網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年3月24日 星期四

破相停工 姚子羚有米男友:娶硬佢! [壹週刊 - 1359] 姚子羚,M1,

一月中,她去看Rain演唱會,在濃妝下仍能看到姚子羚左面有幾道爪痕。探熱針破相停工 姚子羚有米男友:娶硬佢!今年一月,姚子羚被愛犬「通仔」咬傷面部,由於傷口深要入院縫針,被迫即時停工;破相連推兩部劇,停工兩個月的姚子羚心情未受影響,一直在身家過億男友「的士邦」劉子邦屋企養傷的她,獲男友細心照顧外,更被認定為結婚對象。35歲的姚子羚有長期飯票揸手,安樂晒!「有餡」停工入行十四年,去年憑《張保仔》連獲 ...


一月中,她去看 Rain演唱會,在濃妝下仍能看到姚子羚左面有幾道爪痕。

探熱針

破相停工 姚子羚有米男友:娶硬佢!

今年一月,姚子羚被愛犬「通仔」咬傷面部,由於傷口深要入院縫針,被迫即時停工;破相連推兩部劇,停工兩個月的姚子羚心情未受影響,一直在身家過億男友「的士邦」劉子邦屋企養傷的她,獲男友細心照顧外,更被認定為結婚對象。 35歲的姚子羚有長期飯票揸手,安樂晒!

「有餡」停工

入行十四年,去年憑《張保仔》連獲兩個「最佳女配角」獎的姚子羚,冇乘勝追擊,反而連推兩部劇,在《幕後玩家》原本飾演黃宗澤老婆的她,臨時搵好友龔嘉欣頂,更以身體不適為由停工,隨即被傳「有餡」,準備結婚。

據了解,被指匿埋養胎的姚子羚其實無辜!原來今年一月中,她被收養的唐狗「通仔」咬傷面,意外後,因為不想家人擔心,她一直低調處理。

「兩邊面加埋應該有六、七個地方傷咗,左邊面有三道爪痕,右邊面就有一個咬傷嘅窿, Elaine啲皮膚又薄又白,所以要小心處理。初時佢以為唔係好嚴重,後來醫生叫佢入院縫針,先知大件事到差啲毁容。而家要小心飲食同唔可以化妝,所以佢一定要停工。」知情者說。

Sweet放閃

的士邦對養傷女友超體貼,車出車入買生果,訪問結束,他又護送女方先上車。

在超市買火龍果,二人之後又連體嬰攞住去俾錢。

的士邦

攞正牌休息

上月麥當娜在澳門開演唱會,因身體理由向公司請假的姚子羚跟男友去睇騷,但為免惹人詬病,散場即時走人,男友跟同行朋友轉場,事後卻傳出阿 Sa硬撬的士邦。

「 Elaine都知佢哋識咗好耐,佢好放心根本唔係嗰回事,況且男友對佢好好,呢段時間車出車入,非常細心。」知情者說。

本週一(三月二十一日)中午,的士邦揸車同女友外出,到附近紅山半島屋苑的超級市場買生果。戴了口罩遮住半邊面,白色貼身衫牛仔褲打扮的姚子羚聽醫生吩咐一滴妝都冇,揀生果期間,她拖實男友, sweet爆。

姚子羚屬愛狗之人,經常將跟「通仔」的合照上載。

擁有的士行的的士邦,每日都會返筲箕灣公司巡視,上星期,他更揸住價值二百多萬法拉利返公司。

互相認定

離開超市準備上車前,記者上前訪問,的士邦亦寸步

不離。

壹:幾時可以復工?

姚:暫時未得住,要少少時間,而家進展非常好,希望快啲開到工。

壹:疤痕長唔長?

姚:縫咗針冇乜嘢。

壹:縫咗幾針?

姚:唔好講嘞,總之一路康復緊。

壹:會唔會因為咁而驚狗?

姚:唔會,呢個係我嘅責任。呢段時間好好休息,學吓嘢增值自己。

壹:男朋友有冇心痛?(的士邦搶住講:「應該」。)

姚:佢好緊張嘅。

壹:係咪認定呢個男朋友?

邦搶答:係我認定佢,講笑啫。

壹:幾時結婚?

姚:好番先,養傷先,都想快啲做嘢,好多謝公司體諒,佢哋好明白,因為整親拍唔到劇,好多謝公司。

《乘勝追擊》

連推兩部劇,《乘勝追擊》由傅嘉莉執二攤,另一部《幕後玩家》則搵老死龔嘉欣頂上。

《幕後玩家》

生仔交俾我

壹:外面傳你哋秘密結婚。

姚:絕對冇啲咁嘅事。(的士邦補充:「以我咁嘅性格,唔會嘅,如果結婚,好事一定會講出嚟。」)暫時工作,結婚就你諗嘞(笑住指向男友)。

壹:有冇計劃幾時?

邦:等我哋拍多一陣拖先,如果結婚,真係會同你哋講。

壹:會唔會想要小朋友?

邦:如果結婚,會想要小朋友。

壹:有冇諗生幾多個?

姚:交俾個天,幾多個冇所謂。(的士邦又搶住答:「交俾我,唔係淨係交俾個天。」)

的士邦有膊頭肯承擔,姚子羚大可放心坐定定等做劉太。

她早前跟男友等一班朋友到澳門睇麥當娜演唱會,的士邦跟阿 Sa繼續蒲下場,玩得好開心。

去年底,入行十四年的姚子羚憑《張保仔》攞最佳女配角,演技終獲肯定。

各揸筍盤

胡說八道會成員胡杏兒、胡蓓蔚、胡定欣、李施嬅、黃智雯及姚子羚,六條 Q個個都名花有主,嫁嘅嫁得好,未嫁嘅都有個有米男友,人人揸住個筍盤,令人葡萄!

胡杏兒 客家老公

去年尾, 36歲的杏兒與拍拖一年、有港姐殺手之稱的沙頭角禾坑村客家原居民李乘德( Philip)結婚,婚後兩人放假兩個半月度蜜月,環球造人。

胡蓓蔚 搵長錢

08年,胡蓓蔚與拍拖 11年的豹哥(單立文)拉埋天窗,兩人同聲同氣同喜好,豹哥雖然不是天王巨星,但勝在多才多藝能唱擅演,在音樂方面的創作及演出搵長錢,兩公婆超登對。

胡定欣 音樂才子

去年 2月,胡定欣被踢爆暗交 45歲有米音樂人陳明道( Terry),因為男友經常帶她出席朋友圈聚會,令胡定欣認識了不少行內歌手,拓大生活圈子。

李施嬅 投資總經理

男友十居其九非富則貴(鄧健泓例外)的李施嬅,新歡是投資公司董事總經理潘樹維,家住半山列堤頓道豪宅,有米一族。

黃智雯 珠寶高層

少有緋聞的黃智雯,與謝瑞麟珠寶集團高層詹文天( Anthony)拍拖三年多,雖然曾經傳過分手,不過早前仍被影到甜蜜撐枱腳。

撰文、攝影、攝錄:娛樂組


鍾意就快D Share啦!