掃呢頁CODE去手機

2016年2月17日 星期三

咪精好紅 買新 bra通鋪走  TVB新波神初六試紅底 [FACE - 456] __,TVB,MF,

明顯對自己身材充滿信心,Ashley即場試着一件黑色馬甲內衣,任睇唔嬲!真面目咪精好紅 買新bra通鋪走 TVB新波神初六試紅底大台膠劇浪接浪,睇到觀眾嗌晒救命!好在仲有J2旅遊節目《3日2夜》嘅一班猛「料」女主持,「big波」身材製造話題。繼張秀文同歐陽巧瑩,13年落選港姐Ashley朱智賢最近靠長腿加有料身材,演出幕幕噴血浸浴場口,性感指數爆燈,被網民封為新一代「咪神」,人氣仲高過張秀文!上週 ...


明顯對自己身材充滿信心, Ashley即場試着一件黑色馬甲內衣,任睇唔嬲!

真面目

咪精好紅 買新 bra通鋪走  TVB新波神初六試紅底

大台膠劇浪接浪,睇到觀眾嗌晒救命!好在仲有 J2旅遊節目《 3日 2夜》嘅一班猛「料」女主持,「 big波」身材製造話題。繼張秀文同歐陽巧瑩, 13年落選港姐 Ashley朱智賢最近靠長腿加有料身材,演出幕幕噴血浸浴場口,性感指數爆燈,被網民封為新一代「咪神」,人氣仲高過張秀文!

上週六年初六,心情靚爆嘅 Ashley一支公到內衣名店揀戰衣,睇完 bra再睇性感紅底,仲即場試上身,完美身材顯露無遺,隔住個 mon都噴血!

13年選完港姐就加入大台嘅 Ashley,有樣有身材兼有口才,不過就一直被投閒置散,只安排在娛樂新聞台發展,直至最近喺 J2旅遊節目《 3日 2夜》性感亮相,長腿索爆泳衣 look殺死網民,被封新一代「咪神」,人氣直逼另一位咪神張秀文!

女售貨員見到 Ashley前凸後翹嘅身形,好識做咁攞咗幾款性感內衣俾佢揀, Ashley望見啲款,即時心心眼都出埋嚟,仲度埋上身添!

《 3日 2夜》朱智賢

就係呢一幕噴血比堅尼 look, Ashley隨即被網民封為新一代「咪神」,鋒頭仲勁過張秀文!(電視畫面)

最新一集, Ashley玩埋泥漿浴, fit爆身材最吸晴。(電視畫面)

「叫我『女神經』」

人氣突然急升, Ashley心情靚爆,趁住新年到內衣店揀戰衣。上週六( 13日) Ashley到內衣店已急不及待周圍睇 bra,女售貨員望見其前凸後凸身材,好識做咁一口氣攞咗幾款性感款式, Ashley睇到心心眼都出埋嚟,明顯啱晒心水!睇完一輪 bra, Ashley似乎未夠喉,仲移師到上層繼續揀性感內衣,仲即場試埋黑色同紅色嘅馬甲內衣, fit爆身材好養眼,性感爆燈!

《 FACE》事後致電 Ashley,佢話:「嗰日無聊行下街,睇下有冇啲靚衫,等有機會嘅時候着下!」網民激讚, Ashley就話愧不敢當,「網上朋友叫我『女神』真係不敢當,叫我『女神經』都 ok!因為個人比較癲癲得得,叫『女神』真係受之有愧!(你贏張秀文喎!)我覺得佢身材好好,口才又叻,做主持好好睇,自己就仲有好多進步空間!」

新年新正頭, Ashley揀番套紅色 bra應節是常識吧!

深得網民歡心, Ashley亦好識做 po靚相玩互動,氹到網民鬼咁開心。(網上圖片)

想知點解 Ashley深得網民歡心?呢個噴血 look話你知答案。

「日日飲奶!」

Ashley在《 3日 2夜》中所穿泳衣件件唔同款式,佢話:「啲泳衣私伙嘢嚟㗎!拍之前導演都話會浸好幾個溫泉,叫我帶多幾套,自己就盡量揀啲特別啲,唔同啲款,費事見親比堅尼都係嗰啲款!」

問到身材保養心得, Ashley好謙虛:「本身自己好大食量食好多嘢,份量好似男人咁,但好慶幸咁嘅食量都唔會好肥,加上自己又懶,冇乜做運動!保養?我又冇特別喎!不過發育嗰時就好鍾意飲奶,日日飲奶當水咁飲,唔知有冇幫助呢?」至於情人節點過, Ashley坦言已有男友:「情人節同男朋友過!」都係嗰句,這些機會……

13年, Ashley參選港姐,最後入圍 20強佳麗,之後喺娛樂新聞台任主播,直至最近主持旅遊節目先開始為人熟悉。《蘋果日報》圖片

參選港姐前, Ashley任職國泰空姐,着起空姐制服一樣索!(網上圖片)

選完港姐, Ashley就加入大台做娛樂台主播,最近《 3日 2夜》彈起,仲做埋《東張西望》新主持。(網上圖片)

晒胸出位

劇集冇人睇,反而旅遊節目《 3日 2夜》竟然有唔少話題,事關一班女主持靠住「胸器」贏盡人氣,被受網民追捧,分分鐘好過拍劇慢慢捱騾仔!

電視畫面

張秀文

一向都係有料之人嘅張秀文,節目中梗係唔少得露出「胸」器嘅時機

電視畫面

歐陽巧瑩

有「黑色乳牛」之稱嘅歐陽巧瑩,節目中不忘大晒「 big」爆上圍!

電視畫面

林泳淘

同為娛樂主播嘅林泳淘,一樣靠泳衣 look呃 like。

電視畫面

陳婉衡

擁有一副「胸器」嘅陳婉衡,節目中賣大包見怪不怪。

採訪、撰文:娛樂組

攝影:周倪瑩


鍾意就快D Share啦!