2016年3月3日 星期四

黃紫盈闖巴西 踩奧運場地 [壹週刊 - 1356] __,黃紫盈,紫盈,M1,

娛樂偵訊黃紫盈闖巴西 踩奧運場地前無綫新聞主播,有「淚的小花」之稱的黃紫盈雖然已離開前線,但新聞觸覺不減,早前孖住朋友行勻五大洲的她,更特登停站巴西,直擊被指未夠班舉行2016年奧林匹克的奧運場地,比大台跑得更快更前。九成完工離開無綫後,偶然在有線及now做主持的黃紫盈,周圍飛去旅行。一月中開始,她更遊遍五大洲,其中一站是巴西的里約熱內盧,雖已半隻腳踏出前線但黃紫盈職業病發,去到當地,直踩被指有機 ...


娛樂偵訊

黃紫盈闖巴西 踩奧運場地

前無綫新聞主播,有「淚的小花」之稱的黃紫盈雖然已離開前線,但新聞觸覺不減,早前孖住朋友行勻五大洲的她,更特登停站巴西,直擊被指未夠班舉行 2016年奧林匹克的奧運場地,比大台跑得更快更前。

九成完工

離開無綫後,偶然在有線及 now做主持的黃紫盈,周圍飛去旅行。一月中開始,她更遊遍五大洲,其中一站是巴西的里約熱內盧,雖已半隻腳踏出前線但黃紫盈職業病發,去到當地,直踩被指有機會爛尾的奧運會場地。

黃紫盈在劍擊場館參觀,有關當局已開始進行模擬測試。

由於可做即時批核,黃紫盈說一般遊客毋須事先申請便可以入內參觀。

選手村已經差不多落成,冇得入內參觀的黃紫盈自言最愛大單位,因露台也設有廚房可隨時 BBQ。

「之前巴西搞世界盃,選手村已經引起過爭議,我覺得其實有唔少人會有誤解,以為嗰度危險同污糟,但我自己嘅印象就唔錯,服務水平好,啲人好陽光又有笑容。我去到會場先申請證件,一申請就批准,所以我相信一般人都可以隨時入去參觀。去到奧運場館,已經完成咗九成,好多設施都進行緊測試;不過為安全計,當局都要求我哋戴安全帽入去參觀。

「我睇嘅劍擊場館係最早落成,當時搞緊模擬比賽,亦有啲外國傳媒喺度參觀。至於被投訴設施未夠完善嘅泳池就仲整緊。今次巴西政府用咗咁多錢去搞奧運,好多設施之後會搬去另一啲城市,等其他居民都有機會享用。」黃紫盈說。

伊瓜蘇大瀑布

在七大自然奇景之一的伊瓜蘇大瀑布玩激流,愛玩的黃紫盈濕身玩完再玩,濕身幾次。

巴西

旅程當中,黃紫盈認為巴西一站最好玩,就連街頭也充滿色彩,她也忍不住在街頭留影。

多倫多

多倫多的 St. Lawrence Market前身是巿政廳及監獄,現在成為賣日用品及水果等貨物的大市場,黃紫盈也有在裡頭 shopping。

新加坡

第一次遊新加坡,黃紫盈特登幫襯三輪單車遊城,之後又試食串燒等地道食物,做晒遊客要做嘅嘢。

售賣選手村

至於提供給選手入住的 Pure Island仍在趕工中,不過由於奧運會結束後,選手村會開放售賣給大眾市民,為怕多人參觀遭到不必要損壞,所以只能遠觀外貌。

「睇選手村好似去咗睇示範單位咁,當地政府起咗一條鐵路連接選手村同機場,半粒鐘已經到,都算幾方便。因為 Pure Island喺奧運會結束後會賣出去,所以現場有地產經紀負責講解,其實選手村大概分三種面積,由六百幾呎到過千呎,最貴都係大概三百幾萬,我最鍾意都係有露台嘅單位,因為連埋廚房,可以喺度燒烤。」黃紫盈說。

獲贈《星空聯盟》環球特惠套票的黃紫盈,由多倫多出發,先去南美洲的阿根廷及巴西,然後再飛開普敦、德國和新加坡,免費去勻五大洲。

「我喺巴西仲玩咗滑翔傘,只係 train咗十分鐘,就跟住教練,膽粗粗由山上滑落地面,好刺激!後來先發現保險唔包,我就係嗰啲唔驚死嘅人,咩都敢試,嚟緊我計劃去冰島睇北極光,但又驚破壞生態,所以仲考慮緊。」黃紫盈說。

里約熱內盧

一個月行程要經歷不同地方氣候,黃紫盈亦為皮膚做好準備,帶了充足防曬用品及補濕霜,在坐車途中也不忘補充搽防曬太陽油。

玩滑翔傘前要接受十分鐘訓練,費用 1,500港幣,有得玩之餘,可在高空睇里約熱內盧城巿全貌。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...