掃呢頁CODE去手機

2016年3月24日 星期四

74日密密做冇着落 杏兒失望:未咁快! [壹週刊 - 1359] 杏兒,M1,胡杏兒

度完蜜月返港,杏兒笑晒口,Philip就黑晒面,問乜都唔應。娛樂偵訊74日密密做冇着落 杏兒失望:未咁快!去年尾拉埋天窗後,胡杏兒同老公PhilipLee隨即啟動馬拉松蜜月之旅,遊勻十三個國家,穿越歐亞美三大洲歎世界。為期74日造人之旅,話咁快就完!上週五(18/3)早上八點,杏兒同老公盡興返港。出閘時李太笑晒口,李生就面燶燶。被問到已否造人成功,杏兒耍手擰頭話:「未咁快!」十問九唔應晨光早返到香 ...


度完蜜月返港,杏兒笑晒口, Philip就黑晒面,問乜都唔應。

娛樂偵訊

74日密密做冇着落 杏兒失望:未咁快!

去年尾拉埋天窗後,胡杏兒同老公 Philip Lee隨即啟動馬拉松蜜月之旅,遊勻十三個國家,穿越歐亞美三大洲歎世界。

為期 74日造人之旅,話咁快就完!

上週五( 18/3)早上八點,杏兒同老公盡興返港。出閘時李太笑晒口,李生就面燶燶。被問到已否造人成功,杏兒耍手擰頭話:「未咁快!」

十問九唔應

晨光早返到香港,二人各自推住兩喼行李出閘,戴帽加黑超的杏兒行先, Philip隨後。見到記者,錯愕的杏兒好快便露出四萬笑容,相反 Philip就黑晒面,十問九唔應。

兩公婆摩打腳行去上車,沿途一直保持距離。心知老公見到記者唔多高興,杏兒亦不時刻意停步回頭望。

「(玩得開唔開心?)開心呀!(有好消息(造人)未?)未咁快!返嚟有好多嘢做呀!( Bosco有新戀情喎!)呢啲唔使講啦,佢開心就得!」

行到停車場,杏兒將行李交俾老公搞掂,自己先坐上車, Philip同司機夾手夾腳放好行李後,便速閃上車。

度完蜜月返港,杏兒笑晒口, Philip就黑晒面,問乜都唔應。

兩個人四喼行李, Philip安頓老婆上車後,再落手搬行李。

英國一站,兩邊親家加入,杏兒做好新抱,陪老爺奶奶 shopping。

身在英國的李生李太,第一次派利是,杏兒笑言「大出血」,因為要派英鎊。

十個生日願望

七十四日環球造人旅程,杏兒幾乎日日在 ig放閃,呢頭在北海道滑雪,轉頭已身處新西蘭釣魚。其中一站英國,二人世界變六人行,男女雙方家長會合一齊玩。

蜜月之旅最後一站,杏兒同 Philip馬爾代夫二人世界,陽光海灘, hea足兩個星期。狀態大勇的杏兒,晒 bikini相身材 fit到漏,在當地為老公慶祝婚後第一個生日,李太上載一張兩公婆攬住情深對望相留言:「李生,生日快樂!李太上。」甜到漏!

壽星 Philip亦許下十個生日願望,要做「好老公」、「好女婿」之餘,仲要「 be a good dad!」恨 B恨到出口!

努力咗兩個半月,杏兒的肚皮暫時尚未有聲氣;要兌現對住夫家鄉親父老開下三年抱兩的期票,生!快啲生!生完再生!事在必行。

做咗人妻,杏兒身材冇走樣,著住黑色比堅尼晒長腿,好吸睛。

蜜月第一站是北海道,兩公婆著晒情侶裝,第一次滑雪的杏兒仲自嘲「大鄉里」。

在馬爾代夫為老公慶祝婚後第一個生日,杏兒將二人鼻貼鼻相上載 ig,甜到爆。

婚後杏兒按傳統返李家祠堂祭祖,對住鄉親父老承諾要三年抱兩。

撰文、攝影、攝錄:娛樂組


鍾意就快D Share啦!