網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月11日 星期四

Kyoko Fukada深田恭子 中女育成記 [壹週刊 - 1353] __,深田恭子,恭子,M1,

深田恭子推出寫真集《NuSeason》,以成熟美為主題,DeepV高衩大晒微胖身材,有肉地點都好睇過得棚骨。外太空KyokoFukada深田恭子 中女育成記網上媒體大行其道,出版業面臨危機,講緊嘅唔只係香港,日本如是,就連最好賣嘅寫真集,近年都銷量急跌。不過喺呢個出版淡季,依然有人可以一年出一至兩本寫真集,而且係銷量保證!佢並唔係什麼新進𡃁模,而係三十三歲、一代女神深田恭子!踏入三十歲之後恭子愈戰 ...


深田恭子推出寫真集《 Nu Season》,以成熟美為主題, Deep V高衩大晒微胖身材,有肉地點都好睇過得棚骨。

外太空

Kyoko Fukada深田恭子 中女育成記

網上媒體大行其道,出版業面臨危機,講緊嘅唔只係香港,日本如是,就連最好賣嘅寫真集,近年都銷量急跌。

不過喺呢個出版淡季,依然有人可以一年出一至兩本寫真集,而且係銷量保證!佢並唔係什麼新進𡃁模,而係三十三歲、一代女神深田恭子!

踏入三十歲之後恭子愈戰愈勇,近三年出咗四本寫真集, 2016年第一擊推出《 Nu Season》,大 sell成熟美。由《上帝!請給我多一點時間》睇住 16歲嘅佢長大,話咁快變成中女,歲月不饒人,惟有繼續搵錢!

意大利取景

深田恭子又出寫真集,近三年出咗四本,係咪真係咁多嘢影? 2014年《(un)touch》猶如內衣指南,上年《 Down to earth》賣大包三點式海灘衝浪,年尾食得唔好嘥,再整多本《 Down To Earth Another》,本本都係銷量冠軍!咁今年呢本 sell乜呢?《 Nu Season》嘅主題係成熟美,恭子特別去到意大利威尼斯同羅馬取景,配合各款高貴晚裝,展現恭子中女嘅成熟魅力。恭子特別去到尊尼特普( Johnny Depp)同安祖蓮娜祖莉( Angelina Jolie)主演嘅名作、《機密邂逅》( The Tourist)入面嗰間總統套房取景,喺梳化上大擺誘人甫士,向荷李活天后挑機!雖然今次寫真嘅相唔算少布,不過著長裙都可以低胸高衩,呢種就係恭子想 sell嘅成熟性感,擺脫少女形象,反應唔錯,寫真集又攞冠軍,下年再出真係要諗吓其他主題喇!

恭子喺梳化上擺出唔同甫士,大騷 34D不倒胸。

今次寫真集與多個名牌合作,特別多靚靚晚裝,打造高貴形象。

遠赴意大利取景,異國風情係其中一個元素,恭子同外國型男大跳社交舞,散發熟女氣息。

演剩女 人氣反彈

踏入三字頭,恭子更加進取,之前兩年想行硬淨路線,試過女警查案及女教師姊弟戀等戲種,積極轉型,不過始終唔係好啱佢。今季日劇終於俾佢遇到好劇本,喺《請和廢柴的我談戀愛》入面,飾演三十歲都唔識拍拖嘅剩女,劇迷大讚恭子完全唔似 33歲,加上女主角嘅性格不諳世事,恭子扮無辜被騙嘅演技可以話係駕輕就熟,非常討好。男主角係之前喺台灣發展、最近回流返日本而人氣急升嘅藤岡靛,兩個飾演鬥氣寃家成日鬧交,充滿喜感。近年有好多改編少女漫畫嘅電視劇,呢套算係最好口碑,甚至直逼當年綾瀨遙嘅《螢之光》,且看《請和廢柴的我談戀愛》可否維持強勢,為恭子事業創下另一高峰。

寫真集無泳衣,好似爭咁啲,今次最少布已經係呢件睡衣,性感誘人。

最近嘅寫真集必備嘅一張相:食雪糕,男士零舍有幻想。

《請和廢柴的我談戀愛》令恭子人氣反彈,好多人仲大讚佢年紀大咗,比以前少女時更加靚。

撰文:關錦雯


鍾意就快D Share啦!