掃呢頁CODE去手機

2016年3月31日 星期四

俾「農夫」當笑料  Do姐自投羅網 [壹週刊 - 1360] __,農夫,陸永權,鄭詩君,M1,

娛樂偵訊俾「農夫」當笑料 Do姐自投羅網陸永、C君與Do姐去年合作旅遊節目《Do姐去Shopping》大受歡迎,「農夫」的冇大冇細式爛gag,觀眾勁buy!爛開有條路,最近農夫與做棟篤笑經驗豐富的張達明再度合體,玩咗三場《達ming農夫棟篤唱「已經爆咗」》,大家唇槍舌劍互窒,冇Do姐在陣,觀眾一樣笑爆!捧場被玩Do姐鄭裕玲同二男組似乎特別夾,除了商台「艾粒」,與「農夫」主持的新節目《Do姐有問題》 ...


娛樂偵訊

俾「農夫」當笑料  Do姐自投羅網

陸永、 C君與 Do姐去年合作旅遊節目《 Do姐去 Shopping》大受歡迎,「農夫」的冇大冇細式爛 gag,觀眾勁 buy!

爛開有條路,最近農夫與做棟篤笑經驗豐富的張達明再度合體,玩咗三場《達 ming農夫棟篤唱「已經爆咗」》,大家唇槍舌劍互窒,冇 Do姐在陣,觀眾一樣笑爆!

捧場被玩

Do姐鄭裕玲同二男組似乎特別夾,除了商台「艾粒」,與「農夫」主持的新節目《 Do姐有問題》正熱播,拍檔開騷, Do姐當然識做,除咗幫手錄開場介紹外,星期日(三月二十七日)的日場,更親自現身支持。

自投羅網,「農夫」唔客氣,叫觀眾夠膽就買起夠旺嘅 DoDo姐返屋企擺風水陣,繼「 DidDid姐」、「鄭裕 Land」後,再為她起新朵「鄭裕風鈴」。

之後,「農夫」又自爆加日場原因。

「你哋(指觀眾)唔覺得怪嘅咩?無啦啦開晏晝場,咪為咗 Do姐囉,佢話夜晚夜得滯,九點就眼瞓,咪開場晏晝俾佢睇囉,真係唔該晒你哋,全部人陪佢睇!」被擺上枱的 Do姐,笑到標眼水。

即使工作忙到爆,陸永一放假就爭取時間陪實兩個囡囡。

錫到「農夫」燶嘅 Do姐,當然有現身 talk騷撐場,不過就例牌俾「農夫」玩埋一份。

「農夫」孖住張達明在棟篤唱中互窒,大放笑彈。

鐵人生涯

為咗個騷,「農夫」同張達明半年前已開始積極開會度橋。陸永及 C君自從《 Do姐去 Shopping》後,新 job接唔停手,二人仲分別要拍劇,做完咗 talk騷都無得休息,因為接住要開劇同拍廣告。

「而家大部分時間都用嚟拍劇,最高紀錄試過五十個鐘冇瞓,不過都 enjoy嘅!因為要有收入,先可以用嚟『供養』我哋做音樂興趣。

「(老婆有無怨言?)冇,而家好忙,有時老婆接吓我收工有得見已經好好!(你老婆 po咗話你應承同佢去旅行?)佢自己 po出來就等如係我應承㗎喇!」陸永說。

老公做騷,陸永嫂喺後台幫忙打點。

陸永老婆公開話老公應承一忙完就陪旅行,陸永冇得走數。

陳凱琳同鄭嘉穎拍拖睇騷。

自去年與 Do姐合作《 Do姐去 Shopping》後,「農夫」人氣急升,多咗唔少搵錢機會。

「農夫」最希望與偶像黃子華合作。

撰文、攝影、攝錄:娛樂組


鍾意就快D Share啦!