾聲,堪稱新一代發電機的龔嘉欣(Katy)憑與張振朗、吳業坤及陳芷尤的四角戀成功搶鏡!日前近百《愛》劇藝員捱凍拍攝跳舞群戲,Katy頻頻黐仔「取暖」,更公然與振朗耍花槍,令男方正印陳芷尤愁爆扁晒嘴,被貶為Katy契細佬的坤坤則掛住夾Band,冇眼睇!10萬伏特張振朗踎低扮凍,引得嘉欣甜笑!嘉欣和張振朗(左一、左二)公然耍花槍,攝角落位的陳芷 ...


處境劇《愛.回家》接近尾聲,堪稱新一代發電機的龔嘉欣(Katy)憑與張振朗、吳業坤及陳芷尤的四角戀成功搶鏡!日前近百《愛》劇藝員捱凍拍攝跳舞群戲,Katy頻頻黐仔「取暖」,更公然與振朗耍花槍,令男方正印陳芷尤愁爆扁晒嘴,被貶為Katy契細佬的坤坤則掛住夾Band,冇眼睇!

10萬伏特

張振朗踎低扮凍,引得嘉欣甜笑!

嘉欣和張振朗(左一、左二)公然耍花槍,攝角落位的陳芷尤(右一)相當冇癮!

龔嘉欣、張振朗

陳芷尤

張國強幫擋風

張國強揭開西裝褸幫嘉欣擋風(圖),黎諾懿則教耍功夫冧伊人。

黎諾懿教功夫

坤坤(中)孖住林師傑及譚嘉儀夾Band,與嘉欣零交流。

蔣家旻懶理緋聞,靠着羅天宇取暖。

蔣家旻

嘉欣在煞科宴上與同劇演員大合照,一度眼泛淚光,依依不捨。

龔嘉欣

即將完結的處境劇《愛.回家》日前在將軍澳電視城拍攝齊人跳舞煞科戲,近百藝員包括黃翠如、張繼聰、黎諾懿、蔣家旻、劉丹、郭少芸、麥包、Katy和張振朗等齊齊起舞。徐榮更帶埋萌爆BB女「馬家好」到場,場面超熱鬧!

因拍攝當日天氣寒冷又大風,衣衫較單薄的藝人凍到縮縮吓,「新一代發電機」Katy穿短裙仔,只好不停黐仔「取暖」,期間她與緋聞男友張振朗黐得最密,等Roll機時不停細聲講大聲笑,振朗更突然踎低扮凍,動作滑稽引得Katy大笑並起腳踢他!兩人旁若無人耍花槍,最慘慘豬絕對是站在角落的振朗正印女友「新咪神」陳芷尤,睇住情郎一舉一動,芷尤難免愁爆扁晒嘴,更雙手掩耳、一臉不願睇不願聽的模樣。當芷尤與振朗步出錄影廠時,振朗已彈開避女友改黐謝東閔,令芷尤相當冇癮!

蔣家旻貼實羅天宇

至於曾與Katy傳緋聞的吳業坤亦未得「女神」寵幸,早前他與Katy已上契做姊弟,擺明冇機會。當日坤坤長駐最後排,與林師傑及譚嘉儀負責彈奏,全程跟Katy零交流。

Katy又頻頻出招撩仔傾偈,先是「叔叔輩」張國強(KK)揭開西裝為她擋風,Katy扮小鳥伊人倚偎在其懷中,KK即High爆作狀來個「叔叔抱抱」!其後Katy換位企在人夫黎諾懿身旁,氹得諾懿教耍兩招功夫,可見Katy冧仔果然有一手!同場另一邊,曾傳緋聞的蔣家旻與「阿哥」羅天宇繼續「孖公仔」,家旻勁怕凍整個人貼實天宇,已有男友的她似乎無懼緋聞翻Hit。

眼見Katy勁風騷,不是味兒的坤坤遺憾未有感情線就完劇,問到會否妒忌Katy與振朗在劇中拉埋天窗?他說:「唔會嘅,只係自己都想發展吓感情,希望之後有機會我想用毒男形象拍吓拖添!相信幾有趣!」

坤坤慶幸可變髮

此外,Katy及《愛》劇藝員前晚在電視城筵開11席舉行煞科宴,她與坤坤受訪時直言感不捨,眼泛淚光說:「我好眼淺,大家見面仲多過見屋企人,佢哋成日整喊我,但係又會講心事。」近日發燒入院的她透露仍未痊愈,但已退燒,其後會跟黎耀祥往美國登台,問到聲沙沙可會影響演出?她說:「唔諗得咁多,會太大壓力,之前都有練歌,吳業坤仲錄咗啲Demo教我唱歌。」坤坤亦表示捨不得劇集完結,但最開心是終可剪頭髮轉新形象。

文:影視組

10萬伏特

張振朗踎低扮凍,引得嘉欣甜笑!

嘉欣和張振朗(左一、左二)公然耍花槍,攝角落位的陳芷尤(右一)相當冇癮!

龔嘉欣、張振朗

陳芷尤

張國強幫擋風

張國強揭開西裝褸幫嘉欣擋風(圖),黎諾懿則教耍功夫冧伊人。

黎諾懿教功夫

坤坤(中)孖住林師傑及譚嘉儀夾Band,與嘉欣零交流。

蔣家旻懶理緋聞,靠着羅天宇取暖。

蔣家旻

嘉欣在煞科宴上與同劇演員大合照,一度眼泛淚光,依依不捨。

龔嘉欣


來源 source: http://the-sun.on.cc
鍾意就快D Share啦!