網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年3月3日 星期四

想早收工 龔嘉欣扮暈 [壹週刊 - 1356] __,嘉欣,李嘉欣,龔嘉欣,鍾嘉欣,M1,

娛樂偵訊想早收工 龔嘉欣扮暈播出接近四年的處境劇《愛•回家》,做到四月一日就正式收檔!近日新舊《愛•回家》成員聚首一堂趕埋尾,點知在新一輯做女主角的龔嘉欣,自以為由姐仔變阿姐,竟然擺大牌款,對基層工作人員黑口黑面冇禮貌,但見到導演監製又另一個樣。上星期在電視城拍大堆頭結婚場面時,龔嘉欣更加玩嘢扮暈,使計逼劇組跳拍自己戲份。可惜,奸計不得逞,醜死!自以為是投無綫已經八年的龔嘉欣,一直游走於三、四線, ...


娛樂偵訊

想早收工 龔嘉欣扮暈

播出接近四年的處境劇《愛•回家》,做到四月一日就正式收檔!近日新舊《愛•回家》成員聚首一堂趕埋尾,點知在新一輯做女主角的龔嘉欣,自以為由姐仔變阿姐,竟然擺大牌款,對基層工作人員黑口黑面冇禮貌,但見到導演監製又另一個樣。上星期在電視城拍大堆頭結婚場面時,龔嘉欣更加玩嘢扮暈,使計逼劇組跳拍自己戲份。

可惜,奸計不得逞,醜死!

自以為是

投無綫已經八年的龔嘉欣,一直游走於三、四線,角色不是做妹仔就是「阿邊個」細妹,直到去年,有機會在新一輯《愛•回家》由閒人變主角,拍住新人張振朗同坤哥(吳業坤),初嘗孭正滋味。

一朝得志!就算劇集口碑超差,收視被拖累跌到歷史性新低,只得二十點邊緣,一樣無阻自以為上了一線的龔嘉欣氣焰。

「自從做咗女主角後,佢(龔嘉欣)對啲 PA同服裝阿姐就黑口黑面,又成日埋怨服裝間啲阿姐唔留啲好嘅衫俾佢,郁啲就走去同導演監製投訴;不過見到導演級以上嘅人,佢就另一副面口,仲成日放晒電咁,但佢做得太明顯太肉酸,大家都喺背後笑佢。」一名幕後人員說。

上星期四(二月二十五日),劇組拍煞科婚禮大場面,新舊《愛•回家》演員到齊。劇情講馬子妮(蔣家旻)同利樂兒(龔嘉欣)一齊出嫁,但戲份依然以劉丹的馬家為主,加埋律師樓一班演員人多勢眾,所以劇組一早 plan好,先拍馬家成員的戲份。至於龔嘉欣、坤哥同張振朗一班新演員,就要等!

當日導演安排先跳拍馬家戲份,等劉丹老人家可以盡快收工。

由於拍攝當日有安排記者採訪,所以新一批《愛•回家》演員都要一早返廠等。

詐暈打尖

點知龔嘉欣「人急智生」,竟然同導演訛稱自己唔舒服,可以早點收工休息為理由,要求先跳拍她的戲份。

「梗係唔會理佢導演按計劃進行,拍晒丹爺(劉丹)同馬家好(徐榮 B女)啲戲先,放咗老人家同小朋友走先。佢話自己唔舒服,導演咪叫佢休息吓先,點知隔冇幾耐,佢突然當住大棚人,慢慢咁跣咗落地下,暈到無晒知覺咁!當時企喺龔嘉欣隔籬嘅張振朗叫佢都冇反應,跟住導演就好大聲話:『有人暈咗,要 call白車同埋通知上面(高層)。』

「一聽到 call白車,佢就即刻彈番起身,話冇事可以繼續,啲戲屎到呢……」工作人員說。

自從馬家重返《愛•回家》救亡後,收視終於有番起色。

雖然有病,但見到馬家好(徐榮女兒),龔嘉欣即刻好精神,集郵放上 Facebook呃 like。

見坤哥近期走紅,龔嘉欣不時都會黐埋去,由搞緋聞到上契做契姊弟,每次都成功搏見報。

發燒七日入院

對於想打尖,搞到詐暈的龔嘉欣,依然理直氣壯。

「其實之前我發燒一個禮拜都唔好,(開工)嗰朝先出院,醫生都唔 suggest(出院)……同監製講好咗請半日假,下晝先返去拍嘢;我只係需要同監製、導演交代囉,好難同所有台前幕後嘅人都交代……(有人覺得你對唔同人就唔同態度,好分階級!)是非一定會有,都預咗有呢啲新聞,笑吓就算囉!」龔嘉欣說。

對住導演,龔嘉欣即刻扮晒乖,嗲聲嗲氣同導演講嘢。

見到有記者影相,龔嘉欣好識做繑住張振朗影自拍,好識得攝位搶鏡。

不過同劇其他演員對龔嘉欣就避得就避,影大合照時刻意唔預她。

打回原形

Model出身的龔嘉欣現年 26歲,曾做過有線電視體育台及財經資訊台主持, 08年簽約 TVB,拍過多套電視劇,但只做閒角;直至 14年,先後在《金枝慾孽貳》及《師父,明白了》獲安排較重角色,其後更被欽點在新一輯《愛•回家》孭正,可惜好快已經打回原形。感情方面,龔嘉欣經常被指向拍檔放生電,更先後與鄧健泓、吳業坤、袁偉豪等小生傳緋聞,是非多多。

《金枝慾孽貳》

龔嘉欣初出道時都經常泳衣示人。

撰文、攝影、攝錄:娛樂組


鍾意就快D Share啦!