掃呢頁CODE去手機

2016年2月17日 星期三

江美儀怕咗肥 Wil嫂 [FACE - 456] __,江美儀,MF,

陳宛蔚失驚無神亂入大合照環節,江美儀呢個無奈樣最反映到當事人嘅心情。全知言江美儀怕咗肥Wil嫂早前,新戲《綁架丁丁當》舉行煞科宴,戲中一班演員方力申、王菀之、江美儀、許雅婷、「寸嘴Barbie」同導演錢國偉夫婦都有出席。當日「寸嘴Barbie」夏尉喻脹爆露出肥臂,跌晒「watt」之餘,加上一副紅唇濃妝,唔講以為過緊萬聖節添!不過,講到最搶鏡嗰位,一定非Wilson嫂陳宛蔚莫屬!事關原本大合照,江美 ...


陳宛蔚失驚無神亂入大合照環節,江美儀呢個無奈樣最反映到當事人嘅心情。

全知言

江美儀怕咗肥 Wil嫂

早前,新戲《綁架丁丁當》舉行煞科宴,戲中一班演員方力申、王菀之、江美儀、許雅婷、「寸嘴 Barbie」同導演錢國偉夫婦都有出席。當日「寸嘴 Barbie」夏尉喻脹爆露出肥臂,跌晒「 watt」之餘,加上一副紅唇濃妝,唔講以為過緊萬聖節添!

不過,講到最搶鏡嗰位,一定非 Wilson嫂陳宛蔚莫屬!事關原本大合照,江美儀企正錢國偉隔籬,陳宛蔚突然亂入,仲攝入兩人中間位置,難怪江美儀個心都「離一離」呀!

Wilson嫂陳宛蔚(左三)突然亂入,嚇到江美儀個心當場都「離一離」呀!

當晚「寸嘴 Barbie」唔賣性感賣肥臂,濃妝加埋發脹身形簡直嚇死人!


鍾意就快D Share啦!