掃呢頁CODE去手機

2016年2月17日 星期三

【獨家有片】李國章拖實dbc新女 掃背攬腰買雪糕 __,李國章,

現年70歲,外號「沙皇」嘅李國章是非多多,早前喺爭議聲下出任港大校委主席,不過每次有事佢都逢凶化吉,喺公開場合更加紅粉緋緋,原來一切都係因為有愛情嘅滋潤。去年11月,喪妻兩年嘅李國章被爆戀上年約40歲嘅dbc香港數碼廣播公司市場推廣部主管何婷媚(MoniqueHo),更有傳二人已經進入談婚論嫁階段。雖然呢段「父女戀」年齡相距逾30年,不過仍然愛得相當黐纏,今晚7點半,本報就見到李國章揸車載住女友現 ...




其他影片:>>






現年70歲,外號「沙皇」嘅李國章是非多多,早前喺爭議聲下出任港大校委主席,不過每次有事佢都逢凶化吉,喺公開場合更加紅粉緋緋,原來一切都係因為有愛情嘅滋潤。去年11月,喪妻兩年嘅李國章被爆戀上年約40歲嘅dbc香港數碼廣播公司市場推廣部主管何婷媚(Monique Ho),更有傳二人已經進入談婚論嫁階段。雖然呢段「父女戀」年齡相距逾30年,不過仍然愛得相當黐纏,今晚7點半,本報就見到李國章揸車載住女友現身跑馬地,佢表現得十分小心,途經便利店時突然放低女友落車買雪糕,Monique買咗2條雪糕上車會合男友。李國章同女友再兜咗陣之後,就將架車泊咗喺山村道,再徒步行去隔籬聚文街,途中二人態度非常之咁親暱,拖手、掃背、攬腰樣樣齊,真愛真係可以穿透年紀嘅洪溝,最後佢哋仲拎住袋雪糕齊齊步入疑係女方嘅寓所,位於跑馬地嘅帝華閣。一個鐘之後,大約晚上近9點,兩個人一齊落樓,女方換咗件外套,表現仲鬼咁風騷,兩人步履輕快,女方蹺住男友,去隔離街攞返架車,李國章開埋車門俾女友上車,好鬼有風度,之後佢哋就慢慢揸返車去李國章嘅半山寓所。

(攝影:黃曉程,朱志聰,徐錦池) 咁凍天口都食雪糕....乜仲唔夠甜咩? Monique自己去便利店買雪糕
兩人喺街頭拖手... 冇乜打扮嘅Monique,同平時網上相片都有幾大分別...
今日嘅打扮仲似老咗十年 掃背 拖手過馬路
李國章睇嚟真係好冧冧豬

鍾意就快D Share啦!