掃呢頁CODE去手機

2016年3月31日 星期四

2千萬買夢想 張敬軒 50s火車廂錄音室曝光 [壹週刊 - 1360] __,張敬軒,M1,

探熱針2千萬買夢想 張敬軒50s火車廂錄音室曝光張敬軒講過,開錄音室是他的夢想,這個夢早於11年已用五千萬成功實踐,點知政府收地,軒仔在廣州打造的世界級TheVillageStudios因而清拆,14年被迫關門。捲土重來,軒仔再斥資二千萬購入AvonStudio,並將一部分地方打造成五十年代火車車廂,堅持追夢,不過,大前提係少個都唔得。盧冠廷讚叻盧冠廷(LoLo)早前與潘源良在錄音室講音樂,被張敬 ...


探熱針

2千萬買夢想 張敬軒 50s火車廂錄音室曝光

張敬軒講過,開錄音室是他的夢想,這個夢早於 11年已用五千萬成功實踐,點知政府收地,軒仔在廣州打造的世界級 The Village Studios因而清拆, 14年被迫關門。捲土重來,軒仔再斥資二千萬購入 Avon Studio,並將一部分地方打造成五十年代火車車廂,堅持追夢,不過,大前提係少個都唔得。

盧冠廷讚叻

盧冠廷( LoLo)早前與潘源良在錄音室講音樂,被張敬軒捕獲更將兩人照片上載到 ig。

「其實 LoLo都周圍讚軒仔叻,話佢搞 studio唔止賺到錢,連錄音室嘅器材點操作都識晒,唔係得個殼;軒仔幾個月前買咗喺佐敦嘅 Avon Studio,呢間錄音室喺香港好多年,好多歌手都用過,聽講佢只係用咗二千萬就頂咗返嚟做,所以軒仔呢排好開心!」知情者說。

古巴歌唱及舞蹈家早前來港表演,軒仔也有邀請她到錄音室。

潘源良跟盧冠廷都算是新 studio的第一批顧客。

跟軒仔合作過的林宥嘉,早前也有到 studio參觀。

埋單蝕千萬

廣州 studio因收地被迫關門後,張敬軒便決定將夢想遷移到香港。

「廣州個 studio佢擺咗成五千萬同好多心機落去,可惜玩咗兩年就焗執笠,埋單差唔多蝕咗成千萬,不過軒仔一直都想再搵地方再搞過,但又冇啱心水,直到佢知 Avon放盤搵人頂,佢諗都唔諗就決定買。」

由設計到草圖再到接近工程完成,軒仔都拍照記錄低。

加入懷舊元素

擁有了自己的音樂天地,張敬軒重新注入個人元素。

「軒仔個人好懷舊,更加喜歡啲 vintage嘢,特別係五十年代,連搞生日都要扮五十年代嘅人。今次佢喺 studio入面整咗個五十年代火車廂,真係好靚!唔講唔知係錄音室,會以為係有主題嘅私房菜。」知情者說。

就算是錄音室的小擺設,軒仔都是逐件搜羅。

錄音室不惜工本,打造成 50年代懷舊車廂,當中一燈一枱都有他的心思。

鍾情 50年代打扮的軒仔,更試過反串做 50年代女人,魚網絲襪加假髮,充滿女人味。

寧租唔買

軒仔捨得使錢追夢搞錄音室,但就唔肯買屋自住,原因係唔習慣長期住同一地方,有鋪搬屋癮,寧願交租幫人供樓!

出名有要求的陳奕迅,也是軒仔的舊錄音室常客。

有指軒仔跟契爺陳鼎禮因合作廣州錄音室有拗撬,最後不歡而散,錄音室最後亦執笠。

有鋪懷舊癮的軒仔,年初便與唱片公司同事及藝人,大搞五十年代懷舊派對。

文物別墅

13年,軒仔以每月$18萬租住位於摩星嶺道的文物別墅,並花了二百多萬添置懷舊傢俬,為四千呎古屋打造法國風情。

搬上山頂

15年,軒仔以月租$20萬,租住白加道四十三號相連單位,擁有無敵維港景,住得高尚。

世界二十大

軒仔醉心音樂,曾經投資五千萬於廣州打造酒店式的錄音宿舍,前後花了三年時間裝修, 11年才正式啟用,點知政府收地清拆, 14年關門大吉,蝕成千萬之餘更因此與契爺契媽反面。

位於廣州芳村的 The Village Studios,佔地三萬多呎,當年由軒仔和契爺陳鼎禮合作投資,錄音室以酒店式設計,方便樂手和歌手錄歌期間留宿,內裡裝潢全由美國的設計事務所總工程師 John Story負責,器材連裝修,總投資額超過五千萬,更曾被列為世界前二十名錄音室之一。

撰文、攝影、攝錄:娛樂組


鍾意就快D Share啦!