| 《愛‧回家》一家人，臥虎藏龍呀！ | next 1/1 pre |
 | |
| 一家人勁和睦，有錢齊齊賠。 | next 1/1 pre |
 | |
| 馬子仁都有成球身家。 | next 1/1 pre |
 | |
| 馬子妮啱啱出嚟做嘢，都有十幾萬喺手。 | next 1/1 pre |
 | |
| 阿嫦居然有六千萬。 | next 1/1 pre |
 | |
| 嚇親馬家呀！ | next 1/1 pre |
 | |
| 仲話三千萬已經係半年前嘅事，嘩！半年賺三千萬，點賺呀？ | next 1/1 pre |
 | |
| 馬壯都忍唔住讚阿嫂係一隻識生金蛋嘅雞。 | next 1/1 pre |
 | |
| 馬虎都話家山有福呀！ | next 1/1 pre |
 | |
| 原來隻碗叫「貳億伍仟萬」，真係吹脹！ | next 1/1 pre |
無綫處境劇集《愛‧回家》之前馬家回歸，令到唔少網友都拍手叫好！之前就講馬家入面其實啲人就好有錢，單單就係林漪淇飾演嘅勞麗嫦私己錢都已經有三千幾萬，可以算得上係富婆！不過尋晚播出嘅一集，睇嚟又要改寫喇，事關因為黎諾懿飾演嘅馬壯嘅失誤，令到整個馬家都自揭底牌，個個都講自己有幾多身家！
今集講到馬壯誤打誤撞拎咗蔡康年飾演嘅「富商」曾超人嘅碗返屋企，點知阿嫦轉手就送禮畀其他人，然後曾超人要求要返拎返隻碗，點知個碗已經下落不明，令到馬壯打定輸數，要賠二億四千萬，都唔知點算好！
《愛‧回家》全家集資
有睇開《愛》就知道馬家最愛係發揮大愛精神，即刻開會齊齊集資，帶頭係徐榮飾演嘅馬強，就話要賣咗佢間鋪頭「執到寶」同層樓，之後羅天宇飾演嘅馬子仁就話賣咗「慢活工房」同工作室都有成百幾萬，而蔣家旻飾演嘅馬子妮就話加埋積蓄同股票就話夾埋有十幾萬。
最爆就阿嫦爆話自己層唐樓、「一家一」股份、首飾、現金同埋之前繼承嘅遺產，私己錢就已經有成六千幾萬，令到整個馬家都嚇一跳！連阿強都忍唔住問：「乜你唔係話得三千萬咩？」點知阿嫦話呢個數已經係半年前嘅事！而喺身旁嘅姚子妮飾演嘅阿Ming都話馬家夾夾埋已經有成億。難怪連馬壯同飾演馬虎嘅劉丹都話阿嫦係「一隻識生金蛋嘅雞」同埋「馬家有你，真係家山有福。」不過好彩最後都搵得返唔使賠錢，而二億四千萬都只係個碗嘅名「貳億伍仟萬」，真係搞到大家個心離一離呀！
網民變神算
對於阿嫦係半年內私己錢以倍數遞增，唔少網友都話完全係能人所不能，因為喺呢半年大圍經濟唔係咁好，阿嫦做嘅婚禮統籌公司應該嘅生意冇之前好，就算阿嫦層唐樓加人哋租，加極都冇可能令私己錢多咗咁多，令都唔少網友都話阿嫦嘅私己錢都好似通漲一樣，多咗咁多！
不過亦有網友分析過，其實馬家嘅總資產根本冇一億咁少，阿強鋪頭連埋古董最多值成六千萬幾，再埋加阿嫦同大家嘅錢，相信應該最少都有一億三千幾萬左右，睇嚟馬家唔係中產家庭咁簡單，睇嚟根本就係富戶！
網友有話兒：
rexxxxest：其實馬家有錢都唔係問題，最大問題係尋晚有一句關於勞麗嫦既（嘅），話佢短短半年（1年？） 就由3000萬變左（咗）6000萬.我想問，以近呢一年既環境，股跌樓跌，點樣可以令個身家翻一翻？？
亂xxbanx：執到寶間鋪係自己，好似係一開始執到張古董賣咗成5千萬，然後買咗間鋪，加埋馬太物業同兩間屋，馬家點只一億
一xko狗x：咁有米。。。
沒有xx：我成日都話馬家有財神照…經常百萬，千萬……而（依）家成億添呀……
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|