掃呢頁CODE去手機

2016年3月9日 星期三

5月生得 包到冚產檢 陳豪陳茵媺 3胎都係仔 [FACE - 459] __,茵媺,陳豪,陳茵媺,MF,

難得陳豪唔使返工,即陪老婆到中環睇醫生照超聲波,陳豪私底下一啲都唔潮,但係好老公兼暖男,拖實老婆又攞埋手袋,但對手幾忙都會有咖啡。封面5月生得 包到冚產檢 陳豪陳茵媺3胎都係仔新劇《潮流教主》中飾演潮人icon嘅陳豪,私下絕對係住家男人,更加係一個多仔公,上年二月生咗第二個仔陳浩鋒NathanLucas,陳豪依然有心有力,老婆陳茵媺當然配合啦。早前陳豪難得唔使開工,即同老婆到中環做產檢兼shopp ...


難得陳豪唔使返工,即陪老婆到中環睇醫生照超聲波,陳豪私底下一啲都唔潮,但係好老公兼暖男,拖實老婆又攞埋手袋,但對手幾忙都會有咖啡。

封面

5月生得 包到冚產檢 陳豪陳茵媺 3胎都係仔

新劇《潮流教主》中飾演潮人 icon嘅陳豪,私下絕對係住家男人,更加係一個多仔公,上年二月生咗第二個仔陳浩鋒 Nathan Lucas,陳豪依然有心有力,老婆陳茵媺當然配合啦。

早前陳豪難得唔使開工,即同老婆到中環做產檢兼 shopping,據知今次又係生仔呀,預計 5月左右第三個仔會出世,如果陳豪真係想追女,睇嚟陳茵媺都冇得唞,向 4年抱 4進發。

新劇《潮流教主》播咗一星期,除咗蔡思貝被封世紀煩音達外,連一直有觀眾緣嘅陳豪都被評喺劇中唔夠潮。 44歲陳豪可能做潮流教主唔夠說服力,但做多仔公就一定攞滿分, 13年結婚後,兩年生兩個仔大仔陳梓樺( Aiden Joshua)及二仔陳浩鋒( Nathan Lucas)後,二人再於泰國蘇梅島極速造人成功。

平時出入有司機有七人車代步,同老婆睇完醫生,但當日陳豪卻選擇坐的士,可能做產檢唔想俾人跟囉!

雖然係幾級樓梯,但陳豪都拖到實,而陳茵媺亦相當小心落樓梯。

抽空陪實老婆

據知陳豪同陳茵媺一直都想有個女,所以兩位相當落力,要 3年抱三,有心亦要有力養,陳豪雖然係大台一哥,但老婆全職湊仔,又有工人,又供樓,開支超大,所以陳豪亦密密拍,拍完《完美叛侶》後,即為新劇《來自喵喵星的你》開工,而難得唔使開工嘅陳豪亦即刻陪老婆湊仔同行街,認真忙碌。

掃小王子玩具

除咗湊仔,就算陳豪同陳茵媺拍拖都係行兒童用品店,唔係買玩具就係買童裝衫。早前又去買小王子 BB玩具,似乎有啲啟示。

陳豪唔使開工即做湊仔公,上年拍攝《潮流教主》期間,一有空檔即全家出動行街,大仔陳梓樺今年兩歲,已經相當靚仔。圖片

《潮流教主》播咗一星期,被網友鬧唔潮,又喪抄日劇《 First Class》,連陳豪呢個萬人迷個造型都被人彈,算啦,下套做湊仔公,肯定網友話入形入格。(電視畫面)

除咗拍劇外,陳豪基本上每次出街都係同老婆一齊,呢啲好老公真係羡慕死絲打。

戴口罩做產檢

本刊上月尾就撞見陳豪陪老婆到中環睇婦科做產檢,二人帶住口罩十指緊扣出巡,身為咖啡王子嘅陳豪雖然揸住老婆手袋同超聲波片,但依然攞住杯咖啡。問到陳豪預產喺幾時?同係仔定女?兩公婆都好有默契不回應,雖然帶住口罩,但從表情都知開心,而聽講今次陳豪都係生仔,預計 5月陳豪將成為 3仔之父。

其實陳豪 2公婆雖未有公開第 3胎性別,不過陳豪之前亦暗示話:「睇吓個天俾咩我,可能俾三劍俠我呢。」而陳太亦說笑:「我已有 2個小王子,識得點照顧男孩子,如果家裏有 4個王子都幾好,我哋想有個大家庭,老公那邊有 3個仔,所以我們都預計呢胎都係仔。」露咗口風喎!

陳豪拍劇搵錢捱殘

去年尾拍完《完美叛侶》的陳豪,劇中拍住邵美琪,據知陳豪最想拍時裝,起碼慳番古裝黐頭套嘅時間,唔使湊仔都可以瞓耐啲。(網上圖片)

陳豪現忙為新劇《來自喵喵星的你》, 5月第三個仔出世,到時陳豪就辛苦喇。(網上圖片)

老公忙為大台拍劇,陳茵媺生仔以來只拍過杜汶澤嘅新戲《開飯啦》,專心做湊仔婆。

唔肯拍劇,但陳茵媺就頻頻接 job搵快錢。《蘋果日報》圖片

好多都勁生得

陳豪 5月就生第三個仔,其實圈中都有唔少多仔公,例如大陸狂執人仔嘅嘅陳浩民、新城一哥阿 Bob,同埋辦雜誌嘅黃浩,都生 3個,係囉,其實有錢咪生得囉,冇錢一個都嫌辛苦啦。

《蘋果日報》圖片

黃浩

09年同港姐徐淑敏結婚,就開始密密生,生足 3個女,大女黃心瑤 Vianna今年已經 5歲。

網上圖片

阿 Bob

08年生第一胎,大女林霏兒今年 7歲,二女林熹兒 5歲, 14年生下三女林機兒。

網上圖片

陳浩民

11年同國內演員蔣麗莎結婚,已為三子之父,但上年已公布第 4個小朋友將會今年夏天出世。

鄧梓峰

鄧梓峰原來都有 4個仔女,最細都已經 16歲,就快捱完,等仔養喇。

採訪、撰文:娛樂組

攝影:娛樂突發組


鍾意就快D Share啦!