探熱針
洗米華都集郵 八字胸莊端兒：受寵若驚！
持有 35E、 4D立體胸器， Boy'z張致恒的女友莊端兒（ Xenia），月中在澳門一晒近年罕見的八字真胸突襲頒獎禮，嘩聲四起，一、二線女星全敗在她胸下外，更惹來澳門猛人洗米華主動集郵。
上圍三字頭，起步發力都係等到三字頭。 34歲莊端兒，留前鬥後，唔嘢小！
望洗米華搵拍戲
當人人想贏在起跑線，十六、七歲𡃁妹就入行搏到盡，真•胸器莊端兒卻等到三十四歲先發力。
遲起步，但月中由老闆諸葛紫岐拍版的戰衣上陣， 35E真•胸器突襲澳門電影頒獎禮，卻一擊即中！連地膽洗米華（周焯華）都要搵她合照。得洗米華「賞識」，莊端兒開到聲，希望之後有戲拍。
「好開心，當日因為好多人搵我合照，之後先發現有個好靚仔好有型嘅男士，原來係華哥，受寵若驚，好驚喜！希望留個好印象俾佢，之後有合作機會，搵我拍戲。」莊端兒說。
唔介意俾人話老
三十四歲才踩行事業線，莊端兒毫不擔心。
「 Never too late，永遠冇最遲，只有識唔識把握機會，唔把握就真係遲。其實年幾前喺舊公司我都有行過吓性感，只係公司一年就執笠。我唔介意俾人話我年紀咁大先入行，最緊要依家靚過以前。」
留前鬥後的莊端兒，亦唔介意半裸上陣搶灘。
「只要老闆娘（諸葛紫岐）睇過劇本同對手覺得 OK，我就聽佢話，有導演敲門，我可以大膽演出。」露半球行紅地氈，管唔住女友的張致恒都話冇眼睇；拍裸戲，一樣冇得 say no！
莊端兒十九歲，阿媽見個女有條件，攞埋表格勸她選港姐，但莊端兒落閘拒絕。拖到三十二歲，遲來的「開竅」，選港姐已超齡，於是轉戰參選珠寶小姐，成熟味加八字胸揮低對手奪季軍。
廿歲做炒樓王
在澳洲讀經濟學士學位的莊端兒，數口精！廿歲出頭，已靠炒賣成為小富婆，有開地產鋪的媽咪做燈，炒股炒樓！
翻查土地註冊處資料，由○四年至一三年間，她有多次物業買賣記錄，項目地點包括跑馬地、北角雲景道、香港仔南灣御園及港麗豪園等，出出入入，賬面套現百萬。
有米、有樣有身材，就算名花有主，據悉莊端兒仍引來一班「富貴兵團」吼住。
對於有富二代力追，莊端兒不否認：「對方係咪富二代我唔知，朋友係好多囉！咁女仔都想多人追，冇人追就好慘。」
八字胸器
胸形生得靚唔靚，係天生嘅！市面八字胸女星唔多，一出成激罕！圈中最經典當然有劉嘉玲、李珊珊、廖碧兒、梁靖琪等。
撰文、攝影、攝錄：娛樂組
化妝及髮型： Tiffany Wu
服裝： The Collectives
場地： TT Party Restaurant
|
鍾意就快D Share啦！
|
|
|
