熱爆娛樂: 怕咗主動苟芸慧　清洪契仔吼「鴨女」文凱玲 [壹週刊

2016年3月3日星期四

怕咗主動苟芸慧　清洪契仔吼「鴨女」文凱玲 [壹週刊 - 1356] __,文凱玲,苟芸慧,M1,

探熱針

怕咗主動苟芸慧　清洪契仔吼「鴨女」文凱玲

已經 32歲的苟芸慧，跟《愛•.回家》馬子仁羅天宇分手後，四年來只跟郭富城傳過一段短暫情緣，但見處女黨姊妹鍾嘉欣、李亞男先後出嫁，苟姑娘開始心急，年初更主動出擊有米餐廳老闆、著名大狀清洪契仔巫翊鳴（ Xuan），經常掹衫尾現身男方出席聚會扮偶遇，不過巫翊鳴唔吼，反而對 42吋長腿「鴨女」文凱玲嗒糖。

不請自來

親飛加拿大做鍾嘉欣送嫁姊妹的苟芸慧，年過三張未有着落，近期對參加聚會亦表現踴躍，早前現身莊思明生日 P，被指跟緋聞男友巫翊鳴前後腳賀壽星女，雖然苟姑娘未有否認，但據了解，她的突然出現，卻令主人家一頭霧水。

「嗰日大家都冇諗過苟姑娘會出現，事關佢唔屬於圍內嗰班 friend，所以好突然，不過都係幫 Lisa（莊思明）慶祝生日，大家顧住傾偈飲酒，都冇深究係邊個請佢嚟。」知情者說。

莊思明生日派對影大合照，巫翊鳴唔肯同苟姑娘企埋一齊。

去年聖誕，鄭紹康第一次帶苟姑娘出席一班富二代 party，她跟巫翊鳴即傳緋聞。

巫翊鳴跟文凱玲早前被拍到在男方開的餐廳撐枱腳，離開時，二人愈行愈埋。

見苟即彈

打從去年底聖誕王賢誌搞的 White X'mas Ball，由公關鄭紹康陪住到場，擺明車馬要擴闊社交層面，認識更多富二代的苟姑娘便開始跟擁有多間夜店及食肆的巫翊鳴傳緋聞，到莊思明生日 P，二人又再同場。

「都唔知咩事！嗰晚 Xuan一見苟姑娘到場，就變得好唔自然，甚至離遠見到苟姑娘就自動彈走，好似唔想俾機會對方埋身咁，更加唔肯影合照。事後 Xuan有同班 friend講番，話驚咗苟姑娘，因為覺得佢喺之前啲聚會成日黐住自己，唔想再有緋聞，所以嗰晚專登避開，冇同苟姑娘傾偈。大家覺得苟姑娘近排係心急想搵男朋友，所以好多 party都會見到佢。」知情者說。

巫翊鳴開了多間餐廳，其中一間跟薛芷倫合夥的「卅二公館」，有不少城中名人幫襯。

約鴨王女

唔吼苟姑娘，但巫翊鳴對在電影《鴨王 2》大解放，有四十二吋長腿的文凱玲卻主動出擊。

在中環開有多間食肆的巫翊鳴，有晚約了文凱玲到他位於雲咸街的「 fish& meat」晚飯撐枱腳。二人前後腳到埗後， Xuan選擇坐角落位免受騷擾，食到十點，巫翊鳴送文凱玲上車後，再一個人行到附近繼續下半場。

「 Xuan不嬲都鍾意 wild啲嘅女仔，佢近排對 Connie（文凱玲）就特別好，好多時大班朋友去飲嘢，佢一定要坐喺 Connie隔籬，之前大家組團去澳門睇麥當娜， Xuan全程黐住佢玩；早排 Connie喺自己間韓國餐廳搞 party， Xuan又係黐足佢成晚，仲留到好夜先走。」知情者說。