掃呢頁CODE去手機

2016年3月16日 星期三

古天樂俾黎小田抽水 [FACE - 460] __,黎小田,古天樂,MF,

黎小田同佢旗下位女新人終於博到合照啦,睇吓幾開心,古仔就不失霸氣,就算人哋出陰招,佢依然冇黑面亦唔抗拒,最高境界咪呢隻囉!全知言古天樂俾黎小田抽水做一線紅星其中一個工作,就係預咗俾人黐,被人抽水搏見報,雖然冇人鍾意被人攞着數,但古仔就做咗次最佳示範,被人抽完水都可以不失霸氣。好似上星期三(9日)導演會搞春茗,貴為新電影大亨嘅古仔壓軸嚟到,成班記者就當然等佢埋去布景版影相啦,就喺呢個moment,黎 ...


黎小田同佢旗下位女新人終於博到合照啦,睇吓幾開心,古仔就不失霸氣,就算人哋出陰招,佢依然冇黑面亦唔抗拒,最高境界咪呢隻囉!

全知言

古天樂俾黎小田抽水

做一線紅星其中一個工作,就係預咗俾人黐,被人抽水搏見報,雖然冇人鍾意被人攞着數,但古仔就做咗次最佳示範,被人抽完水都可以不失霸氣。

好似上星期三( 9日)導演會搞春茗,貴為新電影大亨嘅古仔壓軸嚟到,成班記者就當然等佢埋去布景版影相啦,就喺呢個 moment,黎小田忽然拖住佢旗下女新人到場,古仔見人嚟先,當然好禮貌等下啦,點知黎小田就讓古仔行埋布景版,佢見古仔企定,即刻拖住個女新人走埋去搏大家合照,一眾攝記見到都不禁齊聲一「妖」,但古仔型喇,冇黑過面,好大方咁合照。黎小田仲未知樣衰,合照期間仲話:「呢個係我新人呀, XXX呀」。其實搏到張合照又點呢?成班行家都唔知佢是誰,位新人係幾靚,不過叫乜名呢?唔記得囉……

黎小田成功靠黐之後即閃,不過班攝記哥哥都好識做,叫古仔一個再影多張,其實以古仔咁嘅級數,影少張相又有咩影響呢?

古仔喺布景板簽名,當時企喺隔籬嘅黎小田已經部署緊叫新女「入古」,真係薑愈老愈辣!


鍾意就快D Share啦!