| 究竟Leon有幾勁？ | next 1/1 pre |
 | |
| 佢個電訊廣告迷死人！ | next 1/1 pre |
 | |
| 當年有唔少少女（依家可能已變成師奶）都畀Leon迷倒！ | next 1/1 pre |
 | |
| 1994年憑《哪有一天不想你》攞咗金曲金獎！ | next 1/1 pre |
 | |
| 1996年憑《情深說話未曾講》攞多次！ | next 1/1 pre |
 | |
| 高大又靚仔，Win晒！ | next 1/1 pre |
 | |
| 「I Love You～你會否聽見嗎？～」 | next 1/1 pre |
 | |
| 當年 | next 1/1 pre |
 | |
| 今日，仲多咗個稱號「金句王」！ | next 1/1 pre |
天王兼金句製造機黎明（Leon）即將喺4月尾至5月頭開演唱會，仲破天荒喺中環海濱搞露天4D騷，真係前無古人架！而價值港幣2980蚊嘅VIP門票只限內部認購，想搶就要靠關係喇！一代天王開演唱會，即刻引嚟大批歌迷懷緬90年代時期嘅「黎明盛世」，仲數出Leon分別喺1994、1996、1997同1998年憑住《那有一天不想你》、《情深說話未曾講》、《只要為我愛一天》以及《我這樣愛你》拎到十大勁歌金曲嘅金曲金獎，威到震呀！
90年代紅至韓國
有網民仲寫咗篇千字文，講述當時嘅Leon究竟有幾強！當年Leon拍劇拍到入晒屋，《人在邊緣》同《今生無悔》都係收視冠軍，爆紅之後佢就轉戰歌壇，可以話係唱得又演得。1990年出第一張專輯，1991年就已經成為樂壇三劍客，1992年成為四大天王！除咗喺香港紅透半邊天之外，Leon首韓文歌喺1997年仲入選當地十大金曲，翌年更成為韓國本地榜前四歌曲，簡直史無前例！連早前韓國新生代當紅女歌手IU嚟香港開騷，都話自己係Leon嘅Fans！
常語出驚人
除此之外，Leon高大又靚仔嘅形象仲深入民心，有網民爆料話自己媽咪係Leon嘅忠實歌迷，加上當年一系列嘅電訊廣告，一眾女士都畀佢對電眼迷倒，佢嘅人氣勁到你都咪話唔誇張！近年Leon致力做幕後，仲成立唱片公司發掘有潛質嘅新人，好似衛蘭、JW咁，都係Leon力捧嘅對象。而作風一向高調得嚟、又帶點低調嘅佢仲好有才，成日唔覺意爆啲金句出嚟，就算唔識背，都肯定聽過！當中比較經典嘅包括「我豁達，所以我唔介意別人話我唔豁達」、「所有嘅美德都可以偽裝，只有修養係內在的」、「衛蘭肥過部電單車」等等。雖然有時有啲金句都幾厘頭，但有啲就好發人深省。有網民話為咗入場聽Leon講金句，今次演唱會點都要撲到飛！
網民有話兒
小KXXX：當年好多好多女人都覺得佢好靚仔，包括我阿媽！而我都不得不承認，佢當時係幾型。
overXXX：佢啲電音歌好前衛，快人一步走韓風，首首都好正！
哈妮XXXX：Leon啲廣告依家睇返（番）都唔會覺得Out，啲廣告歌又日日夜夜咁loop住，而且90年代仲係無綫劇集最癲峰嘅時期，網上又未咁發達，個個走去追星，你話點會唔紅呀？
Helloxxx：黎明高大靚仔作為明星已經屈機，歌都OK再加上廣告洗腦根本冇得輸，嗰怡「要贏人，先要贏自己」真係好正！
第二xx：個騷我點都要睇，我想聽佢talk同重溫經典金曲，不過我想問，空肚睇唔睇得演唱會？
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|