| 一係唔做，一做就要做到最好！霆鋒果然有性格。 | next 1/1 pre |
 | |
| 16年冇開騷，霆鋒搞笑話再唔開，唔知自己揈唔揈得郁。 | next 1/1 pre |
 | |
| 霆鋒誓要打破歌手開騷模式，保守估計演唱會埋單開支超過一億。 | next 1/1 pre |
 | |
| 霆鋒透露過年會圦北京……睇醫生。 | next 1/1 pre |
 | |
| 霆鋒新一年有四大計劃，最好娶埋王菲成家立室！ | next 1/1 pre |
 | |
| 霆鋒以20歲之齡紅館開騷，成為當年最年輕男歌手喺紅館開騷。 | next 1/1 pre |
 | |
| 霆鋒話紅館地方唔錯，不過限制多唔該創意。 | next 1/1 pre |
 | |
| 霆鋒最希望喺戶外開騷好似大球場咁，不過就要先解決音量問題。 | next 1/1 pre |
 | |
| 霆鋒已16年沒有在港開騷，一係唔做，係做就要觀眾High到爆粗！ | next 1/1 pre |
 | |
| 霆鋒在新一季《12道鋒味》會再搞搞新意思，去非洲同萬獸之王作近距離接觸！ | next 1/1 pre |
 | |
| 霆鋒即將孖吳奇隆做女團教父。 | next 1/1 pre |
踏入猴年，正是今年36歲的霆鋒出道20周年。昔日不羈自我的小子，今時今日已成為圈中最年輕CEO，再躍為上市公司的大中華負責人，廿年來不變的是力求突破的性格。已16年沒在港開騷的霆鋒，明年終於回歸香港，豪斥1億元開個唱！
霆鋒時至今日心中依然有火，誓要打破歌手開紅館騷的模式！他現正物色紅館以外的場地，期望打造視覺及感官刺激效果兼備的國際級水準個唱，務求令觀眾睇完High到爆粗！
肖猴的謝霆鋒向來大膽破格主意多，踏入猴年的首要任務，便是籌備明年在港舉行的個人演唱會！2000年，當年只有20歲的他首踏紅館舞台舉行首個個唱，成為當時在紅館開騷的最年輕香港男歌手，惟一連六場的個唱結束後，他至今相隔16年亦沒有再在港舉行任何演唱會，雖然多年來不時有傳再開個唱，但統統只聞樓梯響，歌迷一等再等，呻爆網絡！原來，心急開騷的不止萬千鋒迷，還有謝霆鋒本人。
「再唔開，唔知揈唔揈到！」
向來工作第一的霆鋒接受專訪時談及新年大計，自爆打算於明年兌現開個唱的承諾。為何多年來都未成事？一切源於他要求破格及完美的意念，他說：「真係想開㗎！但要合乎我規格先得囉！否則只係一個音樂會，而唔係演唱會，咁就冇意思。我想大家聽啲好耐冇聽嘅歌，如果唔可以盡情咁搖就冇意思！我已經有16年冇開騷，如果再唔開，都唔知仲揈唔揈得到！」
舞台設計要求高
霆鋒向來愛挑戰高難度，亦不乏經典作，包括拍《新警察故事》時懸吊在灣仔會展外牆及拍《救火英雄》時親自上陣拍攝多場爆破戲，更一度失去聽力！他幾乎每次都親自上陣搵命博，對於舉行個唱亦高度重視。為了給觀眾帶來感官刺激及享盡視聽之娛，霆鋒曾考慮個唱上不採用低於80呎的道具，一心打造巨型道具，如美國自由神像這類有代表性的建築物，並玩即場爆破！他認為開騷猶如拍電影，可惜個唱場地未必能全面配合，最令他頭痛的是本港的場地有太多規限：「好多條例限制，呢啲又話唔得，嗰啲又唔畀，再等陣先我唔係唔想做，只係好多想做嘅嘢，場地方面都唔畀做！」
大球場限制多
陪霆鋒受訪的經理人霍汶希（Mani）即場玩踢爆，「投訴」他要求太高，霆鋒即「駁嘴」回敬！Mani說：「佢想個舞台成個冧晒，又立即搭番好，等個台再冧過，搞到好似世界末日嗰種感覺咁！」霆鋒笑說：「唔係呢啲呀！唔係要冧咗個台，係想搞啲室外場！」Mani提議可考慮用大球場，霆鋒立即「收火」，雙眼發光說：「好呀！好呀！」不過，Mani明言若在大球場開騷，屆時要「將音量收細」，霆鋒即「扭計」：「正常聲量得唔得？應該得㗎！（理想係開場好Rock、勁嘈嘅演唱會？）係呀！不過隔籬有民居怕嘈到人哋，不如叫Mani幫我搞搞佢」問到可考慮降低要求？他說：「都係過埋今年再算啦，今年檔期都爆咗！」
想觀眾睇到爆粗
據曾與霆鋒商議演唱會事宜的工作人員透露：「霆鋒想大家真真正正睇一次演唱會，想啲人睇完後『嘩嘩聲』，諗番每個細節時都發自內心咁講一句：『X！真係好X勁呀！』覺得個騷精彩到令人嘆為觀止！佢仲想全場人睇到企晒起身，而唔係坐定定靜靜睇咁簡單！」要成就霆鋒這個夢想實非易事，據資深演唱會製作人透露，若要滿足霆鋒理想中令觀眾睇到爆粗的演唱會，整場個唱不容有任何冷場，耀眼煙火、震撼爆破效果及完美音響全不可缺，分分鐘需投資逾億元！
「借笑遁」
講個唱講到興致勃勃，被問及女友王菲時，霆鋒卻立即「笠水」兼頻頻冧笑。他將在工作中度過農曆新年，問到會否返北京？他說：「唔係又返北京，係去睇醫生，我想清咗啲敏感。不過我身體狀況OK，仲肥番啲！」再問到新一年會否考慮再婚？甜絲絲的他不禁邊笑邊說：「呢啲唔答」見他笑到見牙唔見眼，問到感情生活是否好開心？向來搞怪的他聞言再冧笑，並施展一招「借笑遁」，立即起身扮走人！玩完一輪，他正式談及新年願望：「每年願望一樣，由細到大都想心想事成，因為乜都包含喺裏面！」
孖吳奇隆做女團教父
霆鋒另一個新年大計，是為浙江衞視節目首次擔任導師培訓女團，屆時將與吳奇隆為女團進行一連串訓練及參加淘汰賽，最終優勝隊伍將名為「蜜蜂少女隊」。問到為何會接任「女團教頭」的工作？他明言若要演藝路行得更穩更遠，必先打好基礎：「我願意畀咁多私人時間喺呢個節目度，全因呢個節目真係畀好多培訓，妝容、舞技、唱歌，連平衡力都有得訓練！見到啲女仔咁投入受訓，我都好感動！」
非洲玩獅 美食彈出銀幕
至於第3個大Project，則是《12道鋒味3》，霆鋒將與嘉賓遠赴非洲與獅子及老虎近距離接觸，因危險性高，英皇已為他買重逾億保險！而霆鋒第4個大Project，則是開拍3D美食電影，目的是透過三維技術令美食更具誘惑，感覺猶如從銀幕跳出！
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|
