掃呢頁CODE去手機

2016年3月24日 星期四

再做生仔機 紀曉波 6餵獎勵吳佩慈 [壹週刊 - 1359] 吳佩慈,M1,紀曉波

紀曉波、吳佩慈少有大方拍拖,3月11日中午,二人現身中環海濱tasteOFHONGKONG高級美食節,其間不斷放閃,被紀曉波旁若無人6度餵食,吳佩慈勝利口張開。探熱針再做生仔機 紀曉波6餵獎勵吳佩慈內地富商紀曉波對女友「九頭身美人」吳佩慈態度一直忽冷忽熱,直至她生完女再成功追仔,關係才大轉變。今個月中,二人在中環海濱歎米芝蓮美食節,吳佩慈六度獲男友餵食,公眾地方又拖又攬,表現親暱。得紀曉波寵倖,全 ...


紀曉波、吳佩慈少有大方拍拖, 3月 11日中午,二人現身中環海濱 taste OF HONG KONG高級美食節,其間不斷放閃,被紀曉波旁若無人 6度餵食,吳佩慈勝利口張開。

探熱針

再做生仔機 紀曉波 6餵獎勵吳佩慈

內地富商紀曉波對女友「九頭身美人」吳佩慈態度一直忽冷忽熱,直至她生完女再成功追仔,關係才大轉變。今個月中,二人在中環海濱歎米芝蓮美食節,吳佩慈六度獲男友餵食,公眾地方又拖又攬,表現親暱。

得紀曉波寵倖,全因吳佩慈肯做生仔機,積極再追仔,為咗一扑即中,竟誇張到擺石麒麟,為追仔可以去到好盡。

改口叫老公

究竟紀曉波幾時才正式給吳佩慈一個名分,一直為人所好奇!二人手上未有婚戒,但只要男友恩准,吳佩慈便可以改口,人前人後,大大聲叫男友做「老公」。

今個月中,戴帽戴超的吳佩慈,與紀曉波及一男友人經四季酒店,行去中環海濱 taste OF HONG KONG美食節,兩名保鑣及一助手同行護駕,氣勢出巡。

到步後,吳佩慈等選擇於室外企住食,唔坐 VIP專區的冷氣房;見男友掛住同身邊友人傾生意,她詐嬌說:「老公,快吃東西啊!」紀曉波立即聽話,又化身做冧冧豬餵「老婆」食和牛,更足足餵了六次有多;不過當吳佩慈反餵時,卻被他拒絕。

當吳佩慈想反客為主餵「老公」,紀曉波死都唔肯擘大口,場面搞笑。

吳佩慈肯唔封肚,亦令她與紀曉波感情邁進一大步,二人連飲香檳都有商有量。

吳佩慈大大聲稱紀曉波做「老公」,更手插對方衫袋,好痴纏。

摸麒麟求子

過往二人拍拖,大多數玩前後腳,但是日在公眾地方又攬又拖,又公開十指緊扣,一反常態。

忽然改變作風,事出有因。據了解,思想傳統的紀曉波重男輕女,生仔唔嫌多,下旨要女友再追!吳佩慈亦唔介意做生仔機器,肚皮無休!只怕是天不從人願,保證唔到一定生仔。

「紀曉波好信風水,佢聽啲師傅講,麒麟有助添丁,所以打算喺佢辦公嘅地方外放一對大麒麟,寓意再添麟兒。」知情人說。

果然係咁!離開美食節後,紀曉波與吳佩慈對摩天輪旁的一對麒麟極其有興趣,又摸又跪又影相,其間更有人攞住雲石磚給二人過目,好明顯,他要複製一對一模一樣的石麒麟。

當日離開美食節後,有疑似建築公司職員(左一)專程拿來雲石色樣,俾紀曉波仔細對比,他將會複製一模一樣的麒麟。

被「老公」感染,搵外套帽笠頭的吳佩慈忽然踎低跪麒麟,好誠心。

在中環海濱摩天輪旁放有一隻巨型石麒麟,為再追仔二人當眾喪摸左邊的麒,因為麒代表雄性。

晚晚交人

摸完麒麟,二人手拖手散步返回租住的四季酒店,三十七歲吳佩慈願意長期唔封肚,終成功箍掂「老公」。

「呢排 Pace(吳佩慈)係開心咗好多,佢話『老公』成日留喺香港陪佢,仲少咗應酬,夜晚通常都返嚟陪一對仔女食飯,嗰日又特登陪佢去美食節,所以 Pace覺得自己終於搞掂呢個男人。」知情人說。

被「老公」餵飽,離開時又十指緊扣拖到實,加上有成棚跟班傍實,吳佩慈笑得特別燦爛。

雖然吳佩慈手上未見婚戒,但紀曉波送她的三卡定情鑽戒卻十分閃。

摸完麒麟再散步返四季,接囡囡 Hillary下半場 high tea。雖然重男輕女,但紀曉波都爭住抱女。

紀曉波近日做跟得「老公」,早前吳佩慈返台灣為一對仔女搞 party,他都有飛過去。

風水師:麒麟係送子神物

據風水師朱鑑徽所講,麒麟有助送子,紀曉波為再追仔而起麒麟,一啲都唔出奇,「古時嚟講,麒麟係送子神物,漸漸到依家大家都相信。麒麟係一對,左麒右麟,有好多人想生仔,都會摸吓左邊嘅麒,因為係代表雄性。麒麟亦有和善、長命百歲、和平、少拗撬等意思,不過好少放室內,通常放喺啲建築物外面。」

抵食

位於中環海濱的 taste OF HONG KONG美食節,標榜有星級米芝蓮餐廳提供的美食,大部分更是在香港難得食到。入場 VIP飛每位$698,限量 200位,務求專屬 VIP區唔會太逼爆。入到場,食物、酒水另計,食鵝肝、和牛,歎香檳,六千蚊埋單,對紀曉波來講,抵到爛。

撰文、攝影、攝錄:娛樂組


鍾意就快D Share啦!