掃呢頁CODE去手機

2016年2月15日 星期一

【獨家見肚相曝光】Mandy攬洗米華過情人節 囡囡叫周願 __,洗米華,Mandy Lieu,Mandy,周焯華,

太陽娛樂文化老闆周焯華(洗米華)同女友MandyLieu舊年「世紀一拖」後,搞到大婆Heidi嬲到嗌離婚,不過盛傳洗米華又唔肯離婚,但佢喺大時大節都同Mandy兩母女過,之前聖誕同元旦去咗倫敦同尼斯、農曆年前幾日就同埋8個月大嘅囡囡去咗布吉慶祝,之後更有讀者爆料話Mandy再度有B,更指已陀B仔4個月。今日有讀者吳先生向《蘋果》提供4張MandyLieu同洗米華及B女嘅泰國旅行私密相,其中有一幅身 ...




其他影片:>>






太陽娛樂文化老闆周焯華(洗米華)同女友Mandy Lieu舊年「世紀一拖」後,搞到大婆Heidi嬲到嗌離婚,不過盛傳洗米華又唔肯離婚,但佢喺大時大節都同Mandy兩母女過,之前聖誕同元旦去咗倫敦同尼斯、農曆年前幾日就同埋8個月大嘅囡囡去咗布吉慶祝,之後更有讀者爆料話Mandy再度有B,更指已陀B仔4個月。今日有讀者吳先生向《蘋果》提供4張Mandy Lieu同洗米華及B女嘅泰國旅行私密相,其中有一幅身穿黑色tube dress裙嘅Mandy同洗米華互攬,另一幅佢哋兩個抱實囡囡游水,最後一張就係Mandy着住比堅尼抱起B女錫錫。呢幾張相有兩個亮點,第一,梗係Mandy平時黑面冇笑容,但對住洗米華同個女就笑得幾甜,第二就係話傳佢再大肚,雖然着bikini時身材依然fit爆,手腳纖瘦,個肚只係見到腹肌,但細心睇上圍又確係豐滿咗,到着黑裙攬洗米華個幅就隱約見肚。唔通係靠腹肌遮肚!?據悉,洗米華之前同Mandy囡囡過年前喺布吉玩咗幾日,之後洗米華同老竇大仔就去咗東京,再呢幾日返泰國,去咗芭堤雅同曼谷兩個地方玩,噚日就喺曼谷過情人節。此行,除咗佢同Mandy一家三口,仲有同一大班外籍人士大合照,估計係Mandy嘅朋友圈,可見洗米華終於解決三角關係,而Mandy亦介紹男友融入佢嘅朋友圈。相中洗米華一手揸住酒杯,兼啜爆囡囡面珠仔,對囡囡真係好似「前世情人」咁肉緊。見B女手腳長長、肥嘟嘟,其實洗米華一早已幫囡囡改咗中文名,叫周願,代表一個好願意嘅開始。

噚日二人一齊過情人節。 農曆新年前一家三口,去芭堤雅旅行。
當時仲影咗家庭照…

鍾意就快D Share啦!