2016年3月13日星期日

《回春》羅馬尼亞索模全裸晒34E上圍嚇壞老人家 __,

【短片】《回春》羅馬尼亞索模全裸晒34E上圍嚇壞老人家

2016-03-13 09:00:00 HKT

由導演保路蘇雲天奴（Paolo Sorrentino）執導嘅《回春》（Youth）將於本月17日在港上映，電影走進阿爾卑斯山上的五星級酒店，窺探賓客心中的傷痕與遺憾。由米高堅（Michael Cane）飾演的古典音樂作曲家弗萊德曾經叱吒風雲，現卻只顧追憶年華逝水，努力修補與女兒(麗素慧絲飾)嘅關係，連英女皇的演奏邀請都懶理。同樣年華已去嘅荷李活名導米奇（夏菲基圖飾）則寶刀未老，同一眾年輕創作人日日開會，渴望拍出一部舉世無雙的電影。酒店內仲有事業遇瓶頸嘅演員 (保羅戴路飾)、相對無言的夫妻、退役明星足球員、野心勃勃的出爐環球小姐。眾人於寧靜山上再次面對人生，戲中有一幕講米高堅同夏菲基圖兩位老人家去浸浴，突然間有位全裸索女現身，同佢哋一齊浸，呢幕仲成為海報。

呢位索女係27歲羅馬尼亞模特兒Madalina Ghenea，曾係里安納度狄卡比奧 (Leonardo DiCaprio)女友，因為外型冶豔，很早便步上米蘭天橋，成為意大利超級內衣名模，還被評選為全球百大性感女星之列。

Madalina 喺《回春》飾演正在溫泉飯店度假嘅環球小姐，因為被飾演大明星的保羅戴路（Paul Dano）譏諷胸大無腦而展開反擊，自信強勢讓人另眼相看。Madalina於《回春》毫不忸怩展現佢嘅 34E-24-35好身材，差點讓正在浸浴的米高堅和夏菲基圖齊噴鼻血。