傻女陳慧嫻又做咗傻女？？？？50歲嘅慧嫻最近先至喺紅館開完演唱會，喺台上自爆DRY咗十年後，早前遇到心儀對象並主動出擊。當日慧嫻喺台上講番呢件事，一直冇開名，只係話:「其實我好少遇到好鍾意嘅人，直到喺幾個月前，遇到個好靚仔、運動型有陽光氣息，有種貴氣好似陳百強公子哥兒嘅感覺，仲好有才華，我呢個獅子座遇到佢就變咗雀仔座，好想挨住佢。」咁結果呢？慧嫻表示把握機會直問對方有冇女朋友，答案係，對方話有男朋 ...
傻女陳慧嫻又做咗傻女？？？？50歲嘅慧嫻最近先至喺紅館開完演唱會，喺台上自爆DRY咗十年後，早前遇到心儀對象並主動出擊。當日慧嫻喺台上講番呢件事，一直冇開名，只係話:「其實我好少遇到好鍾意嘅人，直到喺幾個月前，遇到個好靚仔、運動型有陽光氣息，有種貴氣好似陳百強公子哥兒嘅感覺，仲好有才華，我呢個獅子座遇到佢就變咗雀仔座，好想挨住佢。」咁結果呢？慧嫻表示把握機會直問對方有冇女朋友，答案係，對方話有男朋友！慧嫻毫不避嫌於台上爆：「聽到嗰一刻猶如晴天霹靂！十年冇開齋，一開齋就遇到Mr. Impossible！」雖然慧嫻冇公開對象是誰，但周刊就開咗名，話「據了解」此人就係陳秋霞姨甥鄺祖德。今年38歲，比慧嫻細12年。兩人因為合作大碟《Evolve》而成為好友，跟住就……鄺祖德家族來頭不小，祖父鄺命光係九龍城區大地主，曾連任五屆九龍樂善堂主席；父親係已故無綫藝員鄺君能，兄長鄺祖盛為執業律師，胞姊鄺靄慧為養和醫院院長李維達太太，更是港大外科學系臨床副教授及香港遺傳性乳癌家族資料庫創辦人。鄺祖德本人亦畢業於英國倫敦帝國學院，電子工程系碩士，02年簽環球，拖到06年先至正式出道，不過星運就……都係專注幕後好啲。周刊報道開晒名，鄺祖德今日突然喺fb打破沈默，大篇幅回應，直認同慧嫻拍過拖，但有感雙方年齡相距太大，家人亦有意見，故決定分手！就連慧嫻開騷，鄺祖德亦特別揀啱時間，同家人去法國滑雪，言下之意就係喪避女方。鄺祖德回應全文：
「近日因為陳慧嫻在演唱会中的愛情自白，引起城中諸多報導，更盛傳箇中人物係我鄺祖德。事實上因為去年慧嫻推出發燒碟，我有幸能為佢編曲、製作部份音樂因而彼此認識。亦因此，我和她的感情開始有所發展，Priscilla工餘亦有到過我家與家人共餐，不過經過再三考慮，並顧及到家人及年齡上的差距，我選擇暫時停下來。「也是這個原故，慧嫻開演唱會，我決定同朋友、家人到法國滑雪。過去我確實有跟過不少圏中或圏外人拍拖，但都沒有結果。我是一個低調的音樂人，縱使娛樂圈夜夜笙歌，我往往享受在家的安靜，特別自從父親離世，我在母親身邊的時間需要更多！我的愛情生活雖不多姿多采，但亦不如慧嫻口中這麼『單調』，這一點我希望大家明白，現階段多與家人同在，及享受寧靜創作最為寫意。「愛情始終要有緣份，趕《夜機》或祇會變《儍女》，願慧嫻繼續星運亨通，生活愉快。亦感謝各位關心、支持。 仍在法國的鄺祖德 Enrico」至於抱恙在身嘅慧嫻，接受《蘋果》訪問時，聲沙沙地謂:「可能演唱會積勞其疾，我依家咳到飛起，不過你哋問嘅問題，我點都要回答你哋嘅。我覺得，你哋問嘅嘢我就唔回應喇，因為呢，演唱會上面我已經講晒，要講嘅已經講咗喇，亦都想講嘅已經講咗，都冇乜嘢想繼續講，多謝大家關心啦，Thank You!」
鄺祖德微博 
鄺祖德微博 
鄺祖德ig撰長文，開晒名直插慧嫻。 
長文中，鄺祖德直認因為慧嫻開個唱，故選擇在此段時間去法國滑雪，避之則吉。 