2016年3月19日星期六

【太陽狂熱】拍新一集《侏羅紀公園》？喬妹慘被恐龍喪追 __,侏羅紀,宋慧喬,喬妹,

【太陽狂熱】拍新一集《侏羅紀公園》？喬妹慘被恐龍喪追

2016-03-19 11:00:00 HKT

網民創意無限，話說前日播出嘅第8集《太陽的後裔》中，宋仲基飾演嘅軍官劉時鎮透過宋慧喬飾演嘅女醫生姜暮煙嘅手提，聽到暮煙之前以為自己會死去而錄低嘅留言，當時暮煙就錄低咗「遺言」，話總之一早就表明自己嘅心意，有個咁有魅力嘅男生(指時鎮)錫自己，佢本身都好激動，後悔自己冇接受對方嘅心意。

由於當時暮煙將電話放咗去擴音器上，所以所有人都聽到佢嘅心意，當時瘀爆嘅暮煙就火速跑去想停止段錄音，而當佢發盡全力跑緊個畫面，就被創意無限嘅網民用咗嚟改圖，網民仲抵死將喬妹呢個咁十萬火急嘅表情配上經典電影《侏羅紀公園》（Jurassic Park）隻恐龍，仲抵死留言話可以拍新一集《侏羅紀公園》，數數手指《侏羅紀公園》已經拍咗4集，咁喬妹就可以順理成章做第5集嘅主角囉。