掃呢頁CODE去手機

2016年2月24日 星期三

夫妻檔 新公司老婆做老闆娘 王祖藍財政李亞男箍實 [FACE - 457] 祖藍,李亞男,MF,王祖藍

經常中港兩邊飛的王祖藍,一有空檔即陪老婆李亞男旅行補數。真面目夫妻檔 新公司老婆做老闆娘 王祖藍財政李亞男箍實10年前仍是大台茄喱啡的王祖藍,由月入五千到𠵱家片酬過千萬,身價暴升!吸金力強自然有話事權,祖藍去年獲邵氏打本,開工作室自己做老闆,與高層李寶安、樂易玲平起平坐,唔使再拍劇做小丑。不過幾叻仔都好,祖藍深明怕老婆會發達的道理,財政大權全部交俾李亞男。除了過億大埔豪宅由李亞男獨自持有,工作室亦 ...


經常中港兩邊飛的王祖藍,一有空檔即陪老婆李亞男旅行補數。

真面目

夫妻檔 新公司老婆做老闆娘 王祖藍財政李亞男箍實

10年前仍是大台茄喱啡的王祖藍,由月入五千到𠵱家片酬過千萬,身價暴升!吸金力強自然有話事權,祖藍去年獲邵氏打本,開工作室自己做老闆,與高層李寶安、樂易玲平起平坐,唔使再拍劇做小丑。

不過幾叻仔都好,祖藍深明怕老婆會發達的道理,財政大權全部交俾李亞男。除了過億大埔豪宅由李亞男獨自持有,工作室亦加埋老婆名,想簽邊個都要李亞男過目。有個搵到錢又體貼的老公,李亞男比起仲要日捱夜捱的好姊妹岑麗香、王君馨幸福得多!

王祖藍成立的「手工藝創作有限公司」,除大台高層李寶安、樂易玲外,李亞男都有份做董事。

36歲王祖藍憑超高扮嘢天份在內地爆紅,有得拍大陸劇外,綜藝騷更接到手軟。《奔跑吧兄弟》連續三季有份,最近又同一線女星白百何有新節目《王牌對王牌》,嘉賓陣容包括范冰冰、楊紫瓊及張栢芝等,足見祖藍號召力驚人。

同樂大媽同 grade

大陸有市場,唔使再拍大台劇做小丑的祖藍,去年成立自己的工作室「手工藝創作有限公司」。工作室由邵氏打本,高層李寶安、樂易玲及祖藍做董事,但祖藍堅持要加埋老婆名,令李亞男由二線小花升呢做老闆娘,同樂大媽同 grade。

除了俾「名份」,祖藍近日亦頻頻帶老婆上內地節目,藉自己的知名度幫李亞男開托人仔市場。早前兩公婆孖住去澳洲拍《跑男》結局篇,在鏡頭前狂晒恩愛,李亞男更被網友激讚靚女又有學識。

祖藍帶埋亞男上江蘇衞視春晚,捧老婆上位賺人仔。(網上圖片)

賺人仔外,祖藍仲接咗王晶新戲,《王牌逗王牌》,同黃曉明(左一)、劉德華(左二)合作。《蘋果日報》圖片

祖藍最後一套大台劇,係上年自編自演的《老表你好 hea》。(網上圖片)

《跑男》袋千 4萬

工作上全力谷李亞男上位,祖藍私底下都聽晒老婆話。去年 8月以 1億 1,400萬買入的大埔逸瓏灣頂樓連私人空中泳池複式單位,竟然唔係兩人共同持有,而係得李亞男一個登記做業主。

現時祖藍身價高達 120萬 1集真人騷,要供樓養家絕對唔係問題。嚟緊 4月開拍的《跑男》第 4季又有佢份,以 12集計, 1,440萬袋袋平安。人仔賺唔完,祖藍早前透露開始計劃做爸爸,買新屋主要係想小朋友將來有空間活動。呢啲廿四孝老公兼廿四孝老竇,去邊度搵呀?

除咗谷老婆上位,祖藍月前仲同外父外母一齊拍綜藝節目《女婿上門了》,令曾經反對祖藍同亞男拍拖嘅外父喺內地變名人。(網上圖片)

祖藍同樂大媽關係一向好好,眼見愛將早前受曾勵珍欺壓,索性撬祖藍過邵氏幫手。

祖藍(藍圈)豪宅(右圖)未裝修好,農曆年同香香(紅圈)、王君馨(黃圈)等好友開 party都係返舊屋雅景花園。(網上圖片)

《蘋果日報》圖片

林欣彤加盟

王祖藍自組工作室,官方暫時只公布簽了老婆李亞男及新人劉維。不過據知林欣彤好大機會加盟,只差動筆簽約,其實 Mag曾經患過抑鬱症,有咁體帖又搞笑的祖藍做老闆都啱嘅!

Mag話祖藍本身都係藝人,凡事都會考慮藝人處境。

除咗香港工作室,祖藍喺北京都會簽人。早前就同新人劉維(右)一齊扮小鮮肉男團 TF Boys。(網上圖片)

網上圖片

採訪、撰文、攝影:娛樂組


鍾意就快D Share啦!