周潤發引爆影帝之爭
周潤發前晚偕劉嘉玲、張家輝及張學友出席《賭城風雲III》首映，並與嘉玲唱雙簧，點名要求金像獎影帝候選人張家輝讓獎予學友，嘉玲附和指學友未攞過，學友即辯稱：「我喺印度攞過！」文：影視組
周潤發吩咐張家輝讓影帝之位畀學友，更搞笑叫他跳海谷票房。
劉嘉玲在台上與周潤發（左一）合力幫學友（右一）「搶」個影帝番嚟。
學友耍手擰頭唔要讓獎，表示他亦曾於印度當過影帝。
一眾靚女包括高海寧及張秀文等性感亮相。
賀歲片《賭城風雲III》前晚假灣仔會展舉行香港首映禮，導演王晶及劉偉強，主要演員周潤發、劉嘉玲、張家輝及張學友等出席宣傳，王子涵、鍾采羲、莊思敏、唐紫睿、王君馨及文凱玲等亦性感出席捧場。
喺印度攞過影帝
大會安排五位主要演員首映前受訪，周潤發與嘉玲及家輝進場，未埋位已發揮幽默本色，他說：「我哋套戲犀利，有3個影帝，張學友咪行咁慢扮大牌如果問我，我都貼張學友攞影帝。嘉玲，係得我同你冇（提名）咋喎！張家輝好心你讓吓你大佬（學友），佢未攞過！」成為被整蠱對象的學友澄清：「畀佢畀佢真係好鬼可憐！我喺印度攞過（影帝），都感受過喇！但嗰時印度經濟麻麻，冇搞頒獎禮，淨係通知有獎。（張家輝笑你個獎有咖喱味？）佢成日話佢係後輩，又話當年攞身份證報錯，佢真實年齡好複雜，我都唔知佢幾歲！其實在座得一位睇過我套戲。（點睇網上有人因王晶而發起罷睇《賭III》？）呢套戲同王晶無關。」經學友「溫馨提示」後，周潤發說：「印度，好厲害啊！（點睇罷睇事件？）王晶淨係喺片場瞓覺，不過瞓醒又知拍到邊。（想拍第4集？）我拍到嘅話400集都拍！（想集齊周星馳同張家輝合作？）係，想4代同堂（賭神、賭聖、賭俠等），星仔肯嚟就得！」
跳海有助破票房？
問到有否信心《賭III》破上集票房紀錄？張家輝說：「20億票房係底數，各位繫好安全帶，準備迎接票房爆升。（有信心打低周星馳《美人魚》？）我哋套戲好開心，睇完都健康啲，行得快啲，錢都搵多啲，想好運就睇我哋！」周潤發忍不住說：「張家輝去跳海就有機會20億，（會展）後面有個海呀！」提到有網民發起罷看行動，王晶說：「總會有呢啲人，依家嚴重分裂嘅社會，冇得勉強。（擔心香港票房？）香港票房其實係內地25分之1，你話我擔唔擔心？上年都有人咁講，結果咪又係第一。」又指賀歲檔競爭雖大，但對《賭III》充滿信心，因其系列水準平均，但強調暫不會開拍第四集。
周潤發吩咐張家輝讓影帝之位畀學友，更搞笑叫他跳海谷票房。
劉嘉玲在台上與周潤發（左一）合力幫學友（右一）「搶」個影帝番嚟。
學友耍手擰頭唔要讓獎，表示他亦曾於印度當過影帝。
一眾靚女包括高海寧及張秀文等性感亮相。
|
鍾意就快D Share啦！
|
|
|
