掃呢頁CODE去手機

2016年3月18日 星期五

【「唔想再提呢個人」】與劉德華世紀破冰 陳少霞:他一直很疼我 __,劉德華,

大家仲記唔記得邊個陳少霞?就係喺《鹿鼎記》飾演雙兒嗰個——不過係陳小春版本嗰套。唔係依家大台深夜重播嗰套。當年,上世紀90年代,陳少霞曾經係劉德華旗下公司「天幕」藝人,兩人仲喺電影《天與地》中扮演夫妻。陳少霞當年出道作,就係93年,即係佢18歲嗰陣,同梁朝偉合演《哥哥的情人》。曾經獲劉德華青睞,當時更有傳聞指她暗戀華仔。離開天幕後,陳少霞轉投無綫,但發展一般,大多演二、三線角色,如《濟公》、《笑傲 ...


大家仲記唔記得邊個陳少霞?就係喺《鹿鼎記》飾演雙兒嗰個——不過係陳小春版本嗰套。唔係依家大台深夜重播嗰套。當年,上世紀90年代,陳少霞曾經係劉德華旗下公司「天幕」藝人,兩人仲喺電影《天與地》中扮演夫妻。陳少霞當年出道作,就係93年,即係佢18歲嗰陣,同梁朝偉合演《哥哥的情人》。曾經獲劉德華青睞,當時更有傳聞指她暗戀華仔。離開天幕後,陳少霞轉投無綫,但發展一般,大多演二、三線角色,如《濟公》、《笑傲江湖》、《苗翠花》、《狀王宋世傑》等,98年改埋名叫「陳采嵐」,但始終未能攀上一線花旦。倒是緋聞不斷,94年傳與雷宇揚拍拖,97年因合作拍攝《濟公》而與王賢誌出雙入對。直至98年同唐文龍地下情曝光,最終分手收場。99年同澳洲富豪結婚,最後離異。06年,陳少霞傳出經濟欠佳,單親媽媽獨力照顧兩個女,由豪宅搬到天水圍公屋,陳少霞當時回應謂:「係返我阿媽度,我拍劉德華套戲時的確係住天水圍,但我唔想解釋咁多,總之家我唔係住公屋。」當時有傳聞,話,陳少霞想搭路復出,當時有人問過劉德華,有傳當時華仔曾經講過:「唔想再提呢個人。」都市傳說就係咁喇。咁點解當年一手發掘陳少霞嘅華仔會咁講呢?傳聞有好多,但亦都冇人敢喺華仔面前再提……2011年,陳少霞患上甲狀腺亢奮,性情大變,嚇得佢急急做手術。捱過一關,豈料前夫突然病逝,15歲大女突然患上一型糖尿病。絕少與圈中人聯絡嘅陳少霞無依無靠,且性格內向,十分徬徨,幸好有宗教信仰支持度過難關,而且亦逐步復出,不時北上剪綵搵快錢。噚晚,添叔李添勝喺尖沙嘴一酒樓筵開22圍,舉行榮休晚宴,一直視添叔為恩師嘅陳少霞當然有到;當年五虎將之一的華仔亦有出席向恩師添叔致謝。大家最期待的畫面出現了。席上華仔終於與陳少霞相遇,仲相擁自拍!陳火霞仲share埋上微博,留言謂:「感謝主!我們就這麼相見了!我一直不說話!謠言止於智者!他一直很疼我!我只是不想說,感謝主!」究竟事情真相係點,已經唔重要。

陳少霞珍藏… 陳少霞噚晚po完同華仔破冰合照後,今早再貼上一系列當年合拍《天與地》嘅留影,寫道:「新舊對照,幾許溫柔......」 陳少霞微博圖片
陳少霞微博圖片 《天與地》劇照 噚晚…
華仔Selfie 陳少霞出咗三個po,都係關於同華仔今次世紀破冰…
噚晚添叔榮休晚宴上,陳少霞喺台上分享時,感觸落淚。

鍾意就快D Share啦!