掃呢頁CODE去手機

2016年3月23日 星期三

【影帝影后邊個拎】網傳香港電影金像獎得獎名單 瞬間即刪 __,

第35屆香港電影金像獎下個月3號(星期日)喺尖沙嘴文化中心舉行,第二輪投票亦已經結束,交咗畀會計師點票。得獎結果唔夠20日就有結果,大家都好想知究竟林嘉欣會唔會歷史性贏「大滿貫」,同埋郭富城可唔可以贏佢第一座香港金像獎影帝獎座?噚晚喺維基網站突然「快閃」咗一個fulllist嘅第35屆金像獎嘅獲獎名單,而出咗數分鐘就即刻畀人delete咗,情況好似有啲耐人尋味!大家最關心嘅自然係影帝、影后誰屬…… ...


第35屆香港電影金像獎下個月3號(星期日)喺尖沙嘴文化中心舉行,第二輪投票亦已經結束,交咗畀會計師點票。得獎結果唔夠20日就有結果,大家都好想知究竟林嘉欣會唔會歷史性贏「大滿貫」,同埋郭富城可唔可以贏佢第一座香港金像獎影帝獎座?噚晚喺維基網站突然「快閃」咗一個full list嘅第35屆金像獎嘅獲獎名單,而出咗數分鐘就即刻畀人delete咗,情況好似有啲耐人尋味!大家最關心嘅自然係影帝、影后誰屬……個賽果非常詳細,連技術獎同攞終身成就獎嘅李麗華都有公佈,無論個名單有幾真,至少寫嘅人真係好細心。除咗之前提過幾個大獎得主之外,第2次做導演嘅張家輝卒之憑《陀地驅魔人》開齋,捧走咗新晉導演獎,喺呢個網洩版金像獎裏面,大贏家就屬於翁子光嘅《踏血尋梅》,總共攞到6個獎。根據呢份「流出」嘅賽果,影帝就係萬眾期待嘅郭富城憑《踏血尋梅》獲獎,影后就係喺《五個小孩的校長》演「校長」楊千嬅,被喻為香港未來寓言電影嘅《十年》擊敗眾多強敵,成為最佳電影,最佳導演亦都好有說服力由《五個小孩的校長》導演關信輝獲得,已經贏咗台灣金馬獎嘅白只,喺呢張list就寫佢,連贏最佳男配角同新演員兩個獎,女配角就係老戲骨演《五個小孩的校長》嘅吳浣儀獲得。睇返呢個賽果,唔少「得獎者」都係賽前大熱門,好似城城、白只同春夏,雖然網洩嘅「賽果」雖不中亦不遠矣,難得係有人咁好心機,連啲技術獎都寫埋出去,真係要等到頒獎當日先知花落誰家!網上流傳「香港電影金像獎得獎名單」睇落都幾齊整;

1.最佳電影 《十年》

2.最佳導演關信輝《五個小孩的校長》

3.最佳編劇 翁子光《踏血尋梅》

4.最佳男主角 郭富城《踏血尋梅》

5.最佳女主角 楊千嬅《五個小孩的校長》

6.最佳男配角 白只《踏血尋梅》

7.最佳女配角 吳浣儀《五個小孩的校長》

8.最佳新演員 白只《踏血尋梅》

9.最佳攝影 杜可風《踏血尋梅》

10.最佳剪接 廖慶松、黃海、翁子光、朱嘉逸《踏血尋梅》

11.最佳美術指導 張叔平、邱偉明《華麗上班族》W

12.最佳服裝造型設計 奚仲文《捉妖記》

13.最佳動作設計 錢嘉樂《赤道》

14.最佳原創電影音樂 戴偉《哪一天我們會飛》

15.最佳原創電影歌曲 差一點我們會飛《哪一天我們會飛》

16.最佳音響效果 曾景祥、姚俊軒《葉問3》

17.最佳視覺效果 梁偉民、余國亮、林嘉樂《葉問3》

18.新晉導演 張家輝《陀地驅魔人》

19.最佳兩岸華語電影 《我的少女時代》

終身成就獎:李麗華P.S 真係要到頒獎當日,先知呢張list中幾多個!


鍾意就快D Share啦!