網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月14日 星期日

【爆相爆片】李澤楷情人節堅貼地 日本拖新女玩模型車 __,李澤楷,

身家逾百億的超級鑽石王老五李澤楷,自2011年跟舊愛梁洛施分手後,去年被爆跟「齊蔭女」銀行小花遊勻灣仔、曼谷和名古屋,短短4個月內三度蜜會,最後一次被捕獲係去年8月攬啜曼谷街頭,點知事隔僅僅半年,小小超身邊女伴又換畫了,今日讀者陳先生透過本報「爆相爆片」,分享小小超拖長髮新歡於情人節拍拖遊東京。讀者陳先生表示今日約1點,於東京銀座嘅博品館發現小小超:「佢同女友玩電動模型車,佢好細心揀咗兩架車,初時 ...




其他影片:>>






身家逾百億的超級鑽石王老五李澤楷,自2011年跟舊愛梁洛施分手後,去年被爆跟「齊蔭女」銀行小花遊勻灣仔、曼谷和名古屋,短短4個月內三度蜜會,最後一次被捕獲係去年8月攬啜曼谷街頭,點知事隔僅僅半年,小小超身邊女伴又換畫了,今日讀者陳先生透過本報「爆相爆片」,分享小小超拖長髮新歡於情人節拍拖遊東京。讀者陳先生表示今日約1點,於東京銀座嘅博品館發現小小超:「佢同女友玩電動模型車,佢好細心揀咗兩架車,初時佢女友自己玩一次,然後佢哋一齊玩,李澤楷玩得唔錯,佢仲問女友有冇玩過?女友話冇玩過,佢就教女友點樣玩賽車,兩個人都玩得好投入同開心。」陳先生聽到兩人講廣東話,相信佢應該係香港人。電動模型車5分鐘只需花費200日元(約14港元),兩人大約玩咗15至20分鐘,僅花45蚊就買得開心,真係堅.貼地享受平民拍拖樂。之後小小超位女友去睇迷你兵團玩具,似乎對迷你兵團公仔情有獨鍾,剛巧其中一隻迷你兵團嘅中文譯名就叫「小小超」,另一隻單眼嘅「Calvin」迷你兵樣子則似足小小超,小小超回春教佢玩電動模型車,佢就特意揀睇「小小超」迷你兵團,認真冧爆。長髮女友睇完公仔後,就返回小小超身邊陪佢睇玩具車,十分體貼。問到小小超同女友有否親暱行為?讀者陳先生表示兩人有拖手,小小超發現有人拍照後即離去。從「爆相爆片」所見,長髮女着紅裙襯黑絲腳踏高踭鞋,年約30歲,兩人都戴了口罩,過往小小超跟「齊蔭女」出遊都大方以真面目示人,今次卻反常戴口罩遮樣,似乎十分保護呢段感情。今日本報向小小超求證跟女伴於情人節遊博品館,問到長髮女子係咪新女友?佢透過短訊回覆:「是在日本的朋友帶我看看吧,不要想太多,情人節快樂。」對於讀者睇到兩人有拖手,小小超解釋:「高踭鞋下樓梯扶一下吧。」再問兩人點解要戴口罩?是咪身體不適?還是想低調唔想俾人認出?小小超表示:「有一點着涼,妳也要小心!吃晚飯了,good nite...」去年小小超被爆跟「齊蔭女」遊曼谷啜爆街頭,當時本報向佢求證係咪拍拖?佢回覆話「齊蔭女」係多年無見嘅好友,o依家亦指長髮女係朋友,唔知邊個先佢嘅真命天女呢!

小小超被人目擊喺日本拖新歡玩模型車(讀者提供圖片) 就係呢度(讀者提供圖片)
戴晒口罩,反而容易俾人認出 (讀者提供圖片) 就係咁玩法 (讀者提供圖片) (讀者提供圖片)
小小超新歡仲去睇迷你兵公仔 (讀者提供圖片) (讀者提供圖片)

鍾意就快D Share啦!