掃呢頁CODE去手機

2016年2月18日 星期四

神奇自拍機 呃港女 like賺 10萬 [壹週刊 - 1354 - 財經] M1,港女

Sam的公司為營造「一家人」的氣氛,所有人要穿拖鞋外,更設遊戲室:「公司雖然地方唔大,但我都放咗張波枱,令氣氛和諧啲。」壹盤生意神奇自拍機 呃港女like賺10萬Selfie(自拍)是不少年輕人的指定動作,Photobooth(影相攤位)更是近年婚禮場地的重點布置。本身是攝影師的蕭國煒(Sam),早已知傳統攝影行業無出路,決心轉型,四年前見自拍熱盛行,自組公司PhotoGIFT,組裝第一部「自拍攝 ...


Sam的公司為營造「一家人」的氣氛,所有人要穿拖鞋外,更設遊戲室:「公司雖然地方唔大,但我都放咗張波枱,令氣氛和諧啲。」

壹盤生意

神奇自拍機 呃港女 like賺 10萬

Selfie(自拍)是不少年輕人的指定動作, Photo booth(影相攤位)更是近年婚禮場地的重點布置。本身是攝影師的蕭國煒( Sam),早已知傳統攝影行業無出路,決心轉型,四年前見自拍熱盛行,自組公司 PhotoGIFT,組裝第一部「自拍攝影機」,打造成公司的生招牌。

不過坊間同類型公司,多達十數間。 Sam為搏出位,除了上 TVB的創業節目、幫機器申請專利,又以單鏡反光機取代 web cam。 Sam還看穿港女心理:「港女最緊要靚、要唔同、要瘦!所以我設計 Photo booth時特意將鏡頭調高,造成高抄效果,咁就可以做到 V面同白啲!好多人以為港女玩起上嚟最癲,其實四、五十歲的媽媽級先玩得最投入,因為佢哋連貼紙相都未試過!」

Sam的太太 Karol(圖中)在打工時已經相識,之後更主動辭職幫手:「佢一啲港女性格都無,好似今年情人節都唔介意我陪唔到佢,呢種女仔喺香港真係好難搵到!」

這個星期天是情人節, PhotoGIFT獲海景嘉福酒店邀請,放置 Photo booth,供餐廳客人拍照。 Sam設置機器時,員工不時「眼望望」,指第一次看見這部機器。完成設置後酒店率先安排員工試玩,幸運被抽中的員工,立即用假髮、眼鏡等道具裝扮一番。由於 Photo booth設定四秒一張,員工在拍第二張時明顯手忙腳亂,笑着「投訴」:「咁快㗎!」而其他員工在旁亦不斷央求經理,在落場時給她們試玩。

到了正式供客人玩時,不少年輕情侶相當熟手,在排隊時先用自己的電話與 Photo booth「自拍」。有內地遊客更誤以為是拍證件相的相機,向記者表示:「其實在內地都很多,但有道具裝扮都是第一次!」

參加比賽當宣傳

除了 Photo booth, Sam亦大力發展其他業務,近日就與快圖美合作於東華慈善嘉年華設影相攤位。

一部 Photo booth,成本只是六萬元,平均租出幾次已經回本。由於成本低、錢易賺,近年市場加入了大量競爭者。為了突圍, Sam使出了三招。其一, Sam不斷參加創業比賽,搏可以免費宣傳:「呢行都好少人參加創業比賽,可能大家都怕麻煩,但係我覺得當聽意見都好。好似近期就參加滙豐青年創業大獎。講到最大影響力都係 TVB《我要做老闆》,仲贏咗七萬蚊現金獎。」當時贏出比賽的原因,是 Sam本身有做開婚紗攝影,開拓生意有人脈優勢;而 Sam亦甚懂「𢱑生意」, Photo booth只是其他連帶生意的契機, Sam會與酒店或婚禮客傾拍攝硬照等。

Sam坦言電視威力強勁,《我要做老闆》出街後營業額升近三成。雖然公司知名度明顯提升,但競爭者亦更多:「部機其實好易 copy,節目出咗街吸引咗人哋去抄,甚至有其他公司拎我上電視條片去自己公司播。」參加比賽除了提升形象,亦讓 Sam學會如何改善營運:「參加咁多比賽,當然都試過輸,但評判俾嘅意見,對於點 run間公司都好有用。好似試過有評判問我每一個月增長有幾多,我之前只係每年去計,但咁就計唔到每一季嘅投資應該點分配。」

預先註冊免抄襲

現場所見,不少家長都願意花費百元購買扮鬼扮馬的數碼照片,但 Sam指嘉年華整體生意一般,「主要係十二月天氣太差,到依家免費入場先好少少。」

Sam當初成立了公司不久,就註冊了自己組裝的攝影機外形,自抬身價:「呢部機上下都有燈箱,中間有 mon同鏡頭,比起其他攝影機,呢個設計嘅好處係多咗一個燈箱,咁影大人下半身同小朋友時就夠光,唔會影到黑沉沉。」坊間試過有公司也是這樣設計, Sam接觸並了解後對方立即改回,結果照片效果就不及 Sam。

除了外觀,整個 Photo booth的不少配套細節,都經歷了不少轉變。「一開始淨係白色,到婚禮時有啲老人家話唔鍾意,就開始由顏色着手,嚟緊下一代就會諗點縮細部攝影機嘅 size。」現時 Photo booth加入了如貼紙相機的 light printing(光影塗鴉)服務,甚至加裝風扇,營造「風馳電掣」效果。而八、九十後興社交網絡,他亦緊貼潮流,直接將相片上傳到 Instagram,以及可即時傳到客人的電郵。至於道具方面,已經由「愈買愈多」進展到為客人度身訂做:「好似月頭出席咗 SK-II嘅 Instagram宣傳活動,我就特別訂製幾個 hashtag紙牌俾佢哋!」

反其道加價

老闆指出,渣打集團( 2888)就是他上了大台節目後認識的客戶之一:「之後都有 keep住合作,可以話係長期客戶。」

現時 Sam的客戶以商業客為主,由於跟酒店及婚禮專門店合作,將 Photo booth包含在酒店或專門店的婚宴服務內, Sam已甚少接街客:「接公司客每單平均有一萬多元進賬,比起做婚禮攝影,由籌備到完成婚宴,最少要用一年時間。搞 Photo booth準備時間只係一個星期,計起上嚟投放嘅資源少好多。」

上年年尾,香港整體市況下滑,不少公司都要 cut budget之際, Sam卻逆市加價一成:「我哋公司收七千幾,比街外高兩成左右。公司搞一個 event要使成百萬,你加多個 Photo booth都只係一萬幾千,好多公司都願意花多啲錢去用一間信得過嘅公司。」 Sam指出加價後反而有「回頭客」:「啲客試過街外好平嘅公司,知道差異喺邊。」

他解釋:「我哋部 Photo booth,會用單鏡反光機,而每次都會有兩位同事跟住,其中一位仲要係專業攝影師。由於在場地預先度好距離,所以好多時一 take過就得。」坊間有不少平價 Photo booth都是用 web cam,在場沒有職員協助,若質素差令人掃興。

港女最緊要瘦

Sam入了攝影界超過十年,見盡不少要求高的客人,應付他們早有心得:「港女最緊要靚、要唔同、要瘦,所以我設計 Photo booth時特登將鏡頭調高,造成高抄效果,咁就可以做到 V面同白啲!好多人都以為港女玩起上嚟最癲,其實四、五十歲的媽媽級先玩得最投入,因為佢哋連貼紙相都未試過玩!」他指反而澳門人接受能力較低:「雖然好似有晒賭場,好似好新潮,其實嗰邊嘅人思想明顯守舊啲,佢哋見到部機都覺得好新奇,要講多兩句先肯嚟玩。」

Sam指出,未來會利用自拍的優勢去尋找更加多商機:「比賽嗰時好多評判都認為要多元化,依家 Photo booth實際佔我哋收入四成左右,但係好多公司都係因為佢而用我哋其他攝影服務,好似影場地相、拍宣傳片等等,今年目標就係幫中小企拍宣傳片,幫到人又幫到自己!」

周大福( 1929)可說是公司重要客戶之一,由於反應不俗,所以新店開幕時都會設置 Photo booth,平均每兩個月就租用一次。

專為 Photo booth而設的道具多達百件,老闆指出每次使用後都會徹底消毒,並會試戴,確保可正常使用。

開業成本*( 01/2012)

租金(兩按一上):$27,000

器材:$20,000

雜項:$11,000

總投資:$58,000

*開業前期並未有第一部 Photo booth

營業資料( 12/2015)

營業額:$500,000

租金:$28,000

人工:$250,000(連老闆在內,共十名全職)

器材:$72,000

雜費:$50,000

盈利:$100,000

壹點意見

香港青年協會督導主任鄧良順( Gary),曾在《我要做老闆》中給予 PhotoGIFT正面評價,並提供資金。他指出 Sam獲勝後,一直有留意他的公司,並作出以下意見:

要慎重考慮加價

Gary指:「佢用加價嚟同做市場做分野無可厚非,但係市況環境唔算好,而佢提出一啲非必要服務,有時就會因價格嘅差異而轉去其他公司。我建議市況再差落去,就要同客戶傾吓提供優惠。」

老闆定位要轉變

Gary表示現時公司發展到一定規模,應考慮退出前線:「前線同管理層兩方面需要嘅技巧都唔同,好似請幾多人,要買咩器材,點去做推廣,都要有宏觀嘅睇法,我覺得係時候考慮係唔係由前線隱退。」

撰文:梁延宇

攝影:鄭樹清

攝錄:廖健昌、陳浩樂

ed_bn@nextdigital.com.hk


鍾意就快D Share啦!