2016年3月31日 星期四

【有得炒?】7-Eleven儲印花 換迷你「花花煲」 一個最平入手價102蚊 __,花花,Elfa,

生產有「花花煲」之稱嘅法國廚具品牌LeCreuset又有新煲推出,今次更加有得免費換領。搞開儲印花換公仔嘅7-Eleven,今次唔換公仔改與LeCreuset合作換餐具。當然,重點並非刀、叉、筷子本身,而係連餐具附送嘅迷你「花花煲」……造型餐具保護蓋。LeCreuset有「廚具界LV」之稱,出品嘅「花花煲」賣開幾千蚊一個,但一樣有大把廚娘瘋搶。雖然今次7-Eleven有得換嘅只係「花花煲」造型嘅餐 ...


生產有「花花煲」之稱嘅法國廚具品牌Le Creuset又有新煲推出,今次更加有得免費換領。搞開儲印花換公仔嘅7-Eleven,今次唔換公仔改與Le Creuset合作換餐具。當然,重點並非刀、叉、筷子本身,而係連餐具附送嘅迷你「花花煲」……造型餐具保護蓋。Le Creuset有「廚具界LV」之稱,出品嘅「花花煲」賣開幾千蚊一個,但一樣有大把廚娘瘋搶。雖然今次7-Eleven有得換嘅只係「花花煲」造型嘅餐具保護蓋,唔可以拎嚟煮返幾味,但因為餐具保護蓋用上「花花煲」造型,細細個超級cute,兼且全部用上靚靚粉色系,最正嘅係唔駛勁敗家大嗱嗱拎幾千蚊出嚟,就可以將「花花煲」帶返屋企,所以7-Eleven未正式派發印花,有關照片已經喺網上瘋傳。全套一共十款嘅迷你鍋造型餐具保護蓋,可以方便大家攜帶餐具外出時使用,用嚟當筷子托用亦都得。換領詳情:

-印花派發日期:2016年4月6日至2016年6月14日

-換購日期:2016年4月6日至2016年6月21日

-購物滿20元即送印花一個,購物滿30元送2個、滿40元則送3個,如此類推

-儲夠7個印花加22蚊,就可以隨機抽一款餐具連同色迷你「花花煲」餐具保護蓋

-儲滿18個印花,可以免費換走一款

-計計數,即係一個「花花煲」,最平入手價係,消費80蚊換7個印花再加22蚊,總數102蚊

-另外,購物滿20元,就可以238元換領限量版「7-Eleven x Le Creuset」木廚櫃掌握財經生活資訊,即Like「蘋果ATM」fb專頁

http://fb.com/appledailyatm

羹款有粉紅色同紅色 刀款就有綠色同青色
叉款就有黃色同藍色
仲有對筷子!

鍾意就快D Share啦!
Related Posts Plugin for WordPress, Blogger...