掃呢頁CODE去手機

2016年2月10日 星期三

頂硬上 麥雅緻冇得撈《東張》 張穎康孭起全家:等我捱啦! [FACE - 455] __,麥雅緻,張穎康,MF,

張穎康同老婆麥雅緻湊住囡囡喺西貢放狗,一家有講有笑,張穎康頂得住。真面目頂硬上 麥雅緻冇得撈《東張》 張穎康孭起全家:等我捱啦!大台節目《東張西望》1月大換血,獨攬大權嘅余詠珊又再出招,踢走老臣子麥雅緻同陳倩揚,換入有線幫李潤庭,連同之前已霸緊地盤嘅陳貝兒同區永權,有線版圖成功伸延到《東張》。本來做《東張》保持每月穩定有3至4萬收入,但上月麥雅緻突然被調離肥水位,老公張穎康即刻要孭起成頭家,養老婆 ...


張穎康同老婆麥雅緻湊住囡囡喺西貢放狗,一家有講有笑,張穎康頂得住。真面目頂硬上 麥雅緻冇得撈《東張》 張穎康孭起全家:等我捱大台節目《東張西望》1月大換血,獨攬大權嘅余詠珊又再出招,踢走老臣子麥雅緻同陳倩揚,換入有線幫李潤庭,連同之前已霸緊地盤嘅陳貝兒同區永權,有線版圖成功伸延到《東張》。本來做《東張》保持每月穩定有3至4萬收入,但上月麥雅緻突然被調離肥水位,老公張穎康即刻要孭起成頭家,養老婆 ...


張穎康同老婆麥雅緻湊住囡囡喺西貢放狗,一家有講有笑,張穎康頂得住。

真面目

頂硬上 麥雅緻冇得撈《東張》 張穎康孭起全家:等我捱

大台節目《東張西望》 1月大換血,獨攬大權嘅余詠珊又再出招,踢走老臣子麥雅緻同陳倩揚,換入有線幫李潤庭,連同之前已霸緊地盤嘅陳貝兒同區永權,有線版圖成功伸延到《東張》。

本來做《東張》保持每月穩定有 3至 4萬收入,但上月麥雅緻突然被調離肥水位,老公張穎康即刻要孭起成頭家,養老婆同一歲女,日夜趕劇趕到氣咳,他回應時無奈講句:「等我捱」

麥雅緻被調離《東張西望》後,老公張穎康自然要孭起全家。週一( 1日)兩公婆同囡囡喺西貢放狗,一家表面樂也融融,之但係兩公婆似滿懷心事,縱使同囡囡玩都未有開懷大笑;之後喺附近茶餐廳吃個普通午餐就算,慳得就慳。

陳倩揚及麥雅緻相繼被調走,麥雅緻 po文話希望換個舞台再來過。(電視畫面)

網上圖片

張穎康曾經一年拍 7套劇,可以話愈撈愈掂,以後養家靠晒你喇!(電視畫面)

一週 9騷變冇嘢撈

港姐出身嘅麥雅緻,以往每星期都主持 5日《東張》及 2日《創富坊》,由於《創富坊》節目時間長,每集計兩個騷,故此麥雅緻每星期多達 9個騷,月薪有 3、 4萬;但冇咗《東張》後,據知農曆年後《創富坊》亦將會摺埋,換言之麥雅緻將會變零收入,唔怪得同老公張穎康都咁愁。

失去穩定收入,老公張穎康惟有努力拍劇兼𢱑撈填補,好在他亦算劇接劇維持收入,但對於老婆被離職,張穎康戥老婆唔抵:「佢好勤力,每次入廠都刀仔拮大髀嗰隻,唔可以錯,到知道冇得做,佢好唔開心,但唔捨得多啲;我哋兩公婆成日分享一樣嘢,一道門閂咗,另一度門會開,前面嘅路唔諗住,開開心心先囉!」

張穎康話老婆連《創富坊》都冇得做之後收入會更少,但好彩有積蓄唔太擔心。問到老婆會唔會轉去拍劇,佢就話:「身為一個老公,如果我喺度捱緊(拍劇)嘅時候,我知道好辛苦,如果老婆要拍劇,啲角色唔好,我唔想佢捱呢個階段,不如唔好做;我唔係好想老婆由頭捱起,等我捱我捱冇所謂,又可以學下嘢!」

麥雅緻亦話暫時唔擔心住:「我接開啲 MC工作,雖然收入冇以前咁穩定,但都可以嘅!」希望大台可以珍惜下啲有 heart嘅藝人

b面仔

張穎康話𠵱家供緊樓,暫時靠積蓄可以頂住先,唔建議老婆拍劇咁辛苦。

唞陣先

麥雅緻冇得撈得閒咗好多,趁老公難得放假就陪囡囡陪足一日。

食茶記

行到肚餓只係喺平民茶餐廳食飯,慳得就慳。

張穎康拍緊《一屋老友記》,講幾個主角被困喺一間屋內發生嘅怪事,算 keep住有劇開。《蘋果日報》圖片

新《東張》主持冇個識

《東張西望》由 1月起大換血,踢走陳倩揚同麥雅緻後,加入有線幫李潤庭、港姐李曉東以及補習天王林溥來,觀眾受唔受落就要放長雙眼,不過維穩騷呢家嘢,邊個做都一樣

李潤庭

本來係有線新聞主播, 05年轉投娛樂台,採訪娛樂新聞及主持節目,喺有線時期憑住幾分似陳曉東而甚具人氣;去年 12月加入大台《東張西望》,一星期做足 5日

李曉東

13年參選港姐但落選,曾被爆讀到中二就輟學,但佢解釋當年只係去咗澳洲讀書,之後喺英國讀大學,兩歲已移民澳洲,落選後已冇乜新聞。

林溥來

林溥來本身係補習教師兼 EDFLOW補習社創辦人,主持過《放學 ICU》,被網民稱為「補習型男」。 4年前曾入稟法院控告前拍檔盜取學生資料及複製教材,追討 270萬。

採訪、撰文:娛樂組

攝影:攝影組


鍾意就快D Share啦!