網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年3月31日 星期四

勝和大龍鳳插旗 [壹週刊 - 1360] __,勝和,M1,

爆壹爆勝和大龍鳳插旗新界土地利益係嚿肥豬肉,各字頭一有機會就走入新界插旗。上星期爆哥同朋友到大埔燒嘢食,去到大尾篤村嘅村口時,見到一大班古惑仔企喺度,周圍仲擺滿花牌同大堆美少女添,咁正點解唔預埋爆哥呢?爆哥即場八卦吓,原來係勝和插旗大埔開甜品鋪,而且老細仲係勝和現任坐館沙田Me添,之後仲見到勝和元老雞腳黑同茶煲、另一現任坐館子騰、和義堂新話事人玉泉,同埋和合圖猛人高佬山陸續到齊。當日除咗江湖人,仲 ...


爆壹爆

勝和大龍鳳插旗

新界土地利益係嚿肥豬肉,各字頭一有機會就走入新界插旗。上星期爆哥同朋友到大埔燒嘢食,去到大尾篤村嘅村口時,見到一大班古惑仔企喺度,周圍仲擺滿花牌同大堆美少女添,咁正點解唔預埋爆哥呢?

爆哥即場八卦吓,原來係勝和插旗大埔開甜品鋪,而且老細仲係勝和現任坐館沙田 Me添,之後仲見到勝和元老雞腳黑同茶煲、另一現任坐館子騰、和義堂新話事人玉泉,同埋和合圖猛人高佬山陸續到齊。

當日除咗江湖人,仲有娛圈人俾面出席,好似喬寶寶、仙樂都同范振鋒兩公婆。江湖人開鋪頭最鍾意舞獅,夠熱鬧兼有氣勢嘛。各人點完睛後,現場即刻大鑼大鼓,三隻獅起勢咁舞,之後仲跳上個幾高吓嘅樁,仲要喺樁上面跳來跳去,搞到下面嘅人睇到𠵱嘩鬼叫。又打鑼又舞獅,唔講仲以為係農曆新年添。新鋪開張咁重江湖味,睇嚟呢區日後又多風雲囉。

三隻醒獅起勢咁跳,睇到在場人士𠵱嘩鬼叫。

港女呻吟 紅爆網絡

網民「人妻」行為出位,竟然上載自家製呻吟聲。

依家啲女孩子開放程度,真係估佢唔到。連爆哥思想咁潮,有時上網見到啲港女網民大膽行為,都當堂嚇一跳。爆哥近日上討論區睇嘢時,就發現一個叫「人妻」嘅港女好出位,唔單只上載自己嘅性感相,竟然仲錄咗幾段呻吟聲擺上網。嘩,知道網民大軍都係宅男為主,所以特登潤吓班毒男。

呢位「人妻」港女自稱二十一歲,唔單只結咗婚,仲係一名準媽媽,人妻兼人媽啱晒毒男口味。佢話自己思想開放,所以唔介意將自己嘅私隱開心「些牙」喎,仲話最緊要一班巴打開心就得。佢咁大方,一班巴打當然開心啦。個帖只係出咗幾日,就已經有一千四百幾個毒男留言,反應不知幾熱烈,好多人出力打氣,叫「人妻」錄多幾段三級錄音益街坊,話香港實在太悶, CCTVB膠劇睇到成眼都係眼屎,呢類人妻叫聲先夠本土咁話,有啲仲話只係聽聲唔夠喉,強烈要求有聲有畫面添。真係依家仲有鬼人睇電視咩,網民自製節目更精彩啦,係咪呀大佬!

呃爸媽 小朋友最 Like

上週末馬檻泉叫爆哥一齊去「呃爸嫂」,哇!有人嫂呃咁正當然去啦,去到至知係藝術展 Art Basel,原本以為悶到抽筋,但睇睇吓又好過癮,好多行為藝術品,連香港道地阿婆紮起嘅紙皮都變藝術品,又有藝術佬扮印尼巫師全場追住人來嚇,頂,爆哥幾想上前郁手揼佢呀,好彩馬檻泉出手阻止。最正係成班女藝術家都係又靚女又斯文,日後生個女真係要佢做藝術家先好,不過最起碼要個老豆搵到錢養佢,個女好得閒先可以呃爸嫂。

最過癮係,爆哥見到現場有好多小朋友參觀,仲玩到好開心,又嘗試伸手摸吓啲藝術品,其中兩個年約七歲嘅細路女,望住件展品充滿想像力咁話:「我睇到星星,跟住有啲圓圈喺側邊,又好似有啲匙羮咁,好似好亂,但好靚呀!」爆哥就話似鑽石,不過是但啦,藝術嘅嘢你話似乜就係乜啦,咁先好玩。

得閒去睇吓藝術品個人都幾舒服,唔使日日劈酒蒲吧咁俗氣,品味嘅嘢同個人身份無關係。

今期係最後一期「爆壹爆」,各位網上再見啦,請呀。

爆哥乜料

金融界撈家,穿梭黑白政商界,朋友遍布旺角至中環,每星期都八到

唔同料,同《壹》仔讀者過吓癮!


鍾意就快D Share啦!