掃呢頁CODE去手機

2016年3月24日 星期四

用錯粉底色都要重拍 救兵毛舜筠好大權 [壹週刊 - 1359] 毛舜筠,M1,

上週二,毛姐在中環為處境劇《八時入席》開工時突然𤷪薑。探熱針用錯粉底色都要重拍 救兵毛舜筠好大權毛舜筠牽頭馬,夥拍黎耀祥和陳國邦的新處境劇《八時入席》,四月接《愛•回家》棒出街,回巢幫拖的毛姐要省靚招牌,試過因為用錯粉底要求重拍,搞到大家O晒嘴。上週二(15/3),毛舜筠、黎耀祥及湯盈盈於中環拍外景,毛姐例牌「包公面」,但正式埋位,場場戲都一take過,抵佢咁「大支嘢」!奄尖過監製毛舜筠回巢無綫拍 ...


上週二,毛姐在中環為處境劇《八時入席》開工時突然𤷪薑。

探熱針

用錯粉底色都要重拍 救兵毛舜筠好大權

毛舜筠牽頭馬,夥拍黎耀祥和陳國邦的新處境劇《八時入席》,四月接《愛•回家》棒出街,回巢幫拖的毛姐要省靚招牌,試過因為用錯粉底要求重拍,搞到大家 O晒嘴。

上週二( 15/3),毛舜筠、黎耀祥及湯盈盈於中環拍外景,毛姐例牌「包公面」,但正式埋位,場場戲都一 take過,抵佢咁「大支嘢」!

奄尖過監製

毛舜筠回巢無綫拍處境劇《愛•回家之八時入席》,孭住救收視重任,搞到毛姐每次開工都非常嚴肅,嚴陣以待。

「劇中毛姐個角色成日要捱鬧,但戲外就另一回事!如果未到佢埋位,我哋冇人敢惹佢,因為大家都驚騷擾到佢會俾佢剷!仲有,好多時全村人等佢歎完個 lunch先開得工,但掉轉頭就唔得,好似叫咗佢埋位,但發現啲光有問題要執吓,佢就即刻黑晒面講說話俾我哋聽,有時又意見多多,指手畫腳啲機位點擺點擺,奄尖過監製。」一名劇組工作人員透露。

毛姐全程「黑面神」上身,生人勿近。

對住拍檔黎耀祥,一樣板口板面。

劇中飾演脾氣暴躁電視台監製的黎耀祥,一埋位就入戲。

鏡頭後,黎耀祥笑容滿面,同劇組人員相處融洽。

同盈盈最好傾

上週二(三月十五日)下午,毛舜筠、黎耀祥和湯盈盈在中環為劇集拍外景。飾演脾氣暴躁電視台監製的黎耀祥,先埋位拍一場指揮啦啦隊戲,未使埋位的毛姐就全程匿在休息帳幕內,直到有她的戲份,才施施然板住面行出來。

毛姐劇中做祥仔的財務助理,兩個老戲骨,每場戲都一 take過搞掂,唔到你唔服!

雖然對劇組人員態度嚴肅,但毛姐和同樣有兩個女的湯盈盈就同聲同氣,兩個阿媽好好傾。

上週六,黃秋生在屯門埋位拍《八時入席》,同工作人員亦打成一片。

黃秋生因好友毛舜筠才答應客串劇集,今次在劇中會做番自己。

身負重任多要求

身負重任,毛舜筠拍劇事事有要求,劇本要管,連打燈機位都樣樣有意見。

據劇組人員說,上月尾,劇組在數碼港拍外景,事隔兩日,毛姐睇番 playback,竟然發覺自己當日用錯粉底顏色,要求導演將當日所有戲重新拍,就算劇組認為出來的效果無大影響,但毛姐仍企硬,最終大家要「投降」。

「一場外景因為咁而重拍,真係有啲誇張囉!但大家都知道嚟緊要長時間同毛姐合作,唔想搞到咁僵,惟有就佢,叫晒大家改返去電視城重拍。不過話時話,毛姐同祥哥的確好專業,好多時都一 take過就掂,收工好準時!」工作人員透露。

今年五十五歲的毛舜筠,曾被指進行大修葺,搞到大細鼻窿硬膠面。

繑晒手的毛姐,跟同為人母的湯盈盈較好傾。

毛舜筠同黎耀祥也曾在《畢打自己人》中合作過。

上月尾,毛姐在數碼港拍外景後,發覺自己原來用錯粉底色,堅持劇組擇日重拍當日戲份。

救兵有特權

TVB要靠昔日舊將回巢救亡,因為個個「救兵」都係大牌,有特權,特別難服侍。

鄧萃雯

12年,重頭劇《金枝慾孽貳》連戲由鄧萃雯擔正,事後雯女投訴拍劇時冇劇本,要等飛紙仔,被唱衰冇面的無綫即落「封殺令」,不再跟對方合作。

黃秋生

14年,影帝黃秋生幫大台拍《梟雄》救收視,有指影帝要求多多,聲明去上海拍外景要住五星級酒店又經常遲到早退,更要劇組遷就先拍他的戲份,導致同劇視帝黎耀祥及其他演員非常不滿。

苗僑偉

12年,夥拍黃宗澤合作《好心作怪》,三哥的角色要死,但唔想在劇中無好下場的他企硬唔肯死,由於三哥是老闆殼王好友,地位超然,編劇惟有就範改劇本。

撰文、攝影、攝錄:娛樂組


鍾意就快D Share啦!